viernes, 28 de diciembre de 2018

EDUGA (Xullo - decembro 2018)

     A  EDUGA (www.edu.xunta.es/eduga) é a Revista Galega do Ensino publicada pola Consellería de Cultura, Educación, e Ordenación Universitaria. Nela recóllense entre outras seccións, experiencias innovadoras, boas prácticas e artigos de investigacións.
   No seu último volume publicado, o número 76 (xullo-decembro 2018), poderedes ler o artigo As bibliotecas escolares: lugares para a exploración e a experimentación de Cristina Novoa, da Asesoría de Bibliotecas Escolares de Galicia.
 http://www.edu.xunta.gal/eduga/1658/biblioteca-escolar/bibliotecas-escolares-lugares-para-exploracion-experimentacion

  Neste artigo, a autora fala sobre "un novo modelo de biblioteca que reborda absolutamente a conceptualización tradicional que a relaciona co recollemento, a lectura silenciosa e á sacralización do libro como obxecto de culto e sitúa a biblioteca escolar como un espazo de converxencia cultural, o hub central, o centro de recursos para a aprendizaxe e mesmo cara a espazos creativos de aprendizaxe, onde non son os libros os únicos recursos dispoñibles, senón que o deseño de amplos espazos multidisciplinares, diversos, e a disposición de recursos que inclúen os medios de comunicación, os dispositivos dixitais conectados á rede, así como outras posibilidades para a experimentación, a cultura maker, en definitiva a cultura da participación".

    Un dos apartados do artigo está adicado a Prácticas de interese sobre exemplos reais en bibliotecas escolares de Galicia, e nese apartado pódese ler unha referencia ao noso centro xunto a outros centros como o CEIP Pepe Xan de Baña de Santa Comba, a EEI Barrionovo de Arteixo, o CPI Manuel Suárez Marquier de O Rosal, o CEIP Condesa de Fenosa de O Barco ou o CEIP Vilar de Barrio de Vilar de Barrio.


   Non dubidedes en ler o artigo porque é moi interesante:

lunes, 24 de diciembre de 2018

RADIOS ESCOLARES, MUCHO MÁS QUE UN MEDIO - ABC 24/12/2018

   O xornal ABC publicou o artigo Radios Escolares, mucho más que un medio o día 24 de decembro.
ABC, 24/12/2018
    Neste artigo falan sobre o proxecto Radio na biblio que se está desenvolvendo en 50 centros educativos de Galicia e recollen as impresións de varios mestres de centros que participamos no proxecto: Beatriz Otero do CEIP Enrique Barreiro de Cambados, Dolores Sánchez do CPI Manuel Suárez de O Rosal e Flora Grande do noso centro.

viernes, 21 de diciembre de 2018

OS BIBLIOAXUDANTES CONTAN EN NADAL

   Para rematar as actividades deste trimestre na biblioteca, as biblioaxudantes Aitana e Francesca foron as encargadas de contarlles aos demais nenos e nenas do centro o conto Tento e mailo Nadal de Ricardo Alcántara no que Tento lle pide a Papá Noel un patinete, traerallo??

CERTAME DE CONTOS DE NADAL

   Xa ven sendo unha tradición o Certame de contos de Nadal para 3º e 4º de Primaria organizado pola profesora de Lengua Castellana.

   Nas seguintes imaxes podedes ver aos gañadores deste certame compartindo as súas historias co resto do alumnado do centro.
 

NORABOA  POR  ESES  ESTUPENDOS  RELATOS!!

FELICITACIÓN DE NADAL

   O Equipo de Biblioteca e toda a Comunidade Educativa do CEIP Plurilingüe Virxe do Carme, queremos compartir os nosos mellores desexos para estas festas e para o próximo ano coa panxoliña Unha vez máis de Jesús Pareja.



miércoles, 19 de diciembre de 2018

POSTAIS CON ELEMENTOS 3D

   Outras postais que saíron da Biblioteca Creativa do centro este Nadal, foron as postais con elementos 3D. 

     Destas postais fixéronse dous modelos; o primeiro foi unha árbore de Nadal para a que imprimimos un tronco e unha estrela que deseñamos en tinkercad. Para adornala uilizamos cintas, adornos e restos de papeis para facer os agasallos.
    Para a segunda postal utilizamos de novo Tinkercad para deseñar o nariz vermello do reno Rodolfo e os seus ollos.

   Para os cornos, descargamos un anel de reno de FLOWALISTIK no seguinte enlace (https://www.thingiverse.com/thing:208661) e recortamos a parte que vai no dedo. Despois redimensionamos no Cura os cornos propiamente ditos.

   Unhas postais moi alegres que xa podedes ver no corredor principal do colexio.

lunes, 17 de diciembre de 2018

POSTAIS CON LUZ

  As postais do alumnado de 5º e 6º de Primaria deste Nadal, son postais con sorpresa e moi creativas. 

    Cunha idea previa que sacamos do blogue Ese rincón del corazón de Manoli Picatua e reforzadas pola intervención de Paola Guimeráns nas Xornadas de Bibliotecas Escolares, decidimos argallar unhas tarxetas con luz.

    Necesitamos unha pila de botón, cinta de cobre adhesiva, leds, celo e o debuxo da postal por duplicado, un en tamaño folio para facer a postal e o circuíto eléctrico e outro para colorear.
  Poñemos dúas tiras de cinta adhesiva de cobre desde o punto no que queremos acender a luz ata o punto onde irán os leds. Unha das tiras debe ir dobrada sobre si mesma para que teña conductividade polas dúas caras de xeito que funcione como interruptor coa pila que se pegará sobre a outra tira que está totalmente pegada.
    No outro extremo das cintas pegamos os leds tendo coidado de que coincida a patiña negativa coa tira adhesiva que está en contacto co lado negativo da pila (neste caso nos puxemos a pila co lado negativo cara abaixo) e pegamos a pila e as patiñas do led con celo.
    Para que a tira adhesiva que funciona como interruptor non esté todo o tempo facendo contacto, poñemos tiras de cartón pluma cubrindo os lados da nosa postal.

   Unha vez que o circuíto está feito, pegamos o debuxo da postal que se vai a ver, picando previamente a parte que se iluminará e pegándolle papel celofán.
    Por último cubrimos os laterais dos anacos de cartón pluma con cinta dorada de Nadal e xa temos as nosas postais listas para iluminar as festas!!
   Ademais este ano, as postais teñen outro engadido: están escritas en verso!
 BO  NADAL!!!

viernes, 14 de diciembre de 2018

APRENDENDO A PROGRAMAR: XORNADA FINAL

  Hoxe rematamos as sesións de programación para os alumnos de 1º e 2º de Primaria que aproveitaron ata  o final e non deixaron nin un momento de aprender e desfrutar programando buzos, peixes, cabaliños de mar... nun fondo mariño que resultou moi movido e incluíndo as súas fotografías nos personaxes que interactúan, voces, cambiando de escenario: un montón de ordes coordinadas que foron capaces de facer!!
   A historia comeza cando un dos membros do grupo vai en barca a recoller aos outros para ir ao fondo de mar a bucear entre peixes, caranguexos, estrelas de mar...
    Para levar un recordo desta actividade, Elías e Rocío entregáronlles aos nenos e nenas un chaveiro co logo de scrath que imprimimos na 3D a partir dun deseño de jfrutoses ao que podedes ver desde aquí https://www.thingiverse.com/thing:1166665 
 
   
COMO  SEMPRE,  MOITAS  GRAZAS  POLA  VOSA  COLABORACIÓN!!
UN PRACER  CONTAR  CON  FAMILIAS  COMO A  VOSA!!


jueves, 13 de diciembre de 2018

AS FAMILIAS CONTAN EN RADIUVÍN: Familia de Senén

  Dentro da actividade As familias contan, hoxe acompañáronnos Senén e a súa nai Sonia que xa é veterana nesta actividade porque é unha das nais que participa nela desde a primeira convocatoria.

   Nesta ocasión contáronnos unha versión en galego do conto clásico: O frautista de Hamelín.
  Sonia  foi  a narradora desta historia e Senén o frautista, pero un frautista de verdade xa que el toca a frauta traveseira e a narración contou coas súas correspondentes pezas de música.

    Se quedades coas gañas de escoitar esta fermosa versión con música en directo podedes escoitar a emisión do conto en Radiuvín.




MOITAS  GRAZAS  POR  VIR  A  CONTAR  Á  NOSA  BIBLIOTECA!

viernes, 7 de diciembre de 2018

NORABOA YOLANDA!!

    A mestra do noso colexio, Yolanda Vázquez, ven de recoller o XII Premio de investigación Condado de Pallares polo seu traballo "Percorrido polos caneiros do Miño pertencentes a Guntín de Pallares".
El Progreso, 1/12/2018
La Voz de Galicia, 1/12/2018
     Para falarnos deste premio, o alumnado da súa titoría fíxolle unha entrevista en Radiuvín.



    PARABÉNS   YOLANDA!!