sábado, 21 de diciembre de 2019

FELICITACIÓN DE NADAL

   Cos nosos mellores desexos para estas festas e para o próximo ano, o Equipo de Biblioteca e toda a Comunidade Educativa do CEIP Plurilingüe Virxe do Carme; elaboramos unha felicitación coa panxoliña O meu Nadal perfecto de Iván Vale.

   Nesta panxoliña continuamos co traballo en prol dunha biblioteca e dunha sociedade inclusiva; por iso, ademais de engadir a letra, tentamos reproducir a mensaxe da panxoliña en lingua de signos.


BO  NADAL!!
FELICES  FESTAS!!

viernes, 20 de diciembre de 2019

OS BIBLIOAXUDANTES CONTAN: Tento e mailo Nadal

    Hoxe é o último día de clases desta avaliación e tamén é o día que da paso as vacacións de Nadal; por iso, os biblioaxudantes Adrián e Senén prepararon a lectura do libro Tento e mailo Nadal de Ricardo Alcántara (Ed. Tambre)

   Neste conto, Tento olvídase de pedirlle a Papá Noel o seu agasallo de Nadal máis desexado....que pasará?




  Para saber o final deste conto non tedes máis que escoitar a seguinte emisión de Lecturradio nas voces dos nosos biblioaxudantes.


BO  NADAL!!

jueves, 19 de diciembre de 2019

ADORNOS NADAL 3D

   Este ano fixemos dous tipos de adornos de Nadal con material 3D.

  Por unha banda, o alumnado de INEIN deseñou unhas bólas de Nadal coas súas iniciais para o que utilizamos o programa Tinkercad. Primeiro fixeron un cilindro de pouca altura para utilizar como base e despois engadiron as iniciais e algúns adornos en negativo, para que quedase o oco.
 

   Se vos fixades, na primeira que imprimimos houbo un problema co aro porque estaba moi fino, así que buscaron unha solución para esa e modificaron as seguintes para que non volvese a pasar.
    Ademais tamén fixemos outro tipo de bólas para as postais xa que algúns dos colores de PLA que tiñamos para imprimir, estaban estropeados e xa non valían para a impresora.

   Así que reciclámolos e démoslles outro uso: unhas bólas que son as protagonistas das postais de primaria e da árbore de Nadal.




miércoles, 18 de diciembre de 2019

AS FAMILIAS CONTAN...Familia de SARA

   Hoxe tivemos unha nova sesión da actividade As familias contan. Nesta ocasión estrenouse Luisa, a nai de Sara que era a primeira vez que viña a contarnos un conto.
  Elas escolleron "El mágico libro de los cuentos", un libro no que varios autores, escribiron infinitas posibilidades de lectura, de xeito que cada vez que se le, a historia cambia.
 
 

  Se vós queredes escoitar un destes contos, podedes facelo na seguinte emisión do programa Lecturradio: as túas lecturas na nosa radio; xa que Luisa e Sara pasaron polos estudos de Radiouvín para contarnos esta historia.


MOITAS  GRAZAS  POR  VIR  Á  NOSA  BIBLIOTECA!!

RESEÑAS PRENSA: XVI CONCURSO CONTOS SOLIDARIOS.

    Aquí vos deixamos diferentes reseñas de prensa que seguen a facerse eco do premio gañado polos alumnos e alumnas de 4º de Primaria no XVI Concurso de Contos Solidarios Un juguete, una ilusión.

http://www.rtve.es/radio/20191216/colegios-asturias-lugo-navarra-ceuta-ganan-xvi-concurso-cuentos-solidarios-juguete-ilusion/1993916.shtml
La Voz de Galicia, 17 - 12 - 2019

Fragmento do programa Voces de Lugo coa entrevista a Flora Grande


El Progreso, 19/12/2019

lunes, 16 de diciembre de 2019

XVI CONCURSO CUENTOS SOLIDARIOS

SOMOS  GAÑADORES!!!

  O xurado do XVI Concurso de Contos Solidarios "Un juguete, una ilusión" convocado pola Fundación Crecer Jugando e RNE, tendo en conta a votación on-line, elexiu o conto dos compañeiros e compañeiras de 4º primaria "Los juguetes solidarios" como o gañador nacional na súa categoría nunha final á que chegaran tamén dous centros de Zaragoza, un de Sevilla e outro de Gijón.

   Queremos compartir con todos a súa alegría a través deste vídeo e o agradecemento ao aopio de toda a Comunidade Educativa: pais, nais, compañeiros, mestres, ex-mestres, ex-alumnos, concello... e todos os que vos alegrades deste éxito porque desde a escola rural tamén se pode!!!

NORABOA!!!

NOS  SEGUINTES  ENLACES, PODEDES ACCEDER  ÁS  RESEÑAS  DE  PRENSA  QUE  SE  FIXERON  ECO  DA  NOTICIA.

 https://www.elprogreso.es/articulo/ribeira-sacra/satisfaccion-sober-primer-premio-colegio-concurso-cuentos/201912161800141412814.html?fbclid=IwAR1rx1Jp2GXPyGxv3R_nSdCHLPFN7BxcyPY-fTgds687V9d9Zv8-U4tXv4Y

https://www.lavozdegalicia.es/noticia/lemos/sober/2019/12/16/colegio-sober-gana-concurso-cuentos-solidarios-rtve/00031576500787494884213.htm?fbclid=IwAR2jjixtU961ghqK-ieAx1inW9Egm-3kUVF4_m88ShPRAOtTy-KZg2k2xcE


https://www.diariodelemos.es/el-ceip-virxe-do-carme-de-sober-gana-el-concurso-un-juguete-una-ilusion-de-rne?fbclid=IwAR0HIyllOZMOQCmvnPTH5u_ldIApg0wBt8c9imxpc-KkMEct0xID9t4g-II




 
https://www.eleconomista.es/ecoaula/noticias/10255810/12/19/Colegios-de-Asturias-Lugo-Navarra-y-Ceuta-ganan-el-concurso-de-cuentos-de-Un-juguete-una-ilusion.html
http://www.diariosigloxxi.com/texto-s/mostrar/344863/colegios-asturias-lugo-navarra-ceuta-ganan-concurso-cuentos-juguete-ilusion
https://www.servimedia.es/noticias/1203784

lunes, 9 de diciembre de 2019

CONSTITUCIÓN E ESTATUTO DE AUTONOMÍA

    Durante a primeira semana de decembro conmemorouse a Constitución e o Estatuto de Autonomía de Galicia.

   Despois de coñecer que son e en que consisten cada unha delas; comezamos a facer a nosa propia Constitución: a Constitución do CEIP Plurilingüe Virxe do Carme.

   Este ano redactáronse e aprobáronse en sesión plenaria os 8 artículos que conforman o Título Preliminar.

Artículo 1: O colexio de Sober constitúese en institución social e democrática que defende como valores superiores a liberdade, a xustiza, a igualdade, a educación e a solidariedade.
2. A soberanía do cole reside na directora Montse da que saen os poderes dos profes.
3. A forma educativa do cole de Sober é o traballo cooperativo.

Artículo 2: A constitución é para que todos sexamos iguais. É un documento para todos os soberinos e soberinas e recoñece e garante o dereito á educación dos alumnos e alumnas do Concello de Sober e a solidariedade entre todos eles.

Artículo 3: O galego, o castelán e o inglés son as linguas oficiais deste colexio. Todos os alumnos e alumnas teñen dereito a usalas e deber de coñecelas. Temos que coidar e respectar aos demais alumnos e aos materiais do colexio.

Artículo 4: A insignia do colexio de Sober é Lectuvín, un acio de uvas morado que está lendo un libro. Utilízase na biblioteca, na radio e en todas as actividades relacionadas con elas.

Artículo 5: A capital do Concello está na vila de Sober e ten moitas parroquias: Amandi, Anllo, Barantes, Bolmente, Brosmos, Bulso, Canabal, Doade, Figueiroá, Gundvós, Liñarán, Lobios, Millán, Neiras, Pinol, Proendos, Refoxo, Rosende, San Martín de Anllo, Santiorxo e Vilaoscura.

Artículo 6: cada curso ten a súa propia opinión ou pensamento expresando o que pensa cada alumno. Os nenos e nenas de cada curso teñen o dereito a expresar a súa opinión e facer o que queiran sempre co deber de comportarse ben e respectar. Todos somos iguais.

Artículo 7: O profesorado deberá axudar aos alumnos a que cumpran os seus dereitos. Debemos opinar democraticamente nas actividades que vaiamos a facer no colexio.

Artículo 8: Temos dereitos pero tamén temos deberes como respectar e ser educados. Se facemos estes deberes, teremos como recompensa unha actividade. A actividades faranse todos xuntos sen deixar fóra a persoas polo seu xénero ou aparencia. Os castigos non poderán afectar á nosa integridade.

miércoles, 4 de diciembre de 2019

XVI CONCURSO DE CONTOS SOLIDARIOS

Desde o colexio participamos no XVI Concurso Nacional de Contos Solidarios "Un juguete, una ilusión" organizado por RNE e a Fundación Crecer xogando.


    Este ano o tema era "o meu xoguete favorito" e animaba ao alumnado a elaborar un relato, unha canción o un poema para falar do dereito dos nenos a xogar e da importancia do xogo.

    A continuación podedes escoitar os contos elaborados polo noso alumnado:

POLAR (3º Primaria)


LOS  JUGUETES  SOLIDARIOS (4º Primaria)
Música: Porch swing days slower by Kevin Macleod


LA  BARAJA  ESPAÑOLA (5º e 6º Primaria)
Música: Five armies by Kevin Macleod

martes, 3 de diciembre de 2019

DÍA INTERNACIONAL DAS PERSOAS CON DISCAPACIDADE

   En 1992 a Asamblea Xeral das Nacións Unidas proclamou o 3 de decembro como Día Internacional  das Persoas con Discapacidade con fin de promover os seus dereitos e o seu benestar en todos os ámbitos da sociedade e concienciar sobre a súa situación.
   Este ano, o día céntrase no empoderamento destas persoas para un desenvolvemento inclusivo, equitativo e sonstenible como pide a Axenda 2030 que se compromete a "non deixar a ninguén atrás".

    Nós quixemos sumarnos a este obxectivo axudando a concienciar ao noso alumnado con dúas actividades. Para comezar, os biblioaxudantes Laura e Xoán leron o libro Por cuatro esquitas de nada de Jérôme Ruillier.
 
  Neste libro, Cuadradito non pode entrar na casa grande porque ten unha porta redonda.
  Despois de moito intentalo e incluso pensar si cortarlle as esquinas a Cuadradito; os Redonditos decicidiron que o problema non era del se non da porta e, por iso, ampliáronna con 4 esquiniñas de nada solucionando así o problema.

   Despois os nenos e nenas realizaron un circuíto no que tiñan que enfrontarse a probas que se relacionaban con diferentes discapacidades: nunha non podían falar, nas seguintes levaban antifaces para non ver, noutras non podían utilizar as mans e na última tiñan dificultade para andar polo que debían usar muletas ou cadeira de rodas. 
 
 
 
  Esperamos que estas actividades fagan que o noso alumnado reflexione e, se queredes, vós tamén podedes escoitar un resumo das actividades de hoxe e escoitar o conto Por cuatro esquinitas de nada na seguinte emisión de Radiuvín: