RECOMENDACIÓNS LECTORAS - NADAL 2024

 

 

 

 DESCARGAR  EN  PDF

 

 

CARTAS DESDE A RÍA - Nadal 2024

   Este curso retomamos o proxecto Cartas dende a ría co CEIP de Seara (Moaña) que comezamos o ano pasado.

  E comezamos intercambiándonos postais de Nadal cheas de bos desexos para esta época do ano e para o próximo ano 2025.

   Coma noutras ocasións, recibir esta correspondencia dos nosos amigos e amigas de Moaña fíxonos moita ilusión!

 

 

MOITAS  GRAZAS  POLAS  VOSAS  POSTAIS!!

CANTIGAS DE OUTONO

   Unha parte importante da nosa identidade e da nosa cultura está formada pola tradición e a sabedoría popular que este curso se homenaxeará o Día das Letras Galegas xa que estará adicado ás cantigas tradicionais

   Por iso quixemos recoller cantigas da nosa zona relacionadas co outono e para conseguilo pedimos a colaboracion das familias.

  Nos seguintes audios e vídeos podedes escoitar as cantigas recollidas. A maioría son de tradición popular pero hai algunha inventada por algúns alumnos... quen sabe se chegarán a transmitirse de xeración en xeración!

  Na primeira parte desta recompilación poderedes coñecer máis sobre o que son as cantigas e a súa tradición e escoitar a Alassane coa súa familia.

   Na segunda parte, escoitaredes as cantigas de Ana, Alfonso, Ainhoa, Estrela e Noé tamén coas súas familias.

  Rematamos cun vídeo que inclúe as demais cantigas, as de Daniela, Aldán, Carla Martínez, Candela, Alexia, Julieta, Leonor e a súa nai Cristina, Gabriel, Xiana, Valeria, Enzo e Erea.

 Algunhas escoitarédelas varias veces porque varias familias achegaron a mesma cantiga o que quere dicir que son moi populares nesta zona. 

MOITAS  GRAZAS  A  TODAS  AS  FAMILIAS  POR

PARTICIPAR  NESTA  ACTIVIDADE!!

EL OTOÑO (Ed. Infantil)

 O alumnado de Ed. Infantil estivo desenvolvendo un proxecto sobre o outono no que se incluía a aprendizaxe dun pequeno poema.

  Primeiro estiveron taballando o poema na aula, despois gravárono na radio e, para finalizar, coas súas voces elaboramos este vídeo co que damos por rematado o outono e xa esperamos ao inverno.

Esperamos que vos guste!

 

AS FAMILIAS CONTAN: Familia de Manuel Vázquez

   Na última sesión de As familias contan do ano 2024, estiveron na biblioteca Manuel Vázquez e a súa nai Noelia para compartir con nós o libro Ava e Papá Noel, de Maren Tjelta Thu.

  Este libro é un álbum ilustrado que, a modo de calendario de advento, narra o que Alva e a súa familia fan durante esta época do ano.

    Entre eles decoran, empaquetan agasallos, escriben postais, fan manualidades, aldeas de xenxibre e doces típicos do Nadal...

   Pero no medio de tanta actividade, Alva decátase de que Papá Noel entrega agasallos a todo o mundo e ninguén lle dá un agasallo a el; por iso ela decide enviarlle un agasallo coa súa carta.

   Cando Papá Noel recibe o agasallo ponse moi contento e encargarse persoalmente do regalo de Alva.

    Finalmente chega Noiteboa e é tan marabillosa como Alva  imaxinara xa que todos disfrutan alegremente deste día mentres Papá Noel observa silandeiro o feliz que fixo a Ana co seu agasallo.

   Ademais da historia, este libro conta con retos diferentes para cada día que o noso alumnado puido resolver.  

Se vós tamén queredes escoitar esta fermosa historia de Nadal, podedes facelo no seguinte podcast.

MOITAS  GRAZAS  POR  ACOMPAÑARNOS  UN  ANO  MÁIS

E  BO NADAL  PARA VÓS TAMÉN!!

 GALERÍA  DE  IMAXES

NOVEMBRO, MES DA CIENCIA EN GALEGO (III)

 Explorando o Universo na Biblioteta Escolar: Por que a Terra non para de bailar?

    Neste mes da ciencia nas bilbiotecas escolares os nenos e nenas de 4º de Primaria quixemos descubrir un segredo a voces: a Terra non deixa de moverse e iso fai que cada día e cada estación sexan unha verdadeira obra de arte científica. Para logralo, construímos unha pequena maqueta ilustrativa e contamos algunha que outra anécdota.

Acompáñanos nesta aventura!

 

DÍA INTERNACIONAL DAS PERSOAS CON DISCAPACIDADE

    O 3 de decembro é o Día Internacional  das Persoas con Discapacidade; un día que ten como finalidade concienciar sobre a súa situación e promover os seus dereitos e o seu benestar en todos os ámbitos da sociedade.

   Esta obxectivo recóllese tamén nos obxectivos da Axenda 2030: Obxectivo 10: Redución das desigualdades.

  

   No centro quixemos conmemorar este día realizando diferentes actividades ao longo da semana que axudaran ao noso alumnado a comprender as dificultades ás que estas persoas teñen que enfrontarse na súa vida cotiá.

 

  Comezamos vendo un vídeo que explica que é a discapacidade:

 

 

   Despois fixemos un traballo de reflexión sobre os tipos de discapacidade,os inconvintes que conlevan, os comportamentos adecuados ante persoas con algunha discapacidade...

  Para rematar realizaron un circuíto no que tiñan que enfrontarse a probas que se relacionaban con diferentes discapacidades: 

 

Realizar un percorrido cun antiface guiados por un compañeiro

 

Debuxar ou escribir coa boca ou cos pés,

 

Un partido de voley sentados sen poder moverse nin levantarse

 

Poñer e quitar unha chaqueta cun brazo inmobilizado

 

 

Levar un globo dun lado ao outro do pavillón en parellas sen utilizar as mans

  

   Esperamos que estas actividades fagan que o noso alumnado reflexione sobre a situación destas persoas e as dificultades que teñen que superar.

 

 

 GALERÍA  DE  IMAXES

AS FAMILIAS CONTAN: Familia de César e Julieta

   Hoxe tivemos unha nova sesión da actividade As familias contan na que viñeron a contar varios familiares de César e Julieta: a súa avoa Ono, a súa nai Maryori e os seus primos Verónica e Vicente que ademais son ex-alumnos do noso centro.

   Entre todos contáronnos a historia de El pequeño Elliot y su gran familia escrito por Mike Curato.

  Elliot é un pequeno elefante de lunares de cores moi amigo do pequeno Ratoncito co que convive no circo.

  Ratoncito está moi contento porque vai a ir a unha festa familiar cos seus pais, os seus avós, 15 irmáns, 19 irmás, 25 tías, 17 tíos e 147 primos, máis ou menos...

  Cando Ratoncito marcha, Elliot síntese moi só porque el non ten ningún primo e decide saír a dar un paseo.

     Mentres pasea polas rúas, Elliot ve moitas familias de tamaños diferentes, formas, tipos... pero segue sentíndose moi só...

    Ata que comprende que el tamén ten unha familia... a familia de Ratoncito!! Porque este libro axúdanos a entender que as amizades son a familia que escollemos e que no corazón sempre hai sitio para un máis aínda que non haxa parentesco oficial

 

   Se queredes escoitar esta historia tan bonita, podedes facelo oíndo o seguinte podcast que gravaron en Radiuvín.

GRAZAS  POR  COMPARTIR  ESTE  LIBRO  QUE  NOS  ENSINA  QUE  A  FAMILIA  E  A AMIZADE  SON  OS  AGASALLOS  MÁIS  GRANDES  QUE  PODEMOS  ATESOURAR!!

 

E  GRAZAS  TAMÉN  A VICENTE  E  A  VERÓNICA  POLA  VOSA  VISITA!! 

SEMPRE  É  UN  PRACER  VOLVER  A ATOPARSE  CON  EX-ALUMNOS  DO  CENTRO!! 

GALERÍA  DE  IMAXES