SUPERLECTORES: CERTAME

Como sabedes o tema deste ano para o entroido será:

SUPERLECTORES:

O PODER DE LER!!

    Pero non hai heroe que non teña unha rima, un eslogan, un berro... significativo e nos non queremos ser menos.

    Por iso convocamos un CERTAME DE CREACIÓN LITERARIA entre o noso alumnado.

    Necesitamos algo que nos identifique como os superheores que somos.

PRAZO DE ENTREGA: ata o mércores 03/02/2016

    Esperamos os vosos traballos.

CONTOS POLA PAZ con Teresa Grau

    Os contos son unha gran axuda para facer que os nenos e nenas reflexionen. Partindo desta premisa, hoxe, para conmemorar o Día da Paz contamos na biblioteca do colexio coa presenza da narradora Teresa Grau que a través de varias historias fixo que os nenos e nenas recapacitasen sobre os sentimentos contrarios á paz: medo, celos, rabia, ira... e nos deu algunhas pautas para loitar contra eles.

Por certo, sabíades que en Australia o animal que representa a Paz é o ornitorringo?  

Aquí podedes ver a Teresa contándonos o conto que o explica...

Outro dos contos foi ¡Julieta, estate quieta! que fala robre as relacións entre irmáns.

Entre conto e conto, chegamos ao final da sesión. O conto final foi A paz perfecta:   

Había unha vez un rei e unha raíña que ofreceron un gran premio ao artista que puidera debuxar a paz perfecta.

Moitos artistas o intentaron e presentaron as súas obras no palacio. O rei e a raíña observaron e admiraron todas as pinturas:

     Entre todas elas escolleron dúas que realmente lles gustaban. 

    A primeira era dun lago moi tranquilo. Este lago representaba un plácido lago cunhas montañas preciosas ao fondo; o ceo era moi azul e nel podíanse ver unhas nubes brancas. Todos os que miraron esta pintura pensaron que reflexaba a paz perfecta.

    A segunda pintura tamén tiña montañas pero estas eran escabrosas, o ceo era escuro e podía verse unha gran tormenta con raios e tronos, ademais montaña abaixo parecía retumbar un torrente de auga. Esta pintura non parecía nada pacífica.

 Toda a xente pensaba que os reis escollerían a primeira pintura, con aquel paisaxe tan tranquilo pero... eles escolleron a segunda!!

   Por que?

 Porque naquela pintura nada pacífica, os reis viron un delicado arbusto crecendo nunha roca e nese arbusto viron un niño: alí, en medio do ruído da tormenta e da cascada, estaba sentado plácidamente un paxariño... Entón o rei explicou:

"Paz non significa estar nun lugar sen ruídos, sen problemas, sen traballo duro ou sen dolor. Paz significa que a pesar de estar no medio de todas esas cousas, poidamos manter a calma no noso corazón. Ese é o verdadeiro significado da paz!"

    Os nenos e nenas saíron tan contentos da sesión que Teresa estivo firmando autógrafos. Esperemos que estes contos nos fagan reflexionar...

AS MOCHILAS VIAXEIRAS COMEZAN A SÚA ANDAINA

   Cargadiñas de materiais textuais, contidos multimedia e actividades viaxeiras, as mochilas viaxeiras de Primaria, empezan a súa andaina polas casas do noso alumnado esperando que vos axuden a disfrutar en familia do pracer da lectura. 

    Estas mochilas inclúen o diario da mochila, que é un caderno para a colaboración das familias; onde poderedes incluír as vosas opinións, reflexións, suxestións, fotos cos materiais da mochila, debuxos, textos... o que queirades relacionado co paso da mochila pola vosa casa.

    Tamén encontraredes o libro viaxeiro "Lectuvín vai de viaxe" este libro é un espazo para a creatividade no que cada alumno/a irá escribindo un texto que complete os dos seus compañeiros/as e unha ilustración que reflicta o ocurrido. 

   Esperamos que compartir estas mochilas e os materiais que inclúen, sexa un pracer para vós

 

O NOSO PREMIO NA PRENSA

Os seccións locais dos xornais fixéronse eco do noso premio:

El Progreso, 21/01/2016

La Voz de Galicia, 21/01/2016

PREMIOS DO CONCURSO DE CONTOS "UN JUGUETE, UNA ILUSIÓN"

    Xa chegaron os premios do XII Concurso Solidario de Contos "Un juguete, una ilusión" para os nosos finalistas de 1º e 2º de Primaria.

Aquí podedes ver a estes alumnos posando felices coa recompensa ao seu esforzo e traballo:

   O premio consistía en varios xoguetes de campaña mais unha copia do seu conto "Todos contra o cambio climático"

   

      Tamén houbo un agasallo para a biblioteca, un xogo de dominó de Rik e Rok, os protagonistas do conto.

CERTAME DE POESÍAS E POSTAIS DE NADAL - 2015

    O venres día 15 / 01 / 2016 fíxose entrega na Biblioteca Pública Municipal de Sober dos premios correspondentes ao Certame de Postais e Poesías do Nadal 2015.

     O noso alumnado recolleu un premio á participación consistente nun diploma e nuns libros para a nosa biblioteca

   

Este acto foi recollido na prensa do día seguinte:

La Voz de Galicia, 16/01/2016

El Progresos, 16/01/2016