DÍA DO LIBRO INFANTIL: Cando abres un libro

    O 2 de abril celébrase o Día do Libro Infantil xa que nesta data naceu o escritor danés Hans Christian Andersen autor de moitos dos libros infantís máis coñecidos.

    Para conmemorar este día escollemos o libro Cando abres un libro escrito por  Caroline Derlatka e ilustrado por Sara Ugolotti. 

    Con esta historia a autora quere transmitirnos que a aventura máis grande do mundo é ler un libro: dragóns, piratas, sereas, árbores de caramelo, un montón de animais, o universo enteiro... Acompañádenos nesta aventura!!

 

DESFILE DE ENTROIDO - PROXECTO DE HISTORIA

   Este ano o desfile de Entroido do colexio ten como tema principal o proxecto "Un pouco de historia" que estamos desenvolvendo nesta segunda avaliavión. Por iso, o alumnado das diferentes clases se disfrazou de diferentes épocas históricas.

 

 

Podedes ver un resumo deste desfile  e do ben que o pasamos no seguinte vídeo:

 

Se queredes ver as imaxes do desfile podedes facelo no seguinte enlace:

GALERÍA  DE  IMAXES

 Pola tarde foi o momento do disfrace libre no que cada quen puido disfrazarse do que quixo. Podedes ver tamén algunhas imaxes destes disfraces no seguinte enlace:

GALERIA  DE  IMAXES

COMANDAS DO MECO: Xoves - Has de cantar

   Para rematar o meco deste ano dedicado a Rosalía de Castro, elaboramos este vídeo do seu poema "Has de cantar" coa versión musicalizada do libro Rosalía Pequeniña de Uxía.

  Esperamos que vos guste!

CLUB DE LECTURA (5 - 2024/25)

 Hoxe rematamos a lectura do relato Penca de Prata escrito por Arthur Conan Doyle.

   Este caso tivo unha resolución insospeitada xa que ninguén pensaba que ao final, o culpable de todo o que pasara era a propia vítima e que o asasino fora Penca de Prata.

   Tampouco que Penca de Prata correría e gañaría a carreira tinguido de cor castaña para que ninguén o recoñecese. 

 

    A verdade é que este libro foi moi sorprendente aínda que aos membros do club, en xeral, lles resultou difícil de comprender tanto polo libro en si como polo tipo de texto xa que era a primeira vez que lían un libro no que a dedución fora tan importante; pero esa é unha das finalidades do club de lectura: ler libros que doutra maneira nunca lerían!

   Para rematar, fixemos un obradoiro de sombreiros para asistir á Royal Ascot de Londres.

Aquí tedes aos membros do club coas flamantes gañadoras da carreira!!

 

 

 

CANTIGAS DE OUTONO

   Unha parte importante da nosa identidade e da nosa cultura está formada pola tradición e a sabedoría popular que este curso se homenaxeará o Día das Letras Galegas xa que estará adicado ás cantigas tradicionais

   Por iso quixemos recoller cantigas da nosa zona relacionadas co outono e para conseguilo pedimos a colaboracion das familias.

  Nos seguintes audios e vídeos podedes escoitar as cantigas recollidas. A maioría son de tradición popular pero hai algunha inventada por algúns alumnos... quen sabe se chegarán a transmitirse de xeración en xeración!

  Na primeira parte desta recompilación poderedes coñecer máis sobre o que son as cantigas e a súa tradición e escoitar a Alassane coa súa familia.

   Na segunda parte, escoitaredes as cantigas de Ana, Alfonso, Ainhoa, Estrela e Noé tamén coas súas familias.

  Rematamos cun vídeo que inclúe as demais cantigas, as de Daniela, Aldán, Carla Martínez, Candela, Alexia, Julieta, Leonor e a súa nai Cristina, Gabriel, Xiana, Valeria, Enzo e Erea.

 Algunhas escoitarédelas varias veces porque varias familias achegaron a mesma cantiga o que quere dicir que son moi populares nesta zona. 

MOITAS  GRAZAS  A  TODAS  AS  FAMILIAS  POR

PARTICIPAR  NESTA  ACTIVIDADE!!

FELICITACIÓN DE NADAL

       Todos  os  membros da Comunidade Educativa do CEIP Plurilingüe Virxe do Carme; queremos desexarvos FELICES FESTAS con esta versión percutida da navideña Marcha Radetzky de J. Strauss.

       Esperamos que vos guste moito vela e, se vos apetece... DÁDELLE  ÁS  PALMAS!!

     

 

FELIZ  2024  E  BO NADAL!!!

ADIVIÑAS DE OUTONO

 

     Unha parte importante da nosa identidade e da nosa cultura está formada pola tradición e a sabedoría popular.

    Este ano quixemos seguir recollendo parte desa tradición popular e por iso trocamos os refráns do ano pasado por adiviñas. 

    No seguinte videos compartimos as adiviñas que o noso alumnado e as súas familias nos fixeron chegar coa súa correspondente solución. 

   Preparados para poñer as neuronas a funcionar??

MOITAS  GRAZAS  ÁS  FAMILIAS  POR  PARTICIPAR

NA  TRANSMISIÓN  DESTAS  ADIVIÑAS!!

 

EXPERIMENTOS NA BIBLIO - 2023

 

   Novembro é o Mes da Ciencia en Galego nas Bibliotecas; por esta razón, o noso alumnado estivo facento durante este mes experimentos e outras experienciasn científicas que lles axudaron a ampliar o seu coñecemento sobre o mundo que nos rodea.

  Compartimos a continuación varios vídeos dos experimentos do alumnado de Primaria:

 

25N - Día Internacional da eliminación da violencia contra a muller

      Como centro educativo cremos que para loitar contra a violencia de xénero a nosa mellor ferramenta é a COEDUCACIÓN, un elemento fundamental para avanzar na igualdade real entre mulleres e homes e que ademais é un dos obxectivos da Axenda 2030:

       En busca deste obxectivo, quixemos facer fincapé na ruptura de estereotipos comezando cunha choiva de ideas: que se lle atribúe ás nenas? e aos nenos? cal sería a opción correcta?

O rosa é de nenas e o azul de nenos?

Os homes conducen mellor que as mulleres?

As nenas levan o pelo longo e os nenos curto?

Os nenos teñen máis forza que as nenas?

...

      Despois o alumnado de 5º e 6º de Primaira ilustrou as ideas principais desta choiva e con eses debuxos fixemos un mural no que literalmente rompemos os estereotipos.

 

 

 

   Ademais para afianzar este concepto tamén traballamos co libro Que hacen las niñas? Que hacen los niños? escrito por Irene Biemmi, un libro que visibiliza perfectamente que as nenas e os nenos poden facer as mesmas cousas como podedes comprobar no seguinte vídeo que fixemos entre toda a comunidade educativa:

    Aínda así, sabemos que a coeducación non é labor dun día polo que no colexio seguiremos traballando para que tanto os nenos como as nenas entendan a importacia de loitar para acadar unha ruptura real dos estereotipos de xénero e unha igualdade efectiva entre eles.  

  GALERÍA  DE  IMAXES

DÍA DO LIBRO: Cando Leo (Eva Mejuto)

    Comezamos as actividades da Semana do libro co libro Cando leo escrito por Eva Mejuto e Ilustrado por Bea Gregores porque compartimos completamente as verbas da súa contraportada: "Todo é posible cando nos poñemos a ler e nos deixamos levar polas páxinas dun libro. Todo é posible, sobre todo o imposible"

      Cando leo abre as portas e as ventás de moitos mundos e de moitas situacións reais ou imaxinarias. A través do texto e das súas ilustracións reflexionamos sobre o poder da lectura  non só como un medio para evadirnos se non tamén como un refuxio en momentos difíciles.

     O vídeo está elaborado coas voces en off de Naím Hourri e Lucas Fernández e con fotomontaxes das ilustracións cos nenos e nenas de educación infantil como protagonistas. Esperamos que vos guste tanto como a nós!

   Despois do visionado na biblioteca, os nenos e as nenas de Primaria fixeron unha reflexión do que sentían cando lían e plasmárona nun pequeno libro. 

 

  

Con todos eses sentimentos elaboramos o noso mural para o DÍA DO LIBRO 2023!

 GALERÍA  DE  IMAXES