MAGOSTO

   No outono pasan moitas cousiñas na natureza e as crianzas de infantil estiveron facendo un proxecto sobre esta estación para coñecer mellor todos eses cambios que se producen: aprenderon que as follas cambian de cor ou caen, que os ourizos caen das árbores e saen as castañas, que hai outros froitos típicos desta época como as landras,as améndoas, as cabazas... e fixeron unha exposición preciosa con produtos desta época do ano.

    E o mellor de todo foi que hoxe quixeron compartilo co resto do alumnado do colexio que estivo moi atento ás súas explicacións. Foi unha experiencia estupenda na que os maiores quedaron abraiados de todo o que sabían.

  Despois de falar tanto do outono e dos froitos secos, chegou o momento de asar as castañas e comelas!

 E para isto xs nenxs de infantil xa fixeran unhas cestas con forma de castaña moi fermosas.

   

    Tamén o alumnado de 1º e 2º de Primaria preparou unha exposición de castañas decoradas con moita arte que se pode ver no corredor principal do colexio

    Foi un día estupendo no que pasamos un rato moi divertido!

GALERÍA  DE  IMAXES

MAGOSTO 2023

 Novembro é o mes dos magostos e das castañas e no cole fixemos o noso propio magosto!

  A xornada comezou na biblioteca onde os biblioaxundates Javier, Germán e Carlota leron varios poemas realacionados co outono e coas castañas do libro Os soños na gaiola de Manuel María.

 

  Pola tarde foi o momento de gozar das castañas asadas, comelas e pasar un rato divertido!

 

Podedes ver máis imaxes deste día no seguinte enlace:

GALERÍA  DE  IMAXES

MAGOSTO 2022

 

    Estamos en novembro que é o mes das castañas e dos magostos...e, por suposto, no cole tamén facemos o noso!!

    Comezamos o día na biblioteca cos biblioaxudantes Naím e Yanira que nos leron un poema acumulativo de Azucena Arias do libro  O magosto. Festas na escola (Colectivo "Ollo de Sapo") no que conta o que lle pasou á castaña do souto do araña.

    Despois de escoitalo, todo o alumnado do colexio fixo un exercicio de memoria intentanto completar o poema de memoria ou pintando e ordeando os personaxes protagonistas.

    Queredes escoitar outra vez este poema tan simpático e comprobar a vosa memoria? Pois aquí vos deixamos o podcast que gravaron en Radiuvín e as fichas que traballamos

   Pola tarde foi o momento de asar as castañas e como non... comelas!!!

Para ver todas as imaxes deste día,

premede na GALERÍA  DE  IMAXES

 

MAGOSTO

    Esta é época de castañas e magostos... e, por suposto, no cole tamén facemos o noso!!

 

   Comezamos o día na biblioteca cos biblioaxudantes. Valentina falounos un pouco desta tradición e das diferenzas entre un ourizo de castaña e un ourizo mamífero.

  Zaira Salgado leunos o poema "O magosto" da obra Cantos de sol a sol de Xosé Neira Vilas:

Na punta da póla

o ourizo regaña

e dende as espiñas

axexa a castaña.

Castaña ridente

redondiña e chea

achégate ao lume

que hai festa na aldea.

Hai festa rachada

no cabo da eira, 

hai cantos e bailes,

castaña festeira. 

Ti es a señora

que chega na cesta

alma do magosto

raíña da festa.

    A continuación Pablo Pérez, recitou o poema "O ourizo" lo libro Os soños na gaiola de Manuel María:

Co seu ouro vello, mol,

o ourizo ouriceiro

toma o sol

no pico dun castiñeiro.

Tal un señor moi mandón,

o ourizón,

no pico dun castiñeiro

tomando o sol moi riseiro.

O ourizo está moi ledo

coa súa casa ben pechada

-ouh, que medo!-

de espiñas toda cercada.

Quer botar unha risada

e os seus dentes arregaña

case un nada,

e xa fuxiu a castaña...! 

   Podedes escoitar os dous poemas na emisión de Lecturradio de hoxe:

    Xa pola tarde foi o tempo de asar as castañas e  de  comelas

Podesde ver todas as fotos no enlace:

GALERÍA  DE  IMAXES:  MAGOSTO 2019

O MAGOSTO

Estamos no tempo das castañas e dos magostos e no colexio non íamos a ser menos.

 GALERÍA  DE  IMAXES  DO  MAGOSTO

    Nesta actividade, a biblioteca tamén estivo presente a través do alumnado de infantil que nos contou "A castaña e o verme", unha pequena historia que estiveron traballando durante estes días e que xa podedes intuir quen ten como protagonista.

Non deixedes de vela!

MAGOSTO NO COLEXIO!!

Chegou o día do magosto no colexio!!

    Como cada ano, non puideron faltar as castañas asadas, traballo para o que contamos coa presenza de dous ex-membros moi queridos por esta comunidade educativa: Tito, o conserxe e José Manuel Álvarez, profesor recién xubilado de Educación Física.

   Podedes ver todas as fotos do magosto seguindo o enlace: GALERÍA DE FOTOS.

   Pero nun día tan divertido, non podiamos olvidarnos da literatura. Neste caso, tendo como protagonista O ourizo, un poema do libro Os soños na gaiola, escrito por Manuel María escritor ao que se lle adicará o Día das Letras Galegas en 2016. 

  

  Le o seu poema e despois fai o test de comprensión lectora a ver si eres quen de superalo:

 

O  OURIZO

 

Co seu ouro vello, mol,

o ourizo ouriceiro

toma o sol

no bico dun castiñeiro.

Tal un señor moi mandón:

no bico dun castiñeiro

o ourizón

toma o sol moi riseiro.

O ourizo está moi ledo

coa súa casa ben pechada

- ouh, que medo!-

de espiñas toda cercada.

Quer botar unha risada

e os seus dentes arregaña

case un nada:

e xa fuxiu a castaña...!

 

O MAGOSTO

Por fin, hoxe puidemos celebrar o noso magosto!!!

    Os nenos e nenas máis maiores, co profesor de Educación Física; foron os encargados de asar as castañas mentres os demais esperabamos con impaciencia.

    A espera mereceu a pena porque as castañas estaban boíííííííííísimas.

Para ver todas as imaxes deste magosto, vai a galería.

GALERÍA  DE  IMAXES

    Se queres seguir pasándoo ben co magosto, aquí tes varios xogos on-line:

CELEBRAMOS  O  MAGOSTO  (Actividades LIM de Ana Martínez Rey)

O  MAGOSTO (Actividades JCLIC de Félix Pimentel e Dolores Iglesias)