UN LIBRO ABERTO PARA O ENTROIDO

   No colexio convertímonos por unhas horas nun libro aberto de poesía en galego de autores galegos.

    Os máis pequenos foron os lapis que todo autor necesita para escribir a súa obra.

 Os de primaria repartíronse por clases para representar diferentes autores:

- 1º e 2º eran o libro Cantares Gallegos de Rosalía Castro.

- 3º e 4º elexiron Os soños na gaiola de  Manuel María

- 5º e 6º levaban o libro Aires da miña terra de Manuel Curros Enríquez.

- e as mestras, Polo correo do vento de Aquilino Iglesia Alvariño.

   Cada un dos disfraces levaba na parte dianteira un poema do libro cunha ilustración e o seu marcapáxinas e na parte traseira a portada e a contraportada coa súa etiqueta correspondente.

   Con estes traxes percorremos as rúas de Sober acompañados de familiares e veciños que incluso nos agasallaron con caramelos.

    Ao chegar á praza do Concello os alumnos recitaron as súas poesías para todos os presentes.

    Despois desde o Concello agasalláronnos cunha bolsa de chuches e xa de volta ao colexio visitamos aos maiores na Residencia Nuestra Señora del Carmen.

 

GALERÍA  DE  IMAXES

DÍA DE ROSALÍA - CONVIVENCIA CEIP A GÁNDARA

    Unha das actividades levadas a cabo no noso centro para conmemorar o Día de Rosalía foi uha convivencia entre o noso alumnado de Educación Infantil e os alumnos de 5 anos do CEIP A Gándara de Monforte arredor dun fragmento do poema Parece unha rosa do seu libro Cantares Gallegos.

Vente rapaza,
vente meniña,
vente a lavar
no pilón da Fontiña.

    Esta actividade que partiu do CEIP A Gándara, tivo como finalidade dar a coñecer a obra de Rosalía xunto coas tradicións e o patrimonio cultural galego.

O primeiro foi coñecernos para o que se fixeron varios xogos de presentación no patio do colexio.

   Tamén intercambiamos uns agasallos desde as respectivas bibliotecas.

  Eles que están desenvolvendo un proxecto de dinosaurios regaláronnos un libro sobre estes animais xa extintos e recitáronnos unha poesía para ensinarnos moitas cousas sobre a súa vida, a súa alimentación, a súa extinción...

   Nós que xa sabiamos que eles estaban desenvolvendo este proxecto, imprimimos varios puzzles coa nosa impresora 3D (by fablabmalaga www.thingiverse.com/thing:1163973) para que levasen de recordo ademais dun sobre con todo o necesario para facer uns monicreques de Rosalía de Castro co fragmento do poema traballado.

 

   Despois coñeceron o noso centro: a biblioteca, a radio e as aulas de infantil e xa con todo preparado e as botas postas, comezou a saída aos dous lavadoiros de Sober.

   Visitaron o lavadoiro dos Eireos e o de Arroxo, previamente acondicionados polo Concello de Sober, nos que os nenos puideron lavar a súa roupiña.

 

   Unha vez que a roupa estivo ben lavada, o seguinte paso foi tendela e poñela a clareo na Praza do Concello onde os nenos aproveitaron para xantar e pasar o resto da xornada de convivencia.

   

GRAZAS  POLA  VISITA  E  ATA  PRONTO!!!

  GALERÍA  DE  IMAXES

DÍA DE ROSALÍA - 24/02/2019

    Hoxe conmemórase o nacemento da autora galega Rosalía de Castro.

    A nosa pequena homenaxe deste ano consiste nun vídeo coa técnica do croma no que participa todo o alumnado do colexio, uns alumnos informándonos sobre a vida de Rosalía e outros recitando os seus poemas.

    Esperamos que vos guste e desfrutedes da súa poesía.

DÍA DE ROSALÍA NA RADIO

    Unha das actividades que fixemos para conmemorar o Día de Rosalía foi o recitado dalgúns fragmentos de varios poemas de Rosalía de Castro do seu libro Cantares Gallegos.

POÉTICAS DIVERSAS NA BIBLIOTECA ESCOLAR (Texto: Asesoría Bibliotecas Escolares)

    Hoxe coñecimos o lema escollido pola Consellería de Cultura, Educación e Ordenación Universitaria para as bibliotecas do PLAMBE durante o curso 2018/2019: 

"Poéticas diversas na biblioteca escolar"

Imaxe de  Nuria Díaz

    "A poesía está por todas partes, o que importa é explorar para descubrila. A biblioteca escolar é un lugar privilexiado para estimular esa mirada que xogue a descubrir a poesía que se agocha nas paisaxes, na música, no cine, nunha noite estrelada, no baile do vento na herba, nos seres minúsculos que só podemos ver a través do microscopio, nesa música que engaiola, na palabra dos poetas, na tradición oral, nun texto que nos traspasa e nos obriga a mirarnos, nesa persoa que nos axuda a abrir os ollos para ver o que nos rodea, no último descubrimento científico (eses escutoides descoñecidos até agora), nesa voz que nos fala, nese abrazo que nos agarima..."

Texto: Asesoría Bibliotecas Escolares