MARIPOSA - Federico García Lorca. Alumnado de 1º e 2º de Proxecto Competencial

   O alumnado de 1º e 2º de Primaria de Proxecto Competencial estivo realizando un pequeno videopoema baseándose na poesía Mariposa de Federico García Lorca recollida no libro 12 poemas de Federico García Lorca (Ed. Kalandraka).

   Para este videopoema o alumnado pintou a bolboreta protagonista dourada e verde e preparou o fondo sobre o que voaría.

  Despois  gravaron o poema en Radiuvín e editáronno para que se escoitase perfectamente e utilizar este audio como voz en off. 

   Para rematar sacaron un montón de fotografías coas que montar o vídeo coa técnica stopmotion.

Aquí tedes o resultado de tanto traballo... ESPERAMOS  QUE  VOS  GUSTE!!!

DÍA DA POESÍA

  Coa finalidade de promover a ensinanza da poesía, crear unha imaxe atractiva dela e fomentar a expresión e tradición oral; o 21 de marzo conmemórase o Día Mundial da Poesía.

 

  Este ano foron os nenos e nenas de Ed. Infantil os que recitaron un par de poemas na biblioteca que despois gravaron en Radiuvín para que todos poidades escoitalos.

   Os nenos e as nenas de Infantil A recitaron o poema do pingüín xa que eles están investigando sobre estes animais no seu proxecto:

 

 

   Despois foi o turno do alumnado de Infantil B recitou o poema La maestra de las flores de Gloria Fuertes:

DÍA DA POESÍA

    Desde 1999, o 21 de marzo celébrase o Día Mundial da Poesía coa finalidade de promover a súa ensinanza, crear unha imaxe atractiva dela e fomentar a expresión e tradición oral.

 

  No noso colexio foron os nenos e nenas de Ed. Infantil e de 3º e 4º de primaria os encargados de recitar varios poemas na biblioteca e gravalos despois en Radiuvín para conmemorar este día.

   A clase de Infantil A, recitou un poema sobre a chegada da primavera.

A clase de Infantil B, recitou dous poemas do libro O xardín de Irene de Xosé Neira Vilas.

    E os nenos e nenas de 3º e 4º de Primaria recitaron o poema Eu xa te bisquei de Celso Emilio Ferreiro e Adivínase el dulce y perfumado... de Rosalía de Castro.

El hombre de nieve (Glora Fuertes)

   Hoxe rematamos o inverno para dar paso a primavera e queremos facelo cun fragmento da poesía El hombre de nieve escrita por Gloria Fuertes:

 Los niños hicieron
un hombre de nieve,
con brazos y piernas
y sombrero verde.

Lo hicieron muy gordo,
con una sonrisa,
muy grande, muy prieto,
y se le veía
desde todo el pueblo.

El hombre de nieve
empezó a adelgazar,
los rayos del Sol
le sentaban mal.

     No seguinte podcast podedes escoitala recitada polos alumnos e alumnas de Infantil B

 

MAGOSTO 2022

 

    Estamos en novembro que é o mes das castañas e dos magostos...e, por suposto, no cole tamén facemos o noso!!

    Comezamos o día na biblioteca cos biblioaxudantes Naím e Yanira que nos leron un poema acumulativo de Azucena Arias do libro  O magosto. Festas na escola (Colectivo "Ollo de Sapo") no que conta o que lle pasou á castaña do souto do araña.

    Despois de escoitalo, todo o alumnado do colexio fixo un exercicio de memoria intentanto completar o poema de memoria ou pintando e ordeando os personaxes protagonistas.

    Queredes escoitar outra vez este poema tan simpático e comprobar a vosa memoria? Pois aquí vos deixamos o podcast que gravaron en Radiuvín e as fichas que traballamos

   Pola tarde foi o momento de asar as castañas e como non... comelas!!!

Para ver todas as imaxes deste día,

premede na GALERÍA  DE  IMAXES

 

CIRCUÍTOS ELÉCTRICOS - A estrela sen nome (Manuel María)

    Seguindo algúns dos modelos que nos mostrou Paola Guimeráns cando estivo no colexio, hoxe estivemos dándolle luz á estrela sen nome do poema escrito por Manuel María que pertence ao libro Os soños na gaiola.

    Primeiro elaboramos o modelo de circuíto en papel utilizando libre office; neste modelo sinalamos o lugar da pila e do led coa colocación correspondente dos polos e o trazado que deberá facer o adhesivo de cobre que conducirá a electricidade.

 

       Despois pegamos o adhesivo de cobre seguindo o trazado.

     Unha vez que temos o adhesivo colocado, colocamos o led e a pila respectando sempre a polaridade para que funcione e suxeitamos con adhesivo transparente. Hai que ter coidado ao suxeitar a pila non cubrir toda a superficie con adhesivo porque se non, o fío de cobre non pode facer contacto.

    Agora que xa temos o circuíto funcionando, quédanos decorar a nosa creación para o que utilizamos adhesivos de estrela e purpurina dourada.

 Mirade que fermosos quedaron!!

  Para rematar podedes escoitar o poema que eles mesmos gravaron nos estudos de Radiuvín!

PARABÉNS A CANDELA FERNÁNDEZ!

   A nosa alumna Candela Fernández acaba de recoller o 1º Premio do Certame de Poesía de Nadal convocado pola Biblioteca Nodal de Lugo en colaboración coas Bibliotecas Públicas.

     O acto de entrega foi no Salón de Actos da propia Biblioteca e cada un dos gañadores recibiu como agasallo un lote de libros, un diploma e unha figura de Sargadelos.

 

    Para coñecer máis sobre este premio e escoitar o poema na voz da súa autora; prestade atención á entrevista que lle fixeron Hugo e Lucas.

NORABOA  CANDELA!!!

 

DÍA DE ROSALÍA: #SementadePensamentos

  Desde fai varios cursos o 24 de febreiro conmemoramos no centro o Día de Rosalía de Castro uníndonos a moitas outras bibliotecas de Galicia. 

  Como non se sabía exactamente a data do seu nacemento, establecérase esta conmemoración o 24 de febreiro porque era o día en que recibiu o bautismo; pero a partir deste ano cambiarase ao 23 de febreiro despois de que a investigadora galega Sagrario Abelleira atopase documentación que confirma o 23 como data real do seu nacemento.

  Independentemente da data, a Asociación de Escritoras e Escritores en Lingua Galega (AELG) propuxo para este ano 2022 o lema #SementadePensamentos  para transmitir a idea de que non hai nada que poida poñer trabas ao nosos pensamentos ou ás nosas ideas.

  Nós sempre intentamos sementar pensamentos no noso alumnado e darlle ferramentas para que poidan facelos voar. Unha desas ferramentas é a propia poesía de autora que nos emociona cos seus versos e coas súas verbas:

PENSAR [TE] LIBRE

Eu son libre. Nada pode conter a marcha dos meus pensamentos, e eles son a lei que rexe o meu destino. (Rosalía de Castro).

    Por iso, para achegarnos máis a esta idea e á súa poesía, todo o alumnado de primaria participou no recitado de poesía radiofónico que levamos a cabo para esta conmemoración e que podedes escoitar no seguinte podcast:

LETRAS GALEGAS 2021: XELA ARIAS - DARÍO A DIARIO

   Seguimos traballando a figura da poeta  Xela Arias  á que se lle adica o  Día das Letras Galegas 2021. 

   Hoxe achegámonos á súa obra a través de 3 poemas do seu libro  Darío a diario , un libro de poemas dedicado ao seu fillo, que ofrece a súa visión da maternidade.

   Le atentamente o poema que eleximos para a túa clase e despois proba a facer a proba do concurso de hoxe:

1º  E  2º  PRIMARIA

 

3º  E  4º  PRIMARIA

 

5º E  6º  PRIMARIA

 

   Para rematar a publicación de hoxe queremos compartir o vídeo musical Hasme oír do grupo A banda da loba no que se cantan varios versos de diferentes poemas desta obra.

CREAcción DÍA DO LIBRO

   Desde a Asesoría de Bibliotecas Escolares de Galicia promoveron a realización de accións creativas para conmemorar o Día do Libro baixo o lema CREAcción.

 

   Para participar nesta campaña @s biblioaxudantes de 4º de Primaria gravaron dous poemas audiovisuais coa técnica de stopmotion e elaboraron os diferentes recursos: o grilo está impreso en 3D e pintado (Cricket by cerberus333), a gaiola está feita con tabliñas e escarvadentes, colorearon e decoraron a torre e os personaxes para que tivesen relevo...

 

 

   Esperamos que vos gusten!!

 

Música de fondo: 

http://recursostic.educacion.es/bancoimagenes/web/

https://incompetech.com/music/royalty-free/music.html