DÍA DO LIBRO INFANTIL: Cando abres un libro

    O 2 de abril celébrase o Día do Libro Infantil xa que nesta data naceu o escritor danés Hans Christian Andersen autor de moitos dos libros infantís máis coñecidos.

    Para conmemorar este día escollemos o libro Cando abres un libro escrito por  Caroline Derlatka e ilustrado por Sara Ugolotti. 

    Con esta historia a autora quere transmitirnos que a aventura máis grande do mundo é ler un libro: dragóns, piratas, sereas, árbores de caramelo, un montón de animais, o universo enteiro... Acompañádenos nesta aventura!!

 

DÍA DO LIBRO INFANTIL

    O 2 de abril conmemórase o  Día do Libro Infantil  xa que é a data de nacemento de Hans Christian Andersen, autor de contos infantís coñecidos en todo o mundo como A Sereíña, O parrulo feo, O soldadiño de Chumbo... 

   Cada ano o IBBY (International board on books for young people) selecciona un escritor representativo e un ilustrador para que elaboren o cartel e a mensaxe dirixida a todos os nenos e nenas do mundo. Este ano a sección encargada foi Xapón e desde alí a escritora Eiko Kadono e a ilustradora Nana Furiva escolleron o lema  "Navega polos mares coas alas da túa imaxinación". 

  Daniela e Itzae foron os biblioaxudantes encargados de transmitir esta mensaxe na biblioteca e de gravala en Radiuvín para que todos poidades coñecela.

    Despois quixemos que o noso alumnado tamén navegara coas alas da súa imaxinación e por iso lles demos uns libros alados aos que lle tiñan que por título segundo a historia que quixeran contar e ilustrar a portada en consonancia. 

   Para rematar fixemos un mural cos libros alados ilustrados arredor do cartel oficial deste ano.

 

 

 

 

FELIZ  DÍA  DO  LIBRO  INFANTIL!! 

OXALÁ  NUNCA  DEIXEDES  DE  NAVEGAR  COAS  ALAS  DA  IMAXINACIÓN!!

GALERÍA  DE  IMAXES

DÍA DO LIBRO INFANTIL

      O 2 de abril conmemórase o Día Internacional do Libro Infantil co fin de promocionar libros infantís e xuvenís e a lectura entre os máis novos.

      Selecionouse esta data xa que é a data do nacemento do escritor danés Hans Christian Andersen que foi o creador dalgúns dos contos clásicos infantís máis lidos en todo o mundo: O parrulo feo, Pulgariña, O soldadiño de chumbo, a Sereíña...

    Cada ano selecciónase un escritor representativo e un ilustrador para que elaboren a mensaxe dirixida a todos os nenos e nenas do mundo para promover a celebración deste día nas bibliotecas e colexios.

      Este ano o autor seleccionado para escribir esta mensaxe, foi o canadiense Richard Van Camp que o fixo baixo o título “As historias son ás que nos axudan a remontar o voo cada día” e a encargada do cartel foi a ilustradora Julie Flett.

    A continuación podedes escoitar o programa de radio gravado polos biblioaxudantes para coñecer máis datos sobre esta conmemoración, escoitar o texto de Richard Van Camp traducido ao galego por Mercedes Pacheco e un anaco dun dos seus contos infantís: O soldadiño de chumbo.

FELIZ  DÍA  DO  LIBRO  INFANTIL!!

DÍA DO LIBRO INFANTIL

 Ilustrado por Damijan Stepancic

     Cada 2 de abril o IBBY (International board on books for young people) propón a celebración do DÍA DO LIBRO INFANTIL co obxectivo de promocionar os bos libros infantís e xuvenís e a lectura entre os máis novos.

    Este é unha conmemoración especial porque estamos nunha situación especial; aínda así queremos propoñervos varias opcións:

    Como este día foi elexido como tal porque foi é o día no que naceu Hans Christian Andersen que escribiu contos que moitos/as coñecedes: El patito feo, La sirenita, El soldadito de plomo, El sastrecillo valiente, La reina de las nieves, La vendedora de fósforos... A primeira opción son varios vídeocontos deste autor:

  

    A segunda opción son os  CONTOS CONTADOS (Kalandraka TV) neste enlace encontraredes moitos libros en galego que xa coñecedes e outros que non, contados por contacontos.

     Rematamos con outras dúas recomendacións:

-  Biblioteca online onde podedes ler diferentes contos de forma dixital 

- PLATAFORMA “Galicia le” na qe podedes acceder ao préstamo de libros electrónicos sen necesidade de carné.

SOBERICIAS - PREMIO MARA LÓPEZ E ANTÍA GAGO

    Hoxe temos un programa especial de Sobericias con dúas protagonistas tamén especiais: Mara López (6º de Primaria) e Antía Gago (6º Infantil), dúas alumnas do centro que acaban de recibir sendos premios relacionados co mundo bibliotecario.

    Antía Gago recibiu un premio na fase provincial do Certame de Debuxo das Letras Galegas convocado pola Biblioteca Nodal de Lugo.

    Mara López foi a gañadora do concurso SELFIE LIX, convocado pola Asociación Galega do Libro Infantil e Xuvenil.

    Elas falaron con Aitana e Gisela dos seus traballos e dos seus premios... non vos perdades a entrevista!!

ENTREGA DE PREMIOS - SELFIE LIX GÁLIX

   Como sabedes, a nosa alumna Mara López Rivera foi a gañadora do concurso SELFIE LIX na categoría de Lectores avanzados cun selfie que ilustraba un anaco do libro O soño do merlo blanco de Agustín Fernández Paz.

Foto GÁLIX

    Para recoller o premio convocado pola OEPLI a través de GÁLIX (Asociación Galega do Libro Infantil e Xuvenil), achegáronse ao Centro Sociocultural Aurelio Aguire de Conxo ela coa súa familia e a responsable da nosa biblioteca.

     O presindente de GÁLIX (X. A. Perozo), o Director Xeral de Políticas Culturais (Anxo M. Lourenzo) e o alcalde de Santiago (Mariño Noriega) foron os encargados de entregar os premios aos rapaces premiados e aos representantes de bibliotecas.

Foto GÁLIX

  

 A responsable da nosa biblioteca, Flora Grande, foi a encargada de pechar o acto en nome das bibliotecas premiadas, xunto co alcalde de Santiago e o grupo de pandereteiras do Centro Sociocultural.

 

    Desta entrega de premios trouxemos tamén diplomas para o resto do alumnado participante e un lote de libros que pasará a formar parte dos fondos da biblioteca.

 PARABÉNS  MARA!!

E  PARABÉNS  PARA  TODOS  OS  PARTICIPANTES!!

RESEÑAS:
   O  BLOGUE  DE  GÁLIX
XORNAL  DE  LEMOS

IMAXES  GÁLIX

DÍA DO LIBRO INFANTIL - CONCURSO SELFIE LIX

   Xa temos o resultado do concurso “SELFIE LIX” convocado pola OEPLI a través da Asociación Galega do Libro Infantil e Xuvenil, para conmemorar a celebración do DÍA INTERNACIONAL DO LIBRO INFANTIL.

      Os nenos e as nenas tiñan que facer unha selfie na que se recreara un personaxe ou unha escena dun libro de literatura infantil e xuvenil. 

      Os gañadores do concurso “SELFIE LIX” son: 

  NORABOA  A  NOSA  ALUMNA  MARA  LOPEZ  RIVERA!!  

 

DÍA DO LIBRO INFANTIL. Concurso GÁLIX

  Como cada ano a OEPLI (Organización Española para o Libro Infantil e Xuvenil) organiza un concurso polo Día do Libro Infantil.

   Este ano a proposta consistía en facerse un selfie recreando un personaxe ou unha escena dun libro  de literatura infantil ou xuvenil.

    Os selfies que este ano representarán ao noso centro son os seguintes:

PRIMEIROS  LECTORES

 

LECTORES  AVANZADOS

 

MOITAS  GRAZAS  A  TODOS  OS  QUE  PARTICIPASTES

DÍA DO LIBRO INFANTIL - 2019

  O 2 de abril,  data do nacemento do escritor danés Hans Christian Andersen, o IBBY propón a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos. 

 

       Este ano o autor seleccionado para escribir unha mensaxe para os nenos e nenas do mundo, foi o ilustrador e escritor lituano Kestius Kasparavicius baixo o título Os libros fannos acougar. No seguinte audio podedes escoitar o seu manifesto nas voces de Senén, Uxía, Aitana, Pablo e Loïc.

  

   Desde a biblioteca traballamos o libro ¿De qué color es un beso? de Rocío Bonilla. Un libro que trata sobre os sentimentos que nos producen os bicos e nos axuda a descubrir a variedade de sensacións que podemos experimentar con eles.

  Para achegarllo ao noso alumnado, os nenos e nenas de Educación Infantil de 3 e 4 anos, elaboraron este vídeo no que ademais de pasar pola radio para poñerlle voz ao texto axudados por Jorge, pasan a formar parte das súas páxinas. Mirade atentos!!

  

  

  Despois do visionado na biblioteca, fixemos un traballo de reflexión sobre o libro e cada un dos nenos e nenas do colexio, fixo un corazón representando e explicando cal sería a cor dos seus bicos.