FRACCIÓNS CON CUBOS

Na nosa biblioteca podemos atopar numerosos recursos para interiorizar e entender mellor algúns contidos. Neste caso, @s alumn@s de 4º de Educación Primaria estiveron argallando cos cubos MathLink, un material moi útil e e visual para traballar conceptos matemáticos como por exemplo, numeración, operacións básicas, secuencias lóxicas... 

Como podedes observar nas seguintes imaxes, hoxe empregámolos para practicar as fraccións, os seus términos e a súa representación e lectura. 

        

          

                    

                    

Pasámolo moi ben mentres repasamos todo o tema. 

DÍA DA BIBLIOTECA - 2017

   Xa chegou o Día da Biblioteca e estamos a facer todas as actividades que tiñamos preparadas para conmemorar esta data:

Pimeiro presentamos o cartel de Xosé Tomás co lema escollido este ano pola Consellería
de Cultura, Educación e Ordenación Universitaria e o vídeo que fixemos para mostrar algunhas
das posibilidades que nos ofrece baseándonos no texto da Asesoría de Bibliotecas Escolares 

    Despois por primeira vez, o alumnado puido ver a impresora 3D en funcionamento.

  Tamén fixemos unha sesión de fotos que nos lembra a importancia deste día e da lectura.

 

Para rematar as actividades de hoxe, fomos de visita á Biblioteca Pública Municipal onde nos recibiron Julia Fernández Garza, a bibliotecaria, e Luis Fernández Guitián, o alcalde.

Julia explicounos moitas cousiñas, entre elas os diferentes fondos que podemos encontrar na BPM

Luis leu para o noso alumnado "Como Mary Poppins pero sin volar" o pregón que Alejandro Palomas (Premio Nacional de Literatura Infantil y Juvenil 2016) escribiu para a Asociación Española de de Amigos del Libro Infantil y Juvenil.

 Pola tarde, os máis cativos do colexio tamén tiveron unha sesión de
formación de usuarios con contacontos incluído.

APRENDER A PENSAR COA BIBLIOTECA ESCOLAR (Texto: Asesoría Bibliotecas Escolares)

    "Aprender a pensar coa biblioteca escolar" é o lema escollido pola Consellería de Cultura, Educación e Ordenación Universitaria para as bibliotecas do PLAMBE durante o curso 2017/2018.

    O encargado de ilustrar este lema foi Xosé Tomás profesor de inglés no CPI Manuel Suárez Marquier (O Rosal) quen debuxou a biblioteca escolar como un espazo que acolla a todos e todas e que teña a capacidade de "abducir" as persoas usuarias, de trasladalas a situacións gratas de aprendizaxe. 

    Unha biblioteca escolar supón unha oportunidade única para axudar a nenas e nenos a desenvolver o seu pensamento crítico, para "aprender a pensar".

 

    APRENDER A PENSAR a través dos contos, da tradición oral, das lecturas de ficción, da poesía, do teatro; a través das lecturas de materiais de divulgación científica, a través das investigacións. 

    APRENDER A PENSAR co cine e coa música. 

   APRENDER A PENSAR a través do diálogo, nos clubs de lectura, nas actividades compartidas. 

   APRENDER A PENSAR baixo a guía e orientación dun profesorado consciente da importancia da curiosidade como motor vital e, tamén, da importancia de activar no alumnado os mecanismos  para desenvolver o pensamento complexo. 

   APRENDER A PENSAR nas clases, pero tamén fóra das aulas regladas, onde a vida flúe en todo o seu misterio. 

  A biblioteca escolar é un espazo privilexiado para que o alumnado non perda a súa capacidade de asombro; para que aprenda a formularse preguntas diante dos distintos fenómenos naturais ou sociais e, tamén, a procurar algunhas respostas á complexidade que lle toca vivir. 

Texto orixinal: Asesoría Bibliotecas Escolares de Galicia