RECOMENDACIÓNS LECTORAS VERÁN 2025

 

 

DESCARGAR  EN  PDF

 

RECOMENDACIÓNS LECTORAS - NADAL 2024

 

 

 

 DESCARGAR  EN  PDF

 

 

DÍA DAS BIBLIOTECAS - COLECTIVO LEMOS LE

   Como cada ano, o Colectivo Lemos Le do que forma parte a nosa biblioteca, organiza unha xuntanza de confraternidade  para fomentar o papel das bibliotecas escolares e municipais.

   Esta décima xuntanza celebrouse no concello de A Pobra do Brollón xa que o Colectivo dedicará este curso á tradición oral (elixida como protagonista do Día das Letras Galegas 2025), concretamente ás regueifas e aos brindos que son tradicionais deste Concello.

    Compartimos este xantar persoas de diferentes sectores relacionados co mundo da cultura e as bibliotecas: mestres, bibliotecarios, librarías, editores, autores, responsables políticos... nunha xuntanza da que sempre saen boas ideas para seguir fomentando a lectura.

   Como en anteriores edicións, editouse un marcapáxinas para conmemorar o Día das Bibliotecas que este ano o foi escrito polo Colectivo Erre que Erre que é unha plataforma que se dedica a recoller, ensinar e transmitir á tradición oral do Concello da Pobra do Brollón.

  Ademais puidemos coñecer o seu traballo de primeira man e decatarnos da importancia que ten o labor que están facendo para que non se esqueza toda a riqueza oral que teñen nese concello.

FELIZ  DÍA  DAS  BIBLIOTECAS!!

RECOMENDACIÓNS LECTORAS VERÁN 2024

 

RECOMENDACIÓNS LECTORAS NADAL 2023

DÍA DAS BIBLIOTECAS - COLECTIVO LEMOS LE

    Por noveno ano o COLECTIVO LEMOS LE, do que a nosa biblioteca forma parte, volveu a organizar unha xuntanza de confraternidade para conmemorar o Día das Bibliotecas. 

     Este ano xirou arredor do lema "Tecendo comunidades" proposto polo Ministerio de Cultura y Deporte para, como indican na súa páxina, "destacar el papel fundamental que desempeñan las bibliotecas en la construcción de lazos fuertes dentro de nuestras comunidades. Estas instituciones son centros de conexión y aprendizaje, donde las historias, las experiencias y los conocimientos son los hilos que unen a los ciudadanos."

 

    O lema reflicte perfectamente o espíritu do colectivo: formar unha comunidade entre as bibliotecas escolares e públicas da comarca de Lemos para apoiarnos, axudarnos, intercambiar ideas, compartir actividades e coñecementos... e para visibilizalo  "tecemos" un gran cartel tipo patchwork con anacos que simbolizaban ás nosas bibliotecas uníndoos arredor do logo do colectivo e do propio cartel do Día das Bibliotecas.

    Ademais este ano, seguimos coa edición de marcapáxinas con textos que escritores ou escritoras da comarca agasallan ao colectivo por este día. O texto foi escrito e ilustrado por Dani Viéitez e Iria Iglesias (enlace ao texto) e nel aparecen moitos dos protagonistas das súas obras: o raposo Rufo, Pilonga e Amanito, Pelo de Nube...

 FELIZ  DÍA  DAS  BIBLIOTECAS!!

Oxalá nunca se desfagan os nós que nos unen!!

 

RECOMENDACIÓNS LECTORAS NADAL - 2022

 

 

RECOMENDACIÓNS  PDF

 

RECOMENDACIÓNS LECTORAS VERÁN 2022

 

 RECOMENDACIÓNS EN PDF

 

 

LETRAS GALEGAS COLABORANDO CON OUTRAS BIBLIOTECAS

     Como sabedes, a nosa biblioteca e a BPM de Sober, formamos parte dunha agrupación de bibliotecas públicas e escolares da Comarca de Lemos: o Colectivo Lemos Le.

     Este ano quixemos homenaxear a Florencio Manuel Delgado Gurriarán ao que se lle dedica o Día das Letras Galegas, elaborando un vídeo no que poderedes descubrir varios datos sobre a súa biografía e ver os videopoemas elaborados por diferentes bibliotecas do colectivo.

A nosa aportación ao vídeo podedes vela nos minutos iniciais nos que o alumnado de 4º e 6º de Primaria fai a presentación e achéganos á vida do autor con pequenas pinceladas da súa biografía; e no poema Cantiga da vindima recitado polo alumnado de 3º e 4º de Primaria.

RECOMENDACIÓNS LECTORAS NADAL 2021

 

  DESCARGAR   RECOMENDACIÓNS   EN   PDF

 

DÍA DA BIBLIOTECA

    O día 24 de outubro conmemórase o Día das Bibliotecas, como este ano coincide a domingo, quixemos adiantar esta conmemoración que nesta ocasión destaca o papel das bibliotecas como espazos para LER, APRENDER e DESCUBRIR.

  Nesta data abrimos oficialmente a biblioteca e comezamos levando a cabo unha formación de usuarios inicial na que recordamos aspectos básicos da organización da biblioteca como o protocolo Covid-19 e a CDU.

 

   Para os máis cativos do cole contamos coa axuda de Caillou:

    Como este ano seguimos sen poder facer a Hora de Ler na biblioteca, despois da formación de usuarios cada grupo puido escoller varios libros para encher a caixa de lectura da súa biblioteca de aula que xa contaba con algúns libros escollidos polo Equipo de Biblioteca e cos cadernos de lectura.

 

 

    Outra das cousas que nos gusta moito desta data é a colaboración co Colectivo Lemos Le, xa que nos permite facer actividades conxuntas coas outras bibliotecas escolares da comarca e tamén coas Bibliotecas Públicas Municipais. Este ano editamos un punto de lectura cun texto agasallo para o colectivo da escritora Noa Moreira de A Pobra do Brollón e participamos nunha entrevista na que ela respondeu ás preguntas que lle formularon usuarios de diferentes bibliotecas.

 "Cando ía facer seis anos chegou ao Cole da Pobra un director novo. Paco Castro abriunos  a biblioteca do centro a tódolos nenos e nenas coma unha fiestra a outro mundo.  

Recordo perfectamente que o primeiro libro que lin falaba de bonecas matrioskas que  querían unha familia. E na miña memoria quedou prendido que a última boneca se  chamaba Noa, a máis pequeniña, pero non era así. Seguramente soñaba con ser tamén eu  unha boneca de madeira rusa. 

Máis tarde, viaxei á lúa con Sabela, da man do libro A fantástica viaxe de Sabela, de  Euloxio R. Ruibal, un agasallo do colexio por un conto que escribín. Fascinada é pouco con  tódalos seres que habitaban un lugar que me parecía tan lonxano e tan cercano á vez e que  me gustou e me deu medo ao mesmo tempo dende que era pouco máis ca un bebé. 

Recordo estes dous libros como algo especial: ensináronme que os libros conteñen tódolos  lugares nos que quero estar, tódalas cousas que quero saber e tódolas palabras que aínda  non coñezo".  

   Para rematar as actividades, presentamos o club de lectura que este ano estrenamos para o alumnado de 5º e 6º de Primaria en colaboración con Julia e con Dunia da BPM de Sober. Nesta primeira sesión fixemos unhas enquisas iniciais para saber máis sobre os hábitos lectores do alumnado e presentamos a primeira lectura: Vampira de biblioteca de Ledicia Costas.

 

 FELIZ  DÍA  DA  BIBLIOTECA!!!!

DÍA DAS ESCRITORAS 2021: Olga Novo

 

    Para conmemorar o Día das Escritoras, as bibliotecas que formamos o colectivo decidimos dedicar este día á escritora da nosa comarca María Olga Novo Presas (Vilarmao, 1975) pola súa importante traxectoria literaria.

     Este ano a comisaria da conmemoración é a poeta e filósofa Marifé Santiago Bolaños e o tema escollido "ler as idades da vida", por isto as diferentes bibliotecas afondamos no seu texto O pequeno petrucio e a naiciña nena no que comparte lembranzas da infancia. 

    Cada biblioteca traballou o texto durante varios días desde perspectivas diferentes: lectura, tradución, ilustración, investigación... 

    Nós fixemos un traballo de reflexión e investigación sobre os xoguetes da infancia: a que xogaban os meus avós e as miñas avoas? E o meu pai e a miña nai? Cal era o meu xoguete preferido cando era cativo? Cal é agora? 

   Podedes ver o resultado do noso traballo e o de todas as outras bibliotecas a continuación. 

FELIZ  DÍA  DAS  ESCRITORAS!!

RECOMENDACIÓNS LECTORAS - VERÁN 2021

 

RECOMENDACIÓNS LECTORAS NADAL 2020

 A continuación podedes ver as recomendacións lectoras para este Nadal.

    Esperamos que vos animedes a agasallar algún libro nesta época.

 

RECOMENDACIÓNS LECTORAS - VERÁN 2020

PARA  IMPRIMILO OU  CONSULTALO  MELLOR,

PODEDES  ACCEDER AO DOCUMENTO PDF.

BO VERÁN!!

CERTAME MULLERES DE LEMOS: Inés Fernández. Abadesa de Eiré

  Todos os anos nosa biblioteca participa no Certame Mulleres de Lemos organizado polo Colectivo Lemos Le  coa finalidade de dar a coñecer e promover figuras femininas relevantes na historia das Terras de Lemos.

    O certame do ano pasado estivo dedicado a Inés Fernández, abadesa do Concello de Pantón da época medieval que chegou a enfrontarse ás leis ditadas polos Reis Católicos.

   Unha das actividades deste certame é o obradoiro que se desenvolve en colaboración co CIM (Centro de Información á Muller) de Monforte de Lemos que consta nun traballo de reflexión sobre a vida desta abadesa e a época á que pertence e a posterior elaboración dun libro que plasma en imaxes esta reflexión.

    O texto que nos tocou ilustrar a nós é o que se refire á parte da súa vida na que ela estando en Santiago de Compostela recibe a carta do Papa que lle da a razón nas súas peticións e a autoriza a volver ao convento de Eire:

" Pasou uns meses en Compostela ata que un día, por fin, chegou a carta que lle daba a liberdade para volver. A única condición era que non podían entrar novas monxas no mosteiro e co seu tránsito, anterior ao seu falecemento, o convento pecharía. Ela aceptou"

   Para facer a ilustración o alumnado de 5º e 6º de Primaria tomou como referencia unha fotografía da fachada da Catedral da Praza das Praterías da páxina web Turismo de Galicia.

    Hoxe o alumnado de 5º e 6º de Primaria achegouse ao centro cívico de Monforte onde a Concelleira de Muller e Igualdade, Margarita López, lles fixo entrega dos libros editados en papel.

RECOMENDACIÓNS LECTORAS - NADAL 2019

 

DESCARGAR  RECOMENDACIÓNS  PDF

ILUSTRACIÓNS INÉS FERNÁNDEZ. OBRADOIRO MULLERES DE LEMOS

    Cada ano desde a biblioteca do colexio participamos no Certame Mulleres de Lemos proposto polo Colectivo Lemos Le.

   Neste certame, a través do CIM de Monforte de Lemos, ilustramos entre dezaoito centros da comarca de Lemos a biografía dunha figura feminina da comarca elixida como protagonista dos actos do Día da Muller.

   A elixida este ano foi Inés Fernández, abadesa do Concello de Pantón da época medieval que chegou a enforntarse ás leis ditadas polos Reis Católicos.

    O texto que nos tocou ilustrar a nós é o que se refire á parte da súa vida na que ela estando en Santiago de Compostela recibe a carta do Papa que lle da a razón nas súas peticións e a autoriza a volver ao convento de Eire:

" Pasou uns meses en Compostela ata que un día, por fin, chegou a carta que lle daba a liberdade para volver. A única condición era que non podían entrar novas monxas no mosteiro e co seu tránsito, anterior ao seu falecemento, o convento pecharía. Ela aceptou"

   Para facer a ilustración o alumnado de 5º e 6º de Primaria tomou como referencia unha fotografía da fachada da Catedral da Praza das Praterías da páxina web Turismo de Galicia.

CERTAME MULLERES DE LEMOS

    Todos os anos nosa biblioteca participa no Certame Mulleres de Lemos organizado polo Colectivo Lemos Le  coa finalidade de dar a coñecer e promover figuras femininas relevantes na historia das Terras de Lemos.

    O certame do ano pasado estivo dedicado a Genoveva González Prieto  unha mestra do século XX do concello de Bóveda comprometida coa ensinanza na Galiza rural.

   Unha das actividades deste certame é o obradoiro que se desenvolve en colaboración co CIM (Centro de Información á Muller) de Monforte de Lemos e que consta nun traballo de reflexión sobre a vida desta mestra e a época á que pertence e a posterior elaboración dun libro que plasme en imaxes esta reflexión.

    As ilustracións son feitas por alumnos de todos os centros públicos e concertados da Comarca de Lemos e con elas o CIM elabora un libro que se entregou hoxe pola mañá aos centros participantes no centro cívico de Monforte.

    Ademais do libro, puidemos ver a proxección do conto coa voz en off da xornalista Manola Porto.

Durante a proxección vimos a nosa escena que corresponde ao seguinte texto:

Pasados tres anos dende a voda, no 1936, Genoveva decidiu presentarse a unha oposición para obter unha praza de mestra, oposición que posteriormente anularon polo que Genoveva tivo que continuar como mestra interina en Ferreiros.

Tocoulle xustamente o inicio da Guerra Civil, tempo de moito conflito que foi a causa da anulación da oposición. Nesta época moitos homes e mulleres sufiron e os seus dereitos foron arrebatados; ás mulleres, especialmente, pois se lles retiraron dereitos que alcanzaran con moito esforzo e volvían ser tratadas como se foran de segunda clase, precisando incluso da autorización por escrito dos seus maridos para realizar xestións administrativas.