UNHA SESIÓN DE SOCIAIS DIFERENTE

Como estamos chegando ao final de curso, durante as últimas sesións de Sociais o alumnado de 1º de Primaria estivo a repasar diferentes contidos vistos durante o curso dun xeito un pouquiño diferente. O tema elixido foi o sistema solar, o seu favorito!

Estivemos a repasar a orde dos planetas no sistema solar co taboleiro dos escornabots. 

Ademais, estivemos a fedellar co Merge Cube unha ferramenta física que nos permite coa axuda dunha aplicación de uso gratuíto (Merge Object Viewer) ver obxectos en 3D, empregando a cámara dun dispositivo electrónico. Grazas a el, o alumando aprenden ciencia e STEAM dun xeito máis práctico e interactivo. Estivemos a ver, os diferentes planetas, algúns astros como o sol e, incluso, os movementos de rotación e traslación. 

                                     Claro está, que el@s teñen o universo nas súas mans!

TABOLEIROS ESCORNABOTS

   O alumnado de 4º de Primaria puxo a súa imaxinación a traballar para crear novos taboleiros para os escornabots. 

   Bandeiras, froitas, o Sistema Solar, Instrumentos musicais, as partes do corpo, os invertebrados e un xogo de mesa foron finalmente os temas escollidos.

 

    Unha vez deseñado o taboleiro, o alumnado tivo que redactar as normas e elaborar un texto nun procesador de textos con todas as instrucións do xogo para pegalo pola parte de atrás de xeito que a calquera persoa que lle apeteza utilizalo poda saber como facelo.

    Ademais o texto debía ser alegre, con letras de cores, diferentes tamaños de letra, diversas fontes... todo o que se lle ocurrise para facelo máis atractivo.

     Na seguinte imaxe podedes ver como sería a parte de diante dun dos taboleiros e a parte de atrás de outro con todas as normas.

     Para rematar cada parella expuxo o resultado do seu traballo aos compañeiros da clase para animalos a xogar á súa proposta.

RECICLAXE

QUE É  RECICLAR??

    Reciclar é a transformar as formas e presentacións habituais dos obxectos de cartón, papel, plástico, vidro, restos de comeida...  en materias primas ou recuros que as industrias e as fábricas poidan utilizar de novo.

 

     Para  traballar a reciclaxe elaboramos este taboleiro de escornabots no que deberedes levar os residuos das tarxetas á imaxe correspondente, que credes? seredes capaces?

FICHA  DIDÁCTICA

 

TABOLEIRO  E  TARXETAS

XOGO DE EXPRESIÓN ORAL: pronomes e tempos verbais

Hoxe queremos presentarvos un xogo de taboleiro con escornabots que ten a finalidade de que o noso alumnado de 2º a 6º de Primaria traballe a construción de oracións, os pronomes e os tempos verbais de forma lúdica.

 Necesitaredes os escornabots, un taboleiro e tres dados: un de puntos, un de pronomes e outro de tempos verbais.

     Para comezar un xogador do primeiro grupo tira os dados de pronomes e tempos verbais; a continuación tira o dado de puntos e move o escornabot na dirección que queira pero programando tantos movementos como puntos saíran no dado.

     Despois deberedes construír unha oración na que combinedes a acción representada no taboleiro e o pronome e o tempo verbal correspondentes á tirada. Se a oración é correcta e tanto o pronome como o tempo verbal están ben empregados, gañaredes un escornapunto. O xogo acabarase cando un dos equipo acade 5 escornapuntos.

    Podedes introducir variantes ás normas básicas do xogo para aumentar ou diminuír a dificultade:

- Utilizar só un dos dados (poden xogar só co dado de pronomes ou só co dado de tempos verbais).

- Establecer un número de palabras mínimo na oración.

- Encadear as oracións de xeito que formen unha historia.

- Incluír a variante tipos de oracións: interrogativa, exclamativa, enunciativa, imperativa, dubitativa...

   Xa podedes comezar a xogar porque os materiais están dispoñibles no andel correspondente da biblioteca!!!

 FICHA  DIDÁCTICA

PALABRAS HOMÓFONAS: Xogo escornabot

Hoxe queremos presentarvos un novo xogo para repasar cos escornabots as palabras homófonas:

     Podedes xogar dúas personas ou dos equipos. Para comezar un xogador do primeiro grupo, escolle unha tarxeta de palabras homófonas que estarán boca abaixo. Despois de recoñecer a súa palabra correspondente no taboleiro, deberá facer avanzar o escornabot ata ela.

       A continuación o equipo construirá unha oración con cada unha das palabras que forma a parella homófona. Se as oracións son correctas e as palabras están ben empregadas, o equipo gañará un escornapunto.

 

      O xogo acabarase cando se acaben as tarxetas de palabras homófonas e gañará o equipo que acade máis escornapuntos.

     Animádevos a ver que tal o facedes!!!

FICHA  DIDÁCTICA

PROGRAMANDO O ESCORNABOT

  Traballando os contidos de debuxo técnico 5º e 6º de Primaria, propuxémoslle ao nosos alumnado que deseñara unha figura para o escornabot ligado aos contidos de traballados.

   Primeiro planificaron: fixeron os bocetos nos que mediron as distancias e os ángulos de xiro.

 

   Despois pasaron a planificación a linguaxe de programación Arduino: programar, verificar, compilar e enviar ao noso escornabot.

   Para rematar, comprobamos que o escorna fai algo semellante ao modelo proposto.

 

   Houbo outras figuras que non conseguiron parecerse ao modelo inicial porque tiñan moita dificultade pero...para o ano seguro que o acadamos!!

XINCANA DE PASCUA

      Para irnos de vacacións de Semana Santa con bo sabor de boca, organizamos unha xincana na que todos os nosos alumnos e alumnas repartidos en equipos debían superar varias probas organizadas polo Equipo de Biblioteca e pola mestra de Educación Física.

   ESCORNABOTS  EN  INGLÉS: nesta proba a teacher preparou varias tarxetas de vocabulario con imaxes e palabras xa traballadas na aula que estaban realacionadas con estas datas .

   Con estas tarxetas de vocabulario colocadas no taboleiro, ela foilles facendo preguntas e dándolles definicións para que o alumnado adiviñara a qué casilla do taboleiro debían dirixir o escornabot.

 

    OBRADOIRO  DE  POESÍA: neste obradoiro os grupos atopaban varias palabras coas que debían facer escribir unha poesía.

    Despois de darlles unhas cantas voltas, saíron poesías ben rimadiñas!!

 

 

   CARREIRA DE OVOS DE  PASCUA: este xogo tradicional consiste en levar os ovos de pascua nunha culler que se suxeita coa boca... diversión asegurada!!

 

  XOGANDO  CON  TANGRANS: os grupos de alumnos tiñan que enfrontarse a dous tipos de tangrans: o tangran clásico co que debían construír os coellos propostos e un tangran oval impreso na nosa impresora 3D que representaba o ovo de Pascua.

    RUGIDOS  Y  OREJAS (Chih-Yuan Chen): para superar esta proba os nenos e nenas tiñan que estar moi atentos á lectura deste conto no que coñeceron a Orejas que é unha coelliña á que desde pequena lle ensinan a buscar comida nos prados e a escapar dos leóns e a Rugidos que é un león ao que lle ensinan a cazar coellos; pero... que pasará cando os dous se encontran unha tarde chuviosa? 

 

    PONLLE  A  COLA  AO  COELLO: un xogo xa coñecido no que por quendas, un membro do equipo debe poñerlle a cola ao coello seguindo as indicacións dos seus compañeiros.

 CARREIRAS  CON  GLOBOS: para superar a pobra das carreiras con globos, debían correr por parellas suxeitando o globo coas partes do corpo propostas sen usar as mans.

   Por cada proba superada, o grupo conseguía un par de pezas dun quebracabezas e sendo capaces de montalo, encontraban o reto final que os levaría ao tesouro de ovos  de Pascua.

En Melilla hai tres,

en Madrid ningunha

e en Castela e Galicia unha.

Que é?

MÁIS  IMAXES  DA  XINCANA