CONCURSO DE CONTOS DE OUTONO

    O alumnado de 5º e 6º de Primaria participou nun concurso de contos de outono organizado pola súa mestra de Lengua Castellana.

   Neste podcast poderedes escoitar os relatos gañadores de Antía Gago e Carlota Fernández.

SAMAÍN 2023

     A piques de rematar outubro, chegou a celebración de Samaín e Halloween e desde o centro fixemos diferentes actividades para conmemorar esta data

        - Exposición de cabazas ou outros obxectos terroríficos que o alumnado quixo traer das súas casas. 

   -   Exposición de lecturas de medo  no corredor principal á entrada da biblioteca.

     - Lecturas compartidas na biblioteca:  neste ratiño de lectura compartida, o alumnado de 1º agasallounos co recitado do poema El fantasma Nicolás de G. Espejo e tres biblioaxudantes, prepararon a lectura do libro Os Bolechas teñen medo.

 

    - Certame de creación literaria con dous retos. O primeiro reto era inventar unha apócema ou bebereaxe e o segundo escribir unha historia de terror a partir do comezo dun libro publicado. Este ano os libros que tiñan que continuar foron: Mortiña 5. Unha sorpresa marabillosa escrito por Barbara Cantini para o alumnado de 3º e 4º de primaria e Malvarina. Bruxa en prácticas escrito por Susanna Isern para 5º e 6º de Primaria.

 

  Pola tarde, os gañadores do certame leron as súas historias aos seus compañeiros na biblioteca nun ambiente terrorífico e despois recolleron os seus premios.

    Pero todos os participantes puideron recoller un premio pola súa participación xa que poñer a mente a traballar para escribir unha historia ou unha apócema ten que ter un recoñecemento. 

   - Disfraces: nunha festa coma esta non podían faltar os disfraces para divertirse e pasar un bo rato. Aquí tedes aos máis cativos do colexio pero podedes ver todos os grupos  na galería de imaxes.

 

 

GALERÍA  DE  IMAXES

SAMAÍN 2022

   Para a celebración de Samaín e Halloween desde a biblioteca preparamos un montón de actividades:

    - Exposición de cabazas e outros obxectos terroríficos:

   - Lecturas de medo relacionadas con esta época do ano que se estiveron durante toda a semana no expositor da entrada á biblioteca.

    - Certame de creación literaria para o alumnado de 3º a 6º de Primaria. Neste certame, dámoslle ao alumnado o  principio  dun  libro  para  que  eles  reinventen  a  historia; este ano os libros escollidos foron Conexión Macarrón de Ledicia Costas para 3º e 4º de Primaria e Cando non atopas a túa casa de Paloma Sánchez para 5º e 6º.

  Nestas imaxes podedes ver  todos os nenos e nenas que participaron recollendo un agasallo.

 E na seguinte foto aos que gañaron. Tamén podedes escoitar os seus relatos nos seguintes podcast ou lelos en pdf: 

     Despois Lola, Iria, Mencía e Libertad foron as encargadas de ler o libro O noso Samaín de Loretta Birott.

  Con esta lectura apredemos moito sobre a orixe e a historia desta festividade: 

Sabedes de onde procede esta celebración? 

E que significa Halloween? 

Que diferencia hai entre as cabazas de hoxe en día e as bonecas, os calacús ou as caliveras de melón?

Por que os nosos antepasados encendías as lareiras esta noite?

Escoitade atentos e coñeceredes a respostas destas preguntas pero tamén moitas cousas máis...

 GALERÍA  DE  IMAXES

PARABÉNS A CANDELA FERNÁNDEZ!

   A nosa alumna Candela Fernández acaba de recoller o 1º Premio do Certame de Poesía de Nadal convocado pola Biblioteca Nodal de Lugo en colaboración coas Bibliotecas Públicas.

     O acto de entrega foi no Salón de Actos da propia Biblioteca e cada un dos gañadores recibiu como agasallo un lote de libros, un diploma e unha figura de Sargadelos.

 

    Para coñecer máis sobre este premio e escoitar o poema na voz da súa autora; prestade atención á entrevista que lle fixeron Hugo e Lucas.

NORABOA  CANDELA!!!

 

UN JUGUETE, UNA ILUSIÓN: SOBERICIAS! (XVIII Concurso de Cuentos Solidarios)

   O Concurso de Contos Solidarios "Un juguete, una ilusión", da Fundación Crecer Jugando ten como obxectivo achegar valores como a solidaridade aos máis pequenos e implicalos en iniciativas que fomenten o traballo en equipo coa elaboración dun conto feito entre toda a clase. 

 

   Nesta edición do concurso había que elaborar un relato que tivese como protagonista a  SúperUjui, o heroe dos xoguetes que se pode camuflar en calquera lugar disfrazado de bolígrafo...  

  

    Pero incluso os superheroes teñen problemas algunhas veces... menos mal que nesta ocasión os nenos e nenas de 6º de Primaria do noso colexio puideron axudalo. Se vos estades preguntando que lle pasou, só tedes que escoitar....

 Música:  Adventures In Adventureland  & Impact Prelude by Kevin MacLeod

   Que vos pareceu a historia? Pois parece que ao xurado do Concurso si que lle gustou e agora somos un dos catro centros finalistas a nivel nacional  xunto a dúas historias do colexio Buen Pastor de Sevilla e outra do colexio Álvarez Sotomayor de Almería.

   Se queredes, apoiarnos podedes votar na seguinte dirección, marcando o nome do colexio no fondo da páxina e dándolle a enviar.

NORABOA  AO  ALUMNADO  DE  6º PARTICIPANTE!!

SAMAÍN 2021

      Para a celebración de Samaín e Halloween desde a biblioteca preparamos un montón de actividades:

     Non pode faltar unha boa exposición de cabazas e outros obxectos terroríficos adornada con terroríficas arañas como as do alumnado de 3º e 4º. Se queredes facelas igualiñas que estas, encontraredes as instrucións no titorial.

 

         Tampouco pode faltar a exposición de Lecturas de medo relacionadas con esta época do ano que estivo durante toda a semana no expositor da entrada á biblioteca.

     Pola tarde tivemos unha sesión de contacontos coa narradora Teresa Grau na que xs cativxs escoitaron historias propias desta época.

 

    E, por suposto, o Certame de creación literaria para o alumnado de 3º a 6º de Primaria que xa se está convertendo nun clásico. Neste certame, dámoslle ao alumnado o  principio  dun  libro  para  que  eles  reinventen  a  historia; este  ano  os  libros  propostos  foron  Raquel ten medo para 3º e 4º de Primaria e  Fantasmas no corredor para 5º e 6º, ambos de Agustín Fernández Paz. 

     Nos seguintes enlaces podedes ler os relatos gañadores aínda que todxs xs participantes levaron un agasallo polas súas terroríficas creacións xa que todas eran arrepiantes.

ANTÍA GAGO (3º PRIMARIA)

DANIELA FERNÁNDEZ (3º PRIMARIA)

GERMÁN GONZÁLEZ (4º PRIMARIA)

MENCÍA FERNÁNDEZ (5º PRIMARIA)

 

LUCÍA  RODRÍGUEZ (6º PRIMARIA)

PILAR VENCE (6º PRIMARIA)

 

GALERÍA  DE  IMAXES

ILUSTRACIÓNS INÉS FERNÁNDEZ. OBRADOIRO MULLERES DE LEMOS

    Cada ano desde a biblioteca do colexio participamos no Certame Mulleres de Lemos proposto polo Colectivo Lemos Le.

   Neste certame, a través do CIM de Monforte de Lemos, ilustramos entre dezaoito centros da comarca de Lemos a biografía dunha figura feminina da comarca elixida como protagonista dos actos do Día da Muller.

   A elixida este ano foi Inés Fernández, abadesa do Concello de Pantón da época medieval que chegou a enforntarse ás leis ditadas polos Reis Católicos.

    O texto que nos tocou ilustrar a nós é o que se refire á parte da súa vida na que ela estando en Santiago de Compostela recibe a carta do Papa que lle da a razón nas súas peticións e a autoriza a volver ao convento de Eire:

" Pasou uns meses en Compostela ata que un día, por fin, chegou a carta que lle daba a liberdade para volver. A única condición era que non podían entrar novas monxas no mosteiro e co seu tránsito, anterior ao seu falecemento, o convento pecharía. Ela aceptou"

   Para facer a ilustración o alumnado de 5º e 6º de Primaria tomou como referencia unha fotografía da fachada da Catedral da Praza das Praterías da páxina web Turismo de Galicia.

STORY CUBES - 5º e 6º Primaria

    O alumnado de 5º e 6º de Primaria fixo unha actividade en Lingua Castelá cos dados historias.

    Os story cubes son dados que teñen pictogramas nas súas caras de xeito que tirando os 9 dados saen 9 pictogramas cos que os alumnos debían escribir unha historia.

    Despois dunha lectura en voz alta ao resto dos compañeiros, entre eles decidiron cales debían ser as historias que os representasen na radio.

LECTURRADIO: Concurso de contos 6º Primaria

    No programa de Lecturradio, hoxe temos a Aitana Cruz  que nos vai a contar un conto propio: A la sombra de los centenarios.

    Un conto escrito por ela para o concurso de contos de Lingua Castelá da súa clase e que lle valeu para resultar gañadora do mesmo.

SAMAÍN 2018

    Para a celebración de Samaín e Halloween desde a biblioteca preparamos un montón de actividades:

    - Exposición de cabazas e outros obxectos terroríficos

    - Contos de medo que máis que medo, dan risa do contacontos Pedro Brandariz e que podedes recordar no seguinte enlace:

   - Lecturas de medo relacionadas con esta época do ano que se estiveron durante toda a semana no expositor da entrada á biblioteca.

    - Certame de creación literaria para o alumnado de 3º a 6º de Primaria. Neste certame, dámoslle ao alumnado o  principio  dun  libro  para  que  eles  reinventen  a  historia; este  ano  os  libros  propostos  foron  Operación Frankestein de Fermín Solís para 3º e 4º de Primaria e Mortiña de Bárbara Cantini para 5º e 6º.

      Pola tarde, os gañadores do certame de creación literaria foron os protagonistas das Lecturas de medo lendo as súas historias ao resto do alumnado.

   Ademais nestas lecturas de medo, cantando a canción do Samaín de Mamá Cabra do seu disco

 NO   SEGUINTE  VÍDEO  PODEDES  VER   O   RESUMO  DAS   ACTIVIDADES