DÍA CONTRA O ACOSO ESCOLAR

     O Día Internacional contra o Acoso Escolar  conmemórase o 2 de maio coa finalidade de concienciar sobre este problema que afecta a escolares de todo o mundo: agresións, insultos, motes, bloqueo social, coaccións... 

       Para loitar contra este problema e contra actitudes que non queremos no noso centro rescatamos un libro que xa ten uns aniños Estou gordecho, ¿e qué? de Severino Calleja. Aínda que a gramática non segue a normativa actual pareceunos un libro moi interesante para reforzar a idea de que hai persoas moi distintas fisicamente e iso non pode influír no respecto hacia elas.

 

  Comezamos facendo unha reflexión co alumnado sobre aqueles aspectos físicos do noso corpo que poden facernos diferentes e despois escollemos algunhas destas diferenzas para ilustralas: pasa algo se teño o nariz grande? ou se son moi alto? que pasaría se estivese gordecho? e se estivese moi delgado?...

 

 

 

   Despois fixemos unha choiva de ideas para buscar un lema contra o acoso escolar e finalmente elaboramos un mural para poñer nas escaleiras principais do colexio por onde subimos e baixamos a ver se de tanto velo, conseguimos que o alumnado se conciencie sobre este tema.

 Para rematar lembrámoslle ao alumnado que ten o punto laranxa tanto físico (no corredor principal) como virtual (na pácina web do centro) á súa disposición para denunciar calquera acto deste tipo.

DÍA CONTRA O ACOSO ESCOLAR

    O 2 de maio conmemórase o Día Internacional contra o Acoso Escolar coa finalidade de concienciar sobre este problema que afecta a escolares de todo o mundo: agresións, insultos, motes, bloqueo social, coaccións... 

   Para loitar contra esta lacra e contra actitudes que non queremos no noso centro, realizamos un obradoiro sobre emocións dirixido por Vivi, psicóloga clínica experta en intelixencia emocional de Kybalion. Atención integral. 

   O alumnado de Ed. infantil tivo como punto de partido a lectura do libro Malena Ballena de Davide Cali (Ed. Libros del Zorro Rojo) que conta a historia de Malena, unha nena que pesa demasiado e por iso lle chaman "ballena". Pero un día o seu monitor de natación ensinoulle algo que fixo cambiar a súa vida.

 

   A historia serviu para que se puxeran na pel de nenos e nenas que están sufrindo acoso ou que se senten limitados á hora de facer o que lles gusta pero desde o repecto e o fomento da autoestima. 

    A segunda parte do obradoiro tiña a finalidade de identificar as feridas que causan este tipo de comportamentos; para isto o alumnado fixo un traballo de reflexión sobre situacións que sufriran ou que provocaran escribíndoas nun papel e despois pegándoas nun corazón ao que se lle transmitía ese dano en forma de engurra, rotura ou buratos e así decantarnos de que os actos teñen consecuencias e deixan marcas que non se poden borrar simplemente pedindo perdón.

 

  Para rematar en positivo, fixemos outro corazón con propostas de mellora: poñerse no lugar da outra persoa, mediar en conflictos, non ignorar a certxs compañeirxs, non utilizar motes...

  Esperemos que esta sesión si que deixe sinal no noso alumnado e que desterremos para sempre do noso cole os comportamentos que causan feridas!!

 

GALERÍA  DE  IMAXES

DÍA DOS MUSEOS 2021

 O pasado día 18 de Maio celebrouse o Día Internacional dos Museos. Unha data sinalada no calendario dende 1977 e organizada polo Consello Internacional de Museos (ICOM) co fin de concienciar a poboación sobre a importancia dos mesmos como un importante medio de intercambio e enriquecemento cultural. 

Dende o cole, non queríamos deixar de conmemorar este día e, para elo, recreamos diferentes cadros amplamente coñecidos dende a nosa persepectiva e, engadíndolle moita imaxinación e creatividade. 

Esperamos que vos gusten moito as nosas obras de arte!

 ESTUDO DE COR CON CADROS

Wassily Kandinsky

Infantil  

 OS PEIXES DE CORES

Joan Miró

1º-2º de Primaria

A NOITE ESTRELADA

Vincent Willen Van Gogh

3º-4º de Primaria 

 

 

AS MENINAS

Diego Velázquez

5º-6º de Primaria

 

 

Ademais, o alumando de 3º, 4º, 5º e 6º de Educación Primaria realizaou unha investigación sobre os datos máis relevantes dos seus cadros e sobre os pintores dos mesmos. No seguinte enlace podedes escoitar o Podcast que elaboraron na radio. 

 

 

DÍA DA FAMILIA

    O 15 de maio conmemórase o  Día Internacional das Familias, esta data creouse para concienciar sobre o seu papel fundamental na educación dxs fillxs desde pequenos e sobre as oportunidades de aprendizaxe que se dan nela independentemente das características de cada familia.

   En Educación Infantil traballaron o concepto de familia a través do libro  Un puñado de botones  de Carmen Parets Luque que trata sobre a diversidade familiar facendo reflexionar sobre que non todas as familias son iguais senón que cada familia é diferente, única e especial: que tipos de familias existen? Que cousa especial fai que sexan familia?

    Ademais da lectura, este libro propón que cada nenx debuxe á súa familia e nós queremos compartir as familias tan variadas que fixeron xs alumnxs de Infantil A.

   Se queredes escoitar o conto, podedes ver esta adaptación ao galego feita por Orientación Sionlla.

FELIZ  DÍA  DAS  FAMILIAS!!

DÍA DA PAZ E DA ILUSTRACIÓN

  O 30 de xaneiro, conmemóranse dúas datas importantes: o  Día Escolar da Paz e a Non Violencia  e o  Día da Ilustración en Galicia; unha conmemoración que entronca directamente co obxectivo 16 da Axenda 2030.

 

    Por iso tivemos no colexio á autora e ilustradora  Estefanía Padullés  que nos falou do seu traballo como ilustradora e da diferencia entre debuxo e ilustración, sabes cal é esta diferenza? Pois a principal diferenza é que a ilustración acompaña a un texto ao que precisamente como di o seu nome, ilustra; mentres que o debuxo non.

 

 

   Despois fíxonos unha demostración e propúxolles aos nenos e nenas facer a súa propia ilustración da frase de Gandhi  "Non hai camiño para a paz, a paz é o camiño"   xa que precisamente o 30 de xaneiro é a data na que conmemora este día porque é a data na que el foi asasinado.

 

 

  Podedes ver todas as ilustracións no seguite pdf:

 

 

 

Despois reflexionaron sobre o Premio Nobel da Paz, que é? quen o merece?

 

 E fixeron unhas ilustracións entregando o Premio Nobel da Paz a familiares, amigos, compañeiros... que eles cren que merecerían recibilo.

 

   Para rematar, Estefanía contoulles os nenos e nenas de Infantil o seu libro A manchas ou a raias? (Hércules Edicións) á vez que ía facendo un mural cos protagonistas. 

 

 

   Así puideron coñecer a historia de confrontación entre os animais a manchas (xirafas, guepardos...) e os animais a raias (tigres, cebras...) e como a través do diálogo que xorde de maneira inesperada entre Gresa e Leopardo conseguen comprender que o aspecto da súa pel non é importante, facendo fincapé en valores como a toleracia, o diálogo e o respecto a diferenza.

 

   Agora só queda darlle cor as ilustracións que nos deixou Estefanía para poder colgalas nos corredores e que nos lembren o que hoxe aprendemos.

  Ademais, antes de marchar, Estefanía adicounos os libros escritos por ela que temos na biblioteca

Leopoldo, o pequeno monstro

A manchas ou a raias?

    Para rematar a conmemoración deste día o alumnado de Ed. Primaria coloreu uns puntos de lectura con imaxes, palabras e mandalas relacionados con esta data.

 

GALERÍA  DE  IMAXES

DÍA DOS DEREITOS HUMANOS

      O Día dos Dereitos Humanos conmemórase o 10 de decembro, día no que en 1948, a Asamblea Xeral das Nacións Unidas aprobou a Declaración Universal dos Deritos Humanos.

    Neste documento proclámanse os dereitos que corresponden a cada persoa como ser humano, independentemente da súa raza, relixión, idioma, ideoloxía, orixe, posición económica ou calquera outra condición.

     No seguinte genially feito polo alumnado de 1º e 2º de Primaria, poderedes acceder a máis información sobre que son, cales son e algúns deles.

    E neste documento podedes acceder á edición ilustrada publicada polas Nacións Unidas para coñecer os 30 artigos nos que se recollen estes dereitos:

    Nós quixemos traballar co noso alumnado a figura dos refuxiados como un dos colectivos de persoas que máis vulnerados teñen os seus dereitos. Para iso utilizamos o libro ¿Qué es un refugiado? de Elise Gravel co que entenderemos mellor que é un refuxiado e coñeceremos algúns refuxiados famosos.

CONSTITUCIÓN E ESTATUTO DE AUTONOMÍA

    Durante a primeira semana de decembro conmemorouse a Constitución e o Estatuto de Autonomía de Galicia.

   Despois de coñecer que son e en que consisten cada unha delas; comezamos a facer a nosa propia Constitución: a Constitución do CEIP Plurilingüe Virxe do Carme.

   Este ano redactáronse e aprobáronse en sesión plenaria os 8 artículos que conforman o Título Preliminar.

Artículo 1: O colexio de Sober constitúese en institución social e democrática que defende como valores superiores a liberdade, a xustiza, a igualdade, a educación e a solidariedade.

2. A soberanía do cole reside na directora Montse da que saen os poderes dos profes.

3. A forma educativa do cole de Sober é o traballo cooperativo.

Artículo 2: A constitución é para que todos sexamos iguais. É un documento para todos os soberinos e soberinas e recoñece e garante o dereito á educación dos alumnos e alumnas do Concello de Sober e a solidariedade entre todos eles.

Artículo 3: O galego, o castelán e o inglés son as linguas oficiais deste colexio. Todos os alumnos e alumnas teñen dereito a usalas e deber de coñecelas. Temos que coidar e respectar aos demais alumnos e aos materiais do colexio.

Artículo 4: A insignia do colexio de Sober é Lectuvín, un acio de uvas morado que está lendo un libro. Utilízase na biblioteca, na radio e en todas as actividades relacionadas con elas.

Artículo 5: A capital do Concello está na vila de Sober e ten moitas parroquias: Amandi, Anllo, Barantes, Bolmente, Brosmos, Bulso, Canabal, Doade, Figueiroá, Gundvós, Liñarán, Lobios, Millán, Neiras, Pinol, Proendos, Refoxo, Rosende, San Martín de Anllo, Santiorxo e Vilaoscura.

Artículo 6: cada curso ten a súa propia opinión ou pensamento expresando o que pensa cada alumno. Os nenos e nenas de cada curso teñen o dereito a expresar a súa opinión e facer o que queiran sempre co deber de comportarse ben e respectar. Todos somos iguais.

Artículo 7: O profesorado deberá axudar aos alumnos a que cumpran os seus dereitos. Debemos opinar democraticamente nas actividades que vaiamos a facer no colexio.

Artículo 8: Temos dereitos pero tamén temos deberes como respectar e ser educados. Se facemos estes deberes, teremos como recompensa unha actividade. A actividades faranse todos xuntos sen deixar fóra a persoas polo seu xénero ou aparencia. Os castigos non poderán afectar á nosa integridade.