A NOSA BIBLIOTECA LÍA.2

    Debido á incorporación da nosa biblioteca ao Plan LÍA.2 volvemos a estar en obras: ampliamos o espazo, puxemos chan de madeira, pintamos, renovamos mobiliario, mercamos novos recursos... unha renovación case total!!

    Como polo Covid, de momento non se poden facer visitas; deixámos a seguinte imaxe en 360º para que podidades facer unha visita virtual:

BIBLIOPATIO

     Xa que este ano soamente pode acceder á biblioteca un grupo burbulla cada día, decidimos sacar a biblioteca ao patio para que todo o alumnado poida ler nos tempos de lecer se así o desexa.

    O único que hai que facer é coller un libro da parte lateral que pon préstamos e devolvelo pola parte lateral que pon devolucións para que os demás saiban se ese libro se pode coller ou está en corentena.

 

 

BOAS  LECTURAS!!

COÑECENDO OS NOSOS CONCELLOS na revista EDUGA

   A revista  EDUGA é a Revista Galega do Ensino publicada pola Consellería de Cultura, Educación, e Ordenación Universitaria. 

   Nela recóllense entre outras seccións Biblioteca, Formación, Innovación, Experiencias... e dentro do apartado Boas Prácticas da sección Bibliotecas, no seu último volume publicado, o número 77 (xaneiro - xuño 2019), poderedes ler un artigo que fala sobre o proxecto Coñecendo os nosos concellos que, como sabedes, é un proxecto radiofónico colaborativo coa biblioteca do CEIP A Pobra do Brollón.

REFORMAS NA BIBLIOTECA

     Na nosa biblioteca estivemos de reformillas para darlle máis espazo ao recuncho creativo.

   Como non temos para onde ampliar a biblioteca, o que fixemos foi reorganizar o espazo aproveitando unha especie de L que fai na parte de diante: cambiamos o encerado dixital, trasladamos os ordenadores, movemos as estanterías e os materiais e grazas á axuda económica da ANPA puxemos tarima flotante.

    No novo Queres argallar? encóntranse os materiais de robótica e impresión 3D pero tamén un montón de materiais para poder desenvolver a creatividade, o inxenio, a capacidade de exploración, a orientación espacial...

  E unha vez que xa tivemos o espazo preparado, só quedaba presentarllo ao noso alumnado e que empezasen a argallar... Desde o Equipo de Biblioteca queremos agradecer a ANPA a súa donación económica que nos permitiu poñer a tarima flotante.

RADIUVÍN na Revista Galega do Ensino

   A  EDUGA (www.edu.xunta.es/eduga) é a Revista Galega do Ensino publicada pola Consellería de Cultura, Educación, e Ordenación Universitaria. Nela recóllense entre outras seccións, experiencias innovadoras, boas prácticas e artigos de investigacións.

   No seu último volume publicado, o número 75 (xaneiro - xuño 2018), poderedes ler un artigo que fala sobre a nosa biblioteca e a incorporación do Proxecto Piloto Radio na biblio que estamos levando a cabo.

   Desde a biblioteca queremos darlle ás grazas a esta publicación educativa e á Asesoría de Bibliotecas Escolares por ter escollido a nosa experiencia para darlle visibilidade a este proxecto; pois supón un recoñecemento ao traballo feito na nosa biblioteca

ENLACE  Á  PUBLICACIÓN

NOVOS RECURSOS NA BIBLIOTECA

   Este é o segundo curso que a nosa biblioteca participa 

no proxecto piloto "Escornabots na biblioteca escolar".

    Os centros de continuidade, comezamos este curso cunha gran sorpresa: 

UNHA  IMPRESORA  3D

que xa está na nosa biblioteca esperando que a poñamos a imprimir!!

NOVO ESPAZO DE LECTURA

   Grazas ao IES A Pinguela que é o noso instituto de referencia contamos cun novo espazo de lectura no corredor principal do colexio; ao ladiño da nosa biblioteca.

   Eles doáronnos dúas mesas. Nunha temos os últimos números das revistas e do xornal ao que estamos subscritos e na outra os libros da Biblioteca que recollen as actividades levadas a cabo en candaseu curso escolar: encontros, actividades, novas, reseñas xornalísticas...

   Este novo espazo está sendo un éxito entre o noso alumnado!

Moitas grazas á biblioteca de A Pinguela polo agasallo!!

RENOVACIÓN DE MOBILIARIO E EQUIPOS INFORMÁTICOS

Pouco a pouco imos renovando o mobiliario da biblioteca e os equipos informáticos.

Mirade cantas cousas novas:

As pantallas dos ordenadores

As cadeiras e as mesas dos ordenadores

Un novo andel para a zona Infantil

Un moble expositor de revistas para a zona de lectura

A BIBLIOTECA AGARDA POR TI

     O 24 de outubro é o Día da Biblioteca; pero como é sábado, hoxe venres aproveitamos para poñer en marcha a nosa biblioteca.

     Aquí vos deixamos un vídeo da nosa biblioteca para empezar as actividades con moita ilusión

    

    Rematamos entregándolle a cada un neno un marcapáxinas do Colectivo Lemos Le, do que a nosa biblioteca forma parte.

    Neste punto de lectura inclúese o texto que Olga Novo nos adicou para este día.

DECORANDO AS VENTÁS

Queremos empezar con alegría o novo curso na biblioteca,

e que mellor que decorar as ventás cuns libros tan alegres?

     

      

        

 

RENOVACIÓN DAS MESAS DA BIBLIOTECA

Mirade que alegre loce a nosa biblioteca trala renovación das mesas!!

PUNTO DE INTERESE

 Contamos na nosa biblioteca cunha nova sección:

No punto de interese poderedes encontrar os fondos da biblioteca relacionados co tema que estemos a tratar. Xa tedes a vosa disposición os libros de outono.

NOVA DISTRIBUCIÓN DA BIBLIOTECA

 Como sabedes, este verán tivemos obras na nosa biblioteca. Con estas obras ampliamoso espazo e agora contamos cunha nova distribución da mesma.

    Aquí vos deixamos o plano da biblioteca para que poidades orientarvos con máis facilidade e encontrar os fondos sen dificultade.

Senon podedes velo ben, podedes descargar o arquivo adxunto.

»

• 1 adxunto