SEMANA DA PRENSA - 2022

     Do 7 ao 11 de marzo conmemórase a Semana da prensa.  

     Para traballar esta conmemoración o alumnado de 4º a 6º de Primaria elaborou un programa especial de SOBERICIAS con noticias relacionadas coa comunidade educativa do noso colexio:

-  Presentación do equipo Barantes Sport (Carlota, Germán, Diego e Javier)

-  Obras de mellora do centro (Gissela, Lola, Cristian e Naím)

-  Entroido (Yanira, Libertad, Lucas Fernández, Iria e Susana)

-  Programa Come local (Lucía, Lucas, Hugo e Pilar)

-  Feira do Viño de Amandi (Valeria, Mencía, Gareth e Darío). 

PARABÉNS A CANDELA FERNÁNDEZ!

   A nosa alumna Candela Fernández acaba de recoller o 1º Premio do Certame de Poesía de Nadal convocado pola Biblioteca Nodal de Lugo en colaboración coas Bibliotecas Públicas.

     O acto de entrega foi no Salón de Actos da propia Biblioteca e cada un dos gañadores recibiu como agasallo un lote de libros, un diploma e unha figura de Sargadelos.

 

    Para coñecer máis sobre este premio e escoitar o poema na voz da súa autora; prestade atención á entrevista que lle fixeron Hugo e Lucas.

NORABOA  CANDELA!!!

 

UN JUGUETE, UNA ILUSIÓN: SOBERICIAS! (XVIII Concurso de Cuentos Solidarios)

   O Concurso de Contos Solidarios "Un juguete, una ilusión", da Fundación Crecer Jugando ten como obxectivo achegar valores como a solidaridade aos máis pequenos e implicalos en iniciativas que fomenten o traballo en equipo coa elaboración dun conto feito entre toda a clase. 

 

   Nesta edición do concurso había que elaborar un relato que tivese como protagonista a  SúperUjui, o heroe dos xoguetes que se pode camuflar en calquera lugar disfrazado de bolígrafo...  

  

    Pero incluso os superheroes teñen problemas algunhas veces... menos mal que nesta ocasión os nenos e nenas de 6º de Primaria do noso colexio puideron axudalo. Se vos estades preguntando que lle pasou, só tedes que escoitar....

 Música:  Adventures In Adventureland  & Impact Prelude by Kevin MacLeod

   Que vos pareceu a historia? Pois parece que ao xurado do Concurso si que lle gustou e agora somos un dos catro centros finalistas a nivel nacional  xunto a dúas historias do colexio Buen Pastor de Sevilla e outra do colexio Álvarez Sotomayor de Almería.

   Se queredes, apoiarnos podedes votar na seguinte dirección, marcando o nome do colexio no fondo da páxina e dándolle a enviar.

NORABOA  AO  ALUMNADO  DE  6º PARTICIPANTE!!

ENTREGA PREMIOS PROVINCIAIS - CERTAME POESÍA NADAL 2019

   O venres día 28 de febreiro, Brais Rodríguez Álvarez, un dos nosos alumnos de 5º de Primaria, recolleu o premio acadado no Certame de Poesía Infantil "Nadal 2020" convocado pola Biblioteca Nodal de Lugo.

 

    Durante o acto de entrega de premios tamén fixo lectura do seu poema "Un soño"

    Se queredes saber cómo se sentiu ao recoller o premio e escoitar o poema na súa propia voz, podedes facelo no seguinte podcast de Sobericias, o programa que conta as mellores noticias.

NORABOA  BRAIS!!

ESPERAMOS  QUE  SIGAS  ESCRIBINDO POESÍA!!

SOBERICIAS - PREMIO MARA LÓPEZ E ANTÍA GAGO

    Hoxe temos un programa especial de Sobericias con dúas protagonistas tamén especiais: Mara López (6º de Primaria) e Antía Gago (6º Infantil), dúas alumnas do centro que acaban de recibir sendos premios relacionados co mundo bibliotecario.

    Antía Gago recibiu un premio na fase provincial do Certame de Debuxo das Letras Galegas convocado pola Biblioteca Nodal de Lugo.

    Mara López foi a gañadora do concurso SELFIE LIX, convocado pola Asociación Galega do Libro Infantil e Xuvenil.

    Elas falaron con Aitana e Gisela dos seus traballos e dos seus premios... non vos perdades a entrevista!!

SEMANA DA PRENSA

   A Semana da Prensa é unha semana que nos serve para reflexionar sobre a importancia deste medio de comunicación e para analizar cunha visión crítica as noticias que se publican.

   

   Para esta conmemoración fixemos diferentes actividades:

- LECTURA  DE  XORNAIS  NA  HORA  DE  LER: durante a hora de ler desta semana, o alumnado podía escoller entre exemplares do xornal O Papagaio (xornal escolar), El Progreso ou La Voz de Galicia que son os tres xornais que temos no centro.

 

 

- DIFERENZA  ENTRE  NOTICIA  E  ARTIGO  DE  OPINIÓN: o alumnado de 6º de Primaria elaborou unha nova emisión de Sobericias explicando a diferenza entre unha noticia e un artigo de opinión con varios exemplos que tiveron como tema o entroido en Sober.

- TRABALLO  COS  XORNAIS  NAS  AULAS: un día  da  semana, traballouse a área de Lingua galega cos xornais, decatádonse o alumnado de que todo o dado nesta materia se pode encontrar na prensa: ortografía, gramática, comprensión de textos...

- NOTICIAS  POSITIVAS: outra actividade realizada foi a busca de noticias positivas nos xornais. Cada alumno buscou unha noticia positiva e con todas formamos un xornal de boas noticias que forma parte da nosa estantería de prensa.

SOBERICIAS: Premios Certame de Nadal

    Sobericias, o programa que che conta as mellores noticias céntrase nesta emisión nos premios do Certame de Nadal convocado pola Biblioteca Pública Municipal de Sober nas modalidades de Poesía e Postais.

    Da man dos seus locutores, Xoán, Laura e Mara, coñeceremos todos os detalles deste certame e escoitaremos os poemas premiados na voz dos seus autores: Cristian, Brais, Aitana e Uxía.

SOBERICIAS: Bibliotecas Escolares Solidarias

  Sobericias, o programa que che conta as mellores noticias, informa nesta edición sobre a Concesión do Selo Bibliotecas Escolares Solidarias en voz dos reporteiros de 3º e 4º de Primaria.

SEMANA DA PRENSA

    Do 5 ao 9 de marzo conmemorouse en tódolos centros educativos de Galicia a Semana da Prensa.

    Durante esta semana, a hora de ler estivo adicada á prensa escrita de xeito que a lectura escollida para este tempo tiña que ser un xornal.

     Pero como a prensa non se refire só aos medios escritos e agora temos un labotorio de radio na biblioteca escolar, non podía faltar nesta semana a emisión de Sobericias, o informativo radiofónico de Radiuvín que contou con todos os alumnos do centro como reporteiros.

     Os reporteiros de Educación Infantil foron os encargados de gravar a introdución aos informativos e os reporteiros de primaria encargáronse de pescudar ás novas a emitir. Estas novas tiñan que cumprir dúas condicións: que viñesen publicadas nos xornais dos días correspondentes á Semana da prensa e que fosen positivas.

     Os informativos resultantes con noticias dos xornais El Progreso e La Voz de Galicia, podédelos escoitar nos seguintes enlaces.

RADIUVÍN: Programa de entroido

Aquí tedes o enlace ao programa radiofónico de hoxe. En breve publicaremos as imaxes do desfile.

RADIUVÍN: programa inaugural

SOBERICIAS: A RADIO QUE CHE CONTA AS MELLORES NOTICIAS!

     Na nosa biblioteca, extendemos a conmemoración da Semana da Prensa de unha semana a un mes; adicando todo o mes de marzo á prensa escrita e oral.

     

     Despois de todo o traballo que realizaron os nosos radio reporteiros de 3º e 4º de Primaria, xa está dispoñible a I Edición de Sobericias: a radio que che conta as mellores noticias!! onde poderedes escoitar noticias e entrevistas relacionadas co noso centro durante os meses de febreiro e marzo.

   Esperamos que vos resulten moi interesantes: