AS FAMILIAS CONTAN: Familia de Aldán (18/5/2023)

   En As familias contan de hoxe recibimos a Tamara, a nai do noso alumno Aldán de Ed. Infantil, que era a primeira vez que viña a participar nesta actividade.

   Entre os dous leron o libro O dragón co traseiro en chamas de Beach, un libro que conta a historia dun dragón que non pasa polo seu mellor momento xa que acaba de perder a súa chama.

 

  E como vos imaxinaredes, isto para un dragón é un gran problema, sobre todo para dragóns que se adican a chamuscar cabaleiros.

   Menos mal que Sir Wayne, o cabaleiro que se tiña que enfrontar a el, era moi enxeñoso e tivo unha idea para axudalo: preparar a receita máis picante do mundo para conseguir que o dragón volvera a ter un alento abrasador.

   Pero este remedio non tivo o resultado esperado e a chama acabou saíndo por outro sitio que non era precisamente a súa boca...

  Se queredes coñecer toda a historia deste dragón, podedes escoitar o libro no seguinte podcast que Aldán e Tamara gravaron na nosa radio.

 

 MOITAS  GRAZAS  AOS  DOUS  POR  PARTICIPAR  NESTA  ACTIVIDADE!!

GALERÍA  DE  IMAXES