viernes, 18 de noviembre de 2016

MONTANDO UN ESCORNABOT CO ALUMNADO DE 3º E 4º DE PRIMARIA

Faltábanos un escornabot por montar e os nenos e nenas de 3º e 4º foron os encargados de facelo.

Para construílo, fóronse guiando polo vídeo elaborado para o curso de Escornabots.

Nas seguintes imaxes podedes ver como foi o proceso e o concentrados que estaban:






FUNCIONA!!

Pero...hai un problema...o ESCONARBOT  VAI  AO  REVÉS!!
EN VEZ DE IR PARA ADIANTE; VAI PARA ATRÁS!!

   Despois dun rato pensando, chegamos á conclusión de que a placa base estaba ao revés. Así que tras desmontar a botoneira e darlle a volta volvemos a probar e... PROBLEMA  SOLUCIONADO!!

jueves, 17 de noviembre de 2016

XORNADA DE COVICENCIA COA BIBLIOTECA DO CEIP A GÁNDARA E ACTUACIÓN DO CORO BEREA (17/11/16)

    Hoxe tivemos unha visita especial: os alumnos e alumnas de 1º e 2º de Primaria do CEIP A Gándara coas súas profes.

   Viñan de visitar a Rectoral de Gundivós na que Elías lles explicou os segredos da olería e a Escola de Hostelería de Rosende.

   Foi un xantar moi divertido no que se puideron coñecer e compartir momentos de xogo.
 Despois do xantar, para conmemorar o Día de Santa Cecilia, patroa da música; todos asistimos a un concerto do Coro Berea onde o pasamos de marabilla. 
 
     Desde aquí queremos agradecerlle a todos os seus membros así como á súa directora esta actuación desinteresada.

Outros vídeos:

    Antes de dar por rematada esta convivencia, foi tempo para o intercambio de agasallos entre as bibliotecas.
    O noso alumnado tiña preparado uns marcapáxinas conmemorativos desta data:
    E os nenos e nenas de A Gándara trouxéronnos varios xoguetes elaborados con materiais de refugallo e uns libros nos que nos falan sobre eles.


MOITAS  GRAZAS  POLA  VISITA!!

ESTAMOS  DESEXANDO  QUE  SE  REPITA, pero mentras tanto
podes recordar todas as imaxes deste día no seguinte enlace

LIBROS QUE VAN E VEÑEN

    As mochilas da campaña de Infantil Libros que veñen e van, xa comezaron a viaxar.
   Dentro delas, un libro de lectura, un libro viaxeiro e a súa mascota Sonrisitas que tamén viaxa ás casas para aprender cousas novas.
BOA  VIAXE!!!

viernes, 11 de noviembre de 2016

CONQUISTA A FORTALEZA!

    As sesións do PFPP están sendo moi fructíferas e os nosos alumnos non tardan en aproveitar os recursos que elaboramos!!

    Este é un xogo para dous xogadores. Cada un colócase nun extremo da grella marcado cunha cartolina gris e ten como obxectivo chegar a cartolina de saída do outro escornabot.

   Tiran os dados e deben programar no escornabot tantos movementos como puntos acaden. Ademais cada 6 puntos poden comprar unha obstáculo (cartolina vermella) que dificulte o camiño do adversario.

martes, 8 de noviembre de 2016

CURSO: Alfabetización en linguaxes de programación

    Dentro do PFPP (Plan de Formación Permanente do Profesorado) que estamos a desenvolver no centro; contamos con Francisco López para coñecer fundamentos básicos de linguaxe informática, robótica, eléctrónica e programación.
   Despois de montar o noso Escornabot, elaboramos un novo taboleiro para poñer en práctica varias propostas didácticas con máis espacio do que tiñamos nun A3



lunes, 7 de noviembre de 2016

CIENCIA NA BIBLIOTECA (7/11/2016)


   Para conmemorar que novembro é o mes da Ciencia na Biblioteca, da man da ANPA puido vir unha científica de Imaxinatia e tivemos unhas sesións de Ciencia na Biblioteca nas que puidemos facer varios experimentos. 
 

Tomamos dúas medidas de fariña
 

e unha medida de crema corporal.
 

Amasamos cunhas gotas de colorante alimentario
 
 

e xa temos lista a plastilina!!


 

Botamos leite nun prato ata cubrir o fondo  e engadimos 3 gotas de colorante alimentario de diferentes cores.
 

A continuación, empapamos un bastoncillo das orellas en xabón líquido de fregar os pratos

e tocamos con el as gotas de cores. Que lles pasa? Por que escapan?
   



Botamos vinagre nunha botella (un pouco menos da metade),
 

botamos un pouco de bicarbonato dentro dun globo e poñémolo na boca da botella,
 

deixamos caer o bicarbonato dentro da botella e collemos o globo para que non saia disparado
mentres se produce a reacción e os gases resultantes o inflan.
 



Pola mesma reacción que no experimento anterior, podemos facer este volcán de lava.
Botan auga, xabó, bicarbonato e colorante nunha botella; cando añadas o vinagre verás como o volcán entra en erupción