DETECTI 5º/6º. Terceiro reto

Os nosos investigadores están  facendo  un  traballo boísimo
e xa temos resposta para o terceiro reto deste concurso!

Pois si! 
Fabricar 1 € custa 4,50 céntimos!!

E agora... Qué tal se vos dará a seguinte investigación?

Esperámosvos  a  próxima  semana!!

DÍA DA PAZ E DA ILUSTRACIÓN

   Hoxe 30 de xaneiro, conmemóranse dúas datas importantes: por unha banda o Día Escolar da Paz porque o día 30 de xaneiro de 1964 morreu Gandhi e a UNESCO decidiu utilizar esta efeméride para reforzar entre o alumnado valores como a tolerancia,  diálogo, o respecto aos dereitos humanos á non violencia e á paz.

   E por outra banda, en Galicia conmemoramos tamén o Día da Ilustración poque un día como hoxe de 1886 naceu Castelao.

   Por iso tivemos no colexio a Estefanía Padullés, autora e ilustradora que combina á perfección estas dúas conmemoracións xa que é ilustradora de libros que potencian valores como os propostos pola UNESCO.

    O seu último libro que hoxe veu a presentar A manchas ou a raias? (Hércules Edicións) conta a historia de confrontación entre os animais a manchas (xirafas, guepardos...) e os animais a raias (tigres, cebras...).

  E conta tamén como a través do diálogo que xorde de maneira inesperada entre Gresa e Leopardo conseguen comprender que o aspecto da súa pel non é importante, facendo fincapé en valores como a toleracia, o diálogo e o respecto a diferenza.

     Mentres escoitamos o conto na voz da súa autora, ela mesma foinos debuxando un mural cos protagonistas da historia que despois os nenos colorearon e agora está no corredor principal do colexio para recordarnos a loita contra o racismo xunto ás reflexións ás que chegaron os alumnos.

    Ademais Estefanía tamén nos ensinou os bocetos e as ilustracións orixinais do conto.

    Para saber moitas máis cousas sobre A manchas ou raias? e sobre Estefanía Padullés podedes escoitar a entrevita que lle fixeron os compañeiros de 4º de Primaira.

MOITAS  GRAZAS  ESTEFANÍA!!

DÍA DA PAZ CON POESÍA

   Os nenos e nenas de Infantil B do noso colexio traballaron para o Día da Paz o poema Sólo tres letras de Gloria Fuertes e pasaron polos estudios de Radiuvín para recitala.

 Se queredes escoitar o poema nas súas voces, dádelle ao play!!

FORMACIÓN RADIO NA BIBLIO

   Hoxe os nenos e nenas de 3º a 6º de Primaria recibiron formación para mellorar as súas emisións de Radiuvín.

   Este ano a formación veu da man de Luís Pardo, periodista de Cadena Ser (Santiago de Compostela) e un dos fundadores de AGARESO (Asociación Galega de Reporteiros Solidarios)

   Con el fixemos varias actividades: O que di a nosa voz (entoación, volume, intención...), escribir para ler en alto e trucos de redacción (pautas para redactar guións radiofónicos de lectura máis sinxela) e voz, música, efectos... chsst... silencio! (recursos para mellorar as emisións).

   Unhas sesións moi produtivas nas que recordamos algunhas premisas que coñeciamos e aprendimos moitas novas:

Redactar frases curtas e con sentido para quen o le

Empregar vocabulario coñecido

Utilizar os signos de puntuación para respirar

Aproximar as cantidades que non teñan que ser necesariamente exactas

Non facer enumeracións moi longas: 1, 2, 3, moitos!

Imprimir o guión en letra grande para facilitar a lectura

Imprimir por unha soa cara para non ter que voltear a folla

Non deixar parágrafos cortados no final das páxinas

Marcar os parágrafos xa lidos

Practicar a articulación cun bolígrafo na boca...

   Unha morea de consellos que sen dúbida comezaremos a aplicar na elaboración dos guións radiofónicos e nas nosas gravacións!! 

AS FAMILIAS CONTAN: Familia de Francesca, Valentina e Christian.

   Retomamos a actividade As familias contan despois de nadal con Mónica, a nai de Francesca, Valentina e Christian que nos leu o libro The Snowman, un libro inglés escrito por Raymond Briggss en 1978.

    Este libro que nos conta Mónica en inglés relata a historia de Jessica, unha nena que constrúe un boneco de neve que cobra vida popia, aprende axogar cos xoguetes dela e nun final sorprendenteata son capaces de voar...

   Podedes escoitar a narración en inglés na seguinte emisión de As familias contan en Radiuvín.

  Se vos gustou a historia podedes ver a adapatación ao cine que fixo Dianne Jackson. Unha película muda que estivo nominada para o Óscar ao Mellor Corto de debuxos en 1983.

   

Moitas grazas por compartir con nós un ratiño do teu tempo

e por darnos a coñecer esta historia.

DETECTI 5º / 6º. Segundo reto

Recordades o segundo reto plantexado a semana pasada?

Pois xa temos  aquí a solución:

      As bandeiras son pezas de tea rectangulares con franxas de cor, escudos ou imaxes simbólicas que se empregan como insignia dun país, un equipo, unha dinastía... 

    En principio eran sinais militares que identificaban os grupos de soldados e distinguían aos compañeiros dos enimigos.

E agora... listos para seguir investigando??

 

Esperámosvos  a  próxima  semana!!

COÑECENDO OS NOSOS CONCELLOS (II)

XA  TEMOS  RESPOSTA  DE  RADIO  GUÍMARO!!

Compartimos a súa publicación e engadimos un mapa dos concellos da
provincia de Lugo para poder situarnos mentres escoitamos:

      Despois de iniciar esta emocionante serie de programas de radio escolar a través do proxecto Radio na Biblio de Plambe, hoxe tocounos respostar á primeira pregunta que días atrás nos facian os compañeiros do CEIP Plurilingüe de Sober. 

      De camiño enviámoslles nós a nosa primeira  pregunta.

      A través de programas de ida e volta irémonos coñecendo un chisco máis!

      Se queredes coñecer a información que recollemos escoitade o noso programa.

BÁDMINTON PLUS

     Esta semana, os alumnos de 5º e 6º de Primaria recibiron a formación de bádminton que forma parte do programa de Promoción "Bádminton + Plus".

    Da man de Jesús Gómez, Presidente do Club Escola Rosalía de bádminton de Vigo, o noso alumnado aprendeu conceptos como: a historia básica do bádminton (descubrindo que os galegos foron os pioneiros en España neste deporte); o material necesario; o agarre da raqueta e o seu manexo (golpes básicos, colocación e desprazamento dentro do campo...). Todo iso a través de xogos dinámicos e moi divertidos que fixeron que os nosos alumnos disfrutaran moito da actividade.

    Para rematar, entregáronse unos agasallos aos participantes da actividade en forma de volante de bádminton fabricados coa impresora 3D do centro basándonos no deseño dun chaveiro de palawanisland dispoñible en thingiverse (https://www.thingiverse.com/thing:1348241)  ao que engadimos unha base co nome do noso centro.

   Desde  o CEIP Plurilingüe Virxe do Carme queremos dar grazas a Jesús Gómez pola súa colaboración para achegar ao noso alumnado a este espectacular e complexo deporte.

DETECTI 5º / 6º - Primeiro reto

Como recordaredes, a semana pasada presentamos este concurso e o seu primeiro reto:

Pois ben, xa temos a resposta correcta!

Queredes sabela? 

Escoitade aos nosos investigadores

Agora xa o sabedes:

   En 1665, o científico e arquitecto británico Robert Hooke examinando unha capa delgada de corcho a través dun microcospio que el mesmo inventou, encontrou gran cantidade de pequenos espazos con forma de panal de abella e chamoulles "celdillas" o que acabou derivando en "células"

Listos para o novo reto??

Esperámosvos  a  próxima  semana!!

DETECTI 5º/6º

    O ano novo tróuxonos novas actividades, unha delas o concurso Detecti 5º/6º: Axencia de detectives, un concurso semanal co que trataremos de mellorar a capacidade de investigación dos alumnos e alumnas de 5º e 6º de Primaria.

  Cada semana presentarase un reto ou pregunta que estes alumnos deberán investigar. Cando teñan a  resposta deixarana no sobre de solucións e as profes comprobarán se é correcta e se acadan ou non o punto correspondente ao desafío.

  Na seguinte semana daremos a coñecer a resposta correcta a través de Radiuvín e propoñeremos o seguinte reto.

 Estades listos para comezar a investigar??

Pois aquí deixamos a primeira pregunta

 

MOITA  SORTE  A  TOD@S!!

SOBERICIAS: Premios Certame de Nadal

    Sobericias, o programa que che conta as mellores noticias céntrase nesta emisión nos premios do Certame de Nadal convocado pola Biblioteca Pública Municipal de Sober nas modalidades de Poesía e Postais.

    Da man dos seus locutores, Xoán, Laura e Mara, coñeceremos todos os detalles deste certame e escoitaremos os poemas premiados na voz dos seus autores: Cristian, Brais, Aitana e Uxía.

PREMIOS CERTAME DE NADAL DA BPM - 2018

   Todos os anos, o alumnado do noso colexio participa no Certame de Postais e Poesía que convoca a Biblioteca Pública Municipal polo Nadal. 

   Por iso, as postais dos nosos alumnos e alumnas están expostas no Centro Sociocultural de Sober durante as vacacións .

    A entrega de premios deste certame comezou coa actuación do grupo local O Trícole que nos agasallou con diferentes panxoliñas e Cantos de Reis tanto propios como recollidos na nosa zona ou doutras culturas.

   Despois o alcalde entregou os premios dos que o colexio recibiu un premio á participación, consistente nun diploma e un lote de libros para a nosa biblioteca. Recolleron o premio algúns alumnos do centro que estaban presentes neste acto.

 

    O acto foi publicado en varios xornais o día 3/01/2019:

El Progreso, 3/01/2019

La Voz de Galicia, 3/01/2019

Diario de Lemos, 3/01/2019

 DIARIO  DE  LEMOS DIXITAL