EXCURSIÓN Á CASA DA FONTE

    O pasado xoves día 22 de maio, os alumnos e alumnas de Educación Infantil disfrutaron dunha visita á granxa Casa da Fonte, organizada pola ANPA.

      Nesta visita puideron ver tódolos animais que viven na granxa e aprender un pouquiño sobre os seus coidados e a súa forma de vida. 

     Nada máis baixar do autobús xa puidemos ver aos primeiros animais. Un cabalo chamado Oreo, unha egua e o seu poldriño, dúas tenreiras que estaban tomando o almorzo e un año.

   Logo, despois de camiñar un anaco, chegamos xunto das galiñas. Alí vimos o galiñeiro, que van cambiando de sitio cada certo tempo. Ademais Saray contounos, entre outras cousas, que hai diferentes razas de galiñas e que algunhas poñen máis dun ovo cada día.

 

Seguimos camiñando e atopamos ás vacas. Había moitísimas!

Máis adiante están os polos. Vimos as súas casiñas e algunha crianza incluso se meteu dentro delas.

Camiñamos un anaco máis e chegamos á casiña dos porcos.

  Para rematar a visita, dirixímonos á fábrica onde nos explicaron o proceso de fabricación da manteiga. Tamén tivemos a oportunidade de manipular e empaquetar unha pouquiña desa manteiga que cada crianza levou para a súa casa. 

MOITAS  GRAZAS  Á  ANPA  POLA  ORGANIZACIÓN  DESTA  VISITA!

GALERÍA  DE  IMAXES

AGASALLO ANPA

   Este trimestre recibimos para Ed. Infantil tres bandexas Tuff Tray, un  agasallo doado pola ANPA.

   Estas bandexas son un fantástico marco de xogo e experimentación para as crianzas, que ofrecen multitude de posibilidades.

   Xa as empregamos en diferentes actividades e  encantáronnos!

 

Seguro que as imos desfrutar moito!

 

 

MOITAS GRAZAS A ANPA POR ESTE AGASALLO!!!

 

BAILAMOS TOD@S

  Dentro da conmemoración do Día da Muller, realizamos na biblioteca a actividade BAILAMOS TOD@S organizada pola ANPA a través de FACAPEL co grupo TROUPELEAR.

    A finalidade deste obradoiro esta desterrar roles de xénero a través de xogos bailados da nosa tradición dándolles unha perspectiva diferente para achegalos aos nosos días.

    Así xs nosxs alumnxs cantaron, percutiron e realizaron diferentes bailes que lles axudaron a tomar conciencia dos seus corpos e dos corpos dos demais e a  interaccionar entre eles.

 

MOITAS  GRAZAS á ANPA por organizar esta actividade tan interesante e divertida coa que seguir creando conciencia de xénero.

GALERÍA  DE  IMAXES

MASA NAI

   Nesta avaliación desenvolvemos no centro o proxecto MASA NAI coa intervención da cooperativa Outonía, para promover a coeducación. Este proxecto foi organizado pola ANPA a través das axudas da Secretaría Xeral de Igualdade.

 

   A actividade recibe o seu nome da comparación do proceso de educación co proceso de fermentación desta masa e desenvolveuse en torno a catro liñas de actuación que simbolizan os ingredientes que se necesitan para elaborar masa nai:

  - A AUGA serían os obradoiros realizados co alumnado de Infantil e Primaria en torno á ruptura de estereotipos  de xénero e á sensibiblización e educación en favor da igualdade favorecendo o bo trato entre as crianzas, fomentando o pensamento crítico e previndo condutas machistas.

  - A FARIÑA é a liña que ten como eixe o patio entendido como lugar de aprendizaxe e socialización promovendo un uso non sexista do mesmo e incentivando o xogo cooperativo. Para iso recolléronse as ideas de alumnxs e mestrxs e deseñouse unha proposta de intervención no espazo físico que se levou a cabo de maneira colaborativa.

   

 

   

 

  - A SAL corresponde á formación das familias para promover un espazo de diálogo e intercambio entre as familias, dar a coñecer diferentes alternativas coeducativas e sensibilizar en torno á importancia da educación en igualdade de xénero.

 

 

 

 

- O ACEITE implicou a interacción entre o alumnado e a comunidade establecendo vínculos coa contorna.  Para o desenvolvemento desta liña contamos coa colaboración da BPM de Sober e da asociación O colado do vento da man de Paula Verao que estivo no centro falándolle ao alumnado de xogos doutras épocas e nos puxo a todos a xogar ao Pasemisí e á corda.

 

    Ademais Paula deixounos como agasallo o libro Xogos tradicionais galegos para tempos de recollida do Observatorio do Patrimonio Lúdico Galego.

 

Esperamos que os nenos e as nenas do cole aprenderan moito deste proxecto e que a partir de agora o pasen xenial cos distintos xogos que se fixeron no patio.

 

Para rematar, desde o centro queremos dar as grazas á ANPA por esta iniciativa e a todxs xs que colaboraron para que se puidera facer realidade. 

 

GALERÍA  DE  IMAXES

 

 

ALIMENTACIÓN SAUDABLE

   A través da ANPA do noso colexio, hoxe tivemos unha actividade sobre alimentación saudable para todo o alumnado coa que seguimos facendo fincapé nos obxectivos 2030.

  

   Nesta charla, Leticia Otero de Ángeles Novo Nutrición, faloulles primeiro sobre que é a saúde que poderiamos resumir dicindo que temos boa saúde cando o estado e o funcionamento do noso organismo é bo.

   Explicounos tamén que o  noso corpo necesita comer saudable e variado para obter a enerxía, as vitaminas e os minerais necesarios para crecer e manterse san.

     E para isto fixo actividades prácticas sobre como debería ser a composición dos nosos pratos á hora de comer, de como deberían ser os almorzos e as merendas e dos consumos aconsellables de cada tipo de alimento:

   

   Ademais de comer variado para que o noso corpo obteña todo o que necesita tamén é importante non comer aquilo que o prexudica como demasiado azucre ou graxa, fixándose ben nas etiquetas dos produtos e na súa composición.

 

 Para rematar coñecemos as posibles consecuencias dunha mala alimentación: sobrepeso, caries, posibilidade de enfermidades cando sexamos maiores como diabetes, colesterol, hispertensión...

 

Moitas grazas a ANPA por esta actividade. 

Esperamos que todos estes consellos non caian en saco roto!

 

 

GALERÍA DE IMAXES