8 DE MARZO: DÍA DA MULER

Para conmemorar esta data, os nenos e nenas do centro participaron en varias actividades:

       -  Acto conmemorativo do “8 de marzo, Día Internacional da Muller” na Praza de España: o alumnado de 5º e 6º de Primaria participoun nun acto no que a Concelleira de igualdade de Monforte de Lemos, Marina Douton Rajo: procedeu á lectura dun manifesto pola igualdade. Cada un dos participantes, levaba un cartel na man con lemas a favor da igualdade.

- Entrega do libro "Lola de Penelas. Unha muller para o 8 de marzo": o CIM entregou varios exemplares deste libro elaborado no obradoiro do mesmo nome que se levou a cabo nos centros escolares de comarca. Neste obradoiro, o alumnado fixo un traballo de reflexión sobre a vida das mulleres artesáns galegas e plasmaron en imaxes esta reflexión a través da súa vida.

- Debate e reflexión sobre a igualdade entre sexos: este ano no colexio quixemos traballar a igualdade entre sexos como base fundamental na educación entre nenos e nenas. Igualdade legal en dereitos e deberes, igualdade cultural e igualdade social.

    Tamén convocamos ás familias para que lles fagan fotos aos seus fillos /as facendo algo que tradicionalmentes se asocie ao sexo contrario: tarefas da casa, tarefas na horta, oficios, xogos infantís...para elaborar unha presentación e que eles sexan conscientes de que todos e todas podemos facer de todo.

- Visionado do conto "Lola de Penelas. Unha muller para o 8 de marzo": rematamos os actos deste día co visionado deste conto; no que a xornalista Manola Porto puxo voz ao texto ilustrado polos nenos e nenas da comarca.

GALERÍA  DE  IMAXES

EXPOSICIÓN LOLA DE PENELAS

  Os traballos presentados ao III Certame Mulleres de Lemos na categoría de Banda Deseñada, xa están expostos no noso centro.

   Tamén as ampliacións coas imaxes máis destacadas de cada un deles.

LOLA DE PENELAS: ILUSTRACIÓN DO CONTO

Xa temos rematada a nosa ilustración para o conto Lola de Penenlas. Unha muller para o 8 de Marzo.

No noso centro tocounos ilustrar o seguinte texto:

“Daquela - eu nacín en 1886 - non tiñamos nin luz; por ter, nin onde facer as nosas necesidades, a non ser na corte das vacas, no galiñeiro ou nas árbores da contorna. Éravos así, non é coma agora!

Na nosa casa non había fartura, pero sempre había pan ou caldo para lle dar unha cunca aos pobres que viñan pedir pola aldea. Porque o meu pai era cacharreiro, e nunca faltaba o traballo. Xa sabedes a cantiga popular:

“Ao pasar por Gundivós,

o primeiro que se ve,

son as olas a secar

e os fornos a cocer”.

LOLA DE PENELAS. UNHA MULLER PARA O 8 DE MARZO

O Colectivo Lemos Le para conmemorar o Día da Muller que se celebra o 8 de marzo; organiza por terceiro ano o Certame Mulleres de Lemos coa finalidade de dar a coñecer e promover as figuras femininas relevantes na historia das Terras de Lemos.

Este ano propóñennos a figura de Lola de Penelas unha oleira de Gundivós (Sober) do século XX para destacar o papel das mulleres artesás galegas, especialmente das mulleres oleiras do noso Concello. 

De Lola de Penelas dise que era unha muller forte e traballadora, que en tempos chegaba a facer trinta ou máis olas nun día e que visitaba as casas coa súa roda para reparar as pezas que sufrían danos, levando tamén con ela aos seus fillos. 

En colaboración coa Biblioteca Pública Municipal de Sober, organizamos esta actividade para coñecer máis sobre este día e sobre a figura desta muller. Julia explicounos o motivo polo que a conmemoración se realiza o 8 de marzo e os/as biblioaxudantes de 6 de Primaria léronnos o conto escrito por Paula Vázquez Verao.

     

Despois coñecimos e decoramos algunhas das pezas representativas da Olería de Gundivós:

    Na seguinte publicación do CIM de Monforte podedes consultar toda a información sobre esta data e tamén sobre Lola de Penelas

  Para profundizar máis na tradición oleira; pedímoslle ao noso alumnado que se fixese fotos con pezas de alfarería de Gundivós que tivesen na casa e que nos contasen algunha historia ou anécdota que lles sucedese con algunha peza. En canto estas imaxes ou historias nos vaian chegando; íremolas subindo ao blog.