FORMACIÓN BIBLIOTECA CREATIVA con Paola Guimerans

    Desde o curso 2016/2017, pertencemos ao Proxecto BIBLIOTECA CREATIVA e esta participación permítenos contar cun orzamento específico para a formación do noso alumnado.

   Este ano foi Paola Guimerans, especialista en educación STEAM, a que estivo na biblioteca do colexio para levar a cabo un obradoiro sobre a placa makey makey con alumnado de 4º, 5º e 6º de Primaria.

   Durante este obradoiro de programación por bloques, os nenos e as nenas fixeron diferentes actividades programando a placa a través de scratch.

     Unha das actividades foi a creación dun cómic interactivo sobre a pintora Maruja Mallo xa que o alumnado estivo investigando sobre ela.

   Ademais da placa makey makey, o alumnado de 5º e 6º ampliou a súa formación coñecendo o funcionamento da placa microbit.

  Un obradoiro moi didáctico e interesante co que o noso alumnado aprendeu de forma moi divertida!

 

GALERÍA  DE  IMAXES

 

XORNADA BIBLIOTECA CREATIVA 2024 - 2025

    Este mércores tivo lugar a Xornada de Formación de Biblioteca Creativa 2024-25 que foi inaugurada por Elena María Castro Villalón, Xefa de Servizo de Innovación e Programas Educativos, na que participamos todos os centros que formamos parte do proxecto Biblioteca Creativa.

      Nesta xornada asistimos a tres obradoiros sobre videoxogos, banda deseñada e booktrailers aplicados á educación.  A a Asesoría de Bibliotecas Escolares contou co noso centro para expor o noso traballo na parte referida a "Experiencias de centros: dinamización de actividades e recursos para o espazo creativo" onde participamos coa presentación "Queres argallar? Biblioteca creativa no CEIP P. Virxe do Carme" que podedes consultar a continuación:

QUERES ARGALLAR? de F. G. R.

   Queremos darlle as grazas á Asesoría de Bibliotecas por ternos escollido entre todos os centros que participan, pois esta elección é un orgullo para nós xa que recoñece o traballo que realizamos no eido da biblioteca como laboratorio creativo de aprendizaxe: escornabots, programación, impresora 3D, educación audiovisual, proxectos...

   MOITAS  GRAZAS  A  TODAS  AS  PERSOAS  DA  COMUNIDADE  EDUCATIVA  E  FÓRA  DELA  QUE  COLABORAN  CON  NÓS  EN  TODOS  OS  NOSOS  PROXECTOS!!
 

PROGRAMANDO PARA APRENDER - FORMACIÓN B. CREATIVA

     Pertencer ao PLAMBE (Plan de Mellora de Bibliotecas Escolares), permítenos seguir participando no Proxecto BIBLIOTECA CREATIVA e esta participación permítenos contar con formación no centro para o noso alumnado.

   Este ano Almu Alonso e Elena C. Insua, especialistas en tecnoloxía esucativa, foron as encargadas de desenvolver o obradoiro Programando para aprender: iniciación á programación por Bloques en contexto.

   Con este obradoiro prentendíase que o alumnado de 4º, 5º e 6º de Primaria descubrise e explorase as posibilidades da programación enfrontándose a diferentes retos.

  O primeiro consistiu en facer "aparecer" os aros dos xogos olímpicos no encerado dixital sendo capaces de conectar circuítos.

   A continuación tiveron que facer pequenas programacións con scratch para conseguir que o seu sprite (gato, rato, animal mariño...) superase algunhas probas olímpicas: 100 m lisos, 400 m...

     A seguinte proba consistía en elaborar un mural interactivo para o que debían facer en scratch a programación correcta coa placa makey - makey e conectala co mural feito con plastilina, papel de aluminio...

    Aínda que os resultados non foron tan bos como esperabamos xa que non nos deu tempo de rematar o traballo, algúns murais xa empezaban a funcionar.

  A segunda parte do obradoiro centrouse nos ESCORNABOTS; sobre todo, en intentar arranxar os escornabots que non funcionaban ben.

    Unha mañá moi productiva coa que nos quedou moi claro que aínda temos moito que aprender!

GALERÍA  DE  IMAXES

OBRADOIRO DE COLLAGE E FOTOGRAFÍA

   O ano pasado os biblioaxudantes realizaron un taller de collage con Mark Ritchie (fotógrafo australiano que reside actualmente en Ourense) que consistiu na elaboración de imaxes mediante a técnica do collage con materiais variados: diferentes tipos de papel, transparencias, algodón, cartón, lá, fíos...

    Esta actividade lles gustou tanto que este ano decidimos repetila con outro alumnado: os nenos e nenas de 3º e 4º de Primaria.

  O proxecto era que o alumnado creara imaxes asociadas á paisaxe da nosa contorna para elaborar un libro titulado Val de Lemos e cremos que o fixeron moi ben porque recolleron os aspectos máis importantes do noso concello: os Canóns do Sil, igrexas da Ribeira Sacra, os viñedos...

      

     Cando os collages estiveron elaborados fotografiáronos nunha caixa de luz cunha cámara réflex para captar a imaxe.

   No seguinte documento pdf poderedes desfrutar de todas as súas creacións.

Para ver máis fotos do obradoiro: GALERÍA  DE  IMAXES

 

OBRADOIRO DE PROGRAMACIÓN - Biblioteca Creativa

    Un ano máis a nosa biblioteca participa no Proxecto Biblioteca Creativa, polo que recibimos un orzamento específico para poder realizar obradoiros de formación para todo o noso alumnado de primaria. 

   Este ano quixemos retomar o traballo de programación coa aplicación Scratch para o que se achegaron ao centro varias monitores de Vermislab para ensinarlle os procedementos básicos aos nenos e nenas que nunca traballaron con esta aplicación e para mellorar os coñecementos de aqueles que xa a coñecían.

 

 

 

 

      

 

    

GALERÍA  DE  IMAXES

REALIDADE AUMENTADA: Biblioteca Creativa

   Como a nosa biblioteca pertence ao Proxecto Biblioteca Creativa, cada ano recibimos un orzamento específico para poder realizar obradoiros para o alumnado. Este ano, ademais, os obradoiros estiveron abertos ás familias que quixeron participar. 

   Queriamos que a protagonista das actividades fora a realidade aumentada e por iso, achegáronse ao centro varias monitoras de Vermislab que nos axudaron a resolver moitas dúbidas:

Que é a realidade aumentada? 

As gafas 3D son realidade aumentada? 

Onde podemos atopar exemplos desta realidade? 

Podemos nós crear a nosa propia realidade aumentada?

      A continuación, dependendo da idade do alumnado, fixemos diferentes actividades para poñer en práctica o aprendido. O alumnado de 1º e 2º utilizou fichas quivervision para colorear debuxos que despois, ao enfocalos coa tablet, cobraban vida: un dinosauro que se podía mover e facer ruídos, un foguete espacial que despegaba e viaxaba polo espazo...

   O alumnado de 3º a 6º de Primaria creou a súa propia realidade aumentada inserindo un vídeo nunha imaxe que facía de marcador co programa Creator.

   E se fixemos todo ben, ao enfocar o marcador co programa visor Scope a través da tablet, poderemos ver os vídeos inseridos na imaxe.

AO  FINAL... POBRA  SUPERADA!

Xa sabemos que é iso da Realidade Aumentada e superamos os retos que nos propuxeron!

MOITAS  GRAZAS  AOS  FAMILIARES  QUE  PUIDERON

COMPARTIR  ESTA  ACTIVIDADE  CON  NÓS!

GALERÍA  DE  IMAXES