AGASALLOS DO ALUMNADO DE 5º PARA 6º DE PRIMARIA

  Moito nos gusta que o noso alumnado ande a argallar na biblioteca e neste caso aínda máis porque os nenos e nenas de 5º de Primaria querían facerlle un agasallo personalizado aos seus compañeiros de 6º que marchan hoxe do instituto.

  Para este agasallo personalizado, primeiro fixeron dous deseños en Canva. O primeiro co texto de recordo e a imaxe de Lectuvín que gravarían na parte de diante do chaveiro e o segundo o nome de cada compañeir@ ao que llo querían  regalar.

   Despois exportaron o deseño con fondo transparente, axustárono ás pezas de madeira na cortadora láser e listo para comezar o proceso.

 Mirade que chulos lles quedaron!!

 

 

 

E  mirade a ilusión que lles fixo aos seus compañeirxs!!

SEGURO  QUE  AÍNDA  QUE  AGORA  VOS  SEPAREDES,

SEGUIREDES  SENDO  AMIGOS  PARA  SEMPRE!! 

 

CLUB DE LECTURA (17 - 2024/2025)

   A última actividade do club de lectura no colexio foi a representación que prepararon do libro Os contos de Lobicán de Eva Mejuto.

  Como xa viñamos anunciando, o alumnado do club de lectura preparou os decorados, os títeres dos protagonistas e todos os complementos necesarios.

  E con todo listo e a lectura preparada comezou a representación na biblioteca co resto do alumnado do centro como público invitado.

      Resultou unha representación moi divertida na que coñeceron a Lobicán, a mamá Lobicana, a Xiana e a Tía Silvana. Uns protagonistas moi peculiares que  rematan sendo amigos e  xogando á "brisca"

    E a verdade é que os membros do club de lectura fixérono moi ben e esforzáronse moito para que lles saíra tan ben como lles saíu. Nas seguintes imaxes podedes velos todos concentrados durante a representación:

 MOITAS  GRAZAS  POLO  VOSO  ESFORZO,

SODES  UN  GRAN  EQUIPO  E  UNS  GRANDES  ARTISTAS!!

DÍA DA FAMILIA

   O 15 de maio celébrase o Día Internacional da Familia e nas aulas de Educación Infantil traballouse o tema da familia a través de dous contos: Porque te quero moito  de Milja Praagman que conta a historia dunha nena e a súa avoa que se queren moito e Palabras con corazón de Kate Jane Neal, que fala sobre o poder das palabras e o impacto que teñen nos nosos corazóns.

Despois da lectura dos contos as crianzas elaboraron uns agasallos para as súas familias.

Para comezar o traballo as mestras grabaron un disco de madeira coa impresora láser do centro. 

Logo os nenos e nenas foron ensartando abelorios de cores nun arame coa consigna de non poñer dúas contas seguidas da mesma cor.

Unha vez que o arame tiña todos os abelorios necesarios pechouse e déronlle forma de corazón.

Así de bonitos lles quedaron!

FELIZ  DÍA  DAS  FAMILIAS!!

O VERDADEIRO COELLO DE PASCUA

     A piques de comezar as vacacións de Semana Santa, o alumnado do cole tivo que enfrontarse a unha busca do tesouro de Pascua.

    Para comezar os biblioaxudantes de 6º léronnos a fábula "O verdadeiro coello de Pascua"  que conta a historia dunha familia de coellos que debe entregar os ovos de Pascua aos nenos da casa verde con xardín.

 

   Despois do conto os nenos e as nenas dividíronse por equipos de coellos de cores coas súas graciosas orellas.

   E a continuación comezou a busca do tesouro para a que tiñan que superar diferentes probas pero para saber por onde tiñan que comezar tiñan que descifrar a primeira pista en inglés.

   A primeira proba era doada se estiveron atentos á fabula xa que se trataba de resolver un encrucillado con datos da historia.

   A segunda proba era un circuíto de equilibrio para coellos no Salón de Actos.

 A terceira fase que había que superar unha proba de puntería.

 Na cuarta proba os coelliños  e coelliñas  tiveron que facer unha carreira de saltos.

O penúltimo reto consistía en facer dous coelliños co trangram clásico e resolver un tangram oval impreso coa impresora 3D.

A última proba era conseguir poñer a salvo os ovos de Pascua para poder entregalos aos nenos da casa verde con xardín.

 Unha vez rematado o xogo e con todas as probas superadas, os equipos puideron saborear os doces ovos de chocolate!!

 Para acabar o día, o alumnado puido disfrutar dunha sesión de cine na biblioteca.

GALERÍA  DE  IMAXES