RECOMENDACIÓNS LECTORAS NADAL - 2022

 

 

RECOMENDACIÓNS  PDF

 

FELICITACIÓN DE NADAL - 2022

    Cos nosos mellores desexos para estas festas, o Equipo de Biblioteca e toda a Comunidade Educativa do CEIP Plurilingüe Virxe do Carme; elaboramos unha felicitación coa panxoliña  O MEU AGASALLO  ES TI   de Plan Siberia.

   Nesta panxoliña seguimos traballando por unha biblioteca e unha sociedade inclusiva; por iso, ademais das imaxes dos/das participantes engadimos a letra e pictogramas.

 

   Esperamos que vos guste tanto vela como a nós gravala porque a verdade é que o pasamos xenial!!

 

FELIZ  2023  E  BO NADAL!!! 

 

 

 

ADORNOS PARA A ÁRBORE DE NADAL

     Cada ano gústanos facer algo novo para a nosa árbore de Nadal e cada ano queremos que estes adornos estén relacionados coa creatividade e a reciclaxe ou reutilización; os de este Nadal están feitos con diversos materiais.

    O alumnado de infantil utilizou tiras de rolos de papel hixiénico pintadas e goma eva para facer uns adornos con forma esférica.

Os nenos e nenas de 1º de Primaria utilizaron goma eva para facer uns lazos moi fermosos.

O curso de 2º de primaria reutilizou CD's para facer uns adornos cuns simpáticos renos.

En 3º de primaria tamén utilizaron rolos de papel hixiénico pintados pero eles cortaron cilindros aos que lle deron forma puntiaguda para despois unilos e facer unha estrela.

As botellas de plástico foron as utilizadas polo alumnado de 4º de primaria. Se vos gustan estes agasallos tedes que facer como eles: cortar as botellas e utilizar a parte inferior das mesmas pintándoas con tonos azuis, brancos e dourados.

Para rematar, os alumnos e alumnas de 5º e 6º de primaria fixeron uns mini gorros de la tomando como base un cilindro dun rolo de papel hixiénico. Sobre estes cilindros tiveron que ir facendo nós con tiras de la de diferentes cores para que quedaran estes gorros tan bonitos. Se queredes saber como se fan podedes ver o titorial.

  Con todos estes adornos rematados, xa só quedaba colgalos na árbore e desfrutar dela durante o tempo de Nadal.

 

VIAXANDO POLAS LETRAS (4/2022-2023)

   Hoxe celebramos a última sesión do club de letras dedicada ao libro Galegas na ciencia escrito por Isabel Blanco e ilustrado por María Lapido.

    Nesta sesión contamos coa presenza dos compoñentes de Polo Correo do Vento cos que ampliamos a información sobre unha das mulleres do libro da que xa falaramos na sesión anterior: Ángeles Alvariño, a primeira oceanógrafa galega.

    Carlos Taboada e Enrique Mauricio escribiron un libro ilustrado sobre esta cientíFica titulado Un Ronsel de Ardora. Pequena biografía de Ángeles Alvariño, que é o primeiro da colección "Mulleres Galegas" e por iso saben tantas cousas sobre ela.

    Durante a primeira parte do obradoiro, coa contada de Quique soubemos que descubriu 22 especies diferentes de placton mariño, que foi a primeira muller a bordo dun buque inglés, como vivía, como facía para investigar e fotografar as especies que atopaba tendo en contan que non había móbiles nin internet, a importancia das súas investigacións... e todo mentres Carlos Taboada facía un mural - ilustración sobre ela.

    Coa segunda parte da actividade, cada membro do club fixo a súa propia caricatura de Ángeles Alvariño seguindo as indicacións que nos ían dando. E como pensades que quedaron? Pois quedaron unhas caricaturas moi chulas!!

 

   Para rematar, Carlos e Quique estiveron nas instalacións de Radiuvín para falar con Lola e Darío desta científica pero tamén sobre a súa experiencia como autores e como divulgadores.

 

MOITAS  GRAZAS  POR  PASAR  ESTE  RATIÑO  CON  NÓS,

FOI  UNHA  SESIÓN  MOI  INTERESANTE  E  AMENA!!

 GALERÍA  DE  IMAXES

VIAXANDO POLAS LETRAS (3/2022-2023)

    Hoxe celebramos a terceira sesión do noso club de letras Viaxando polas letras.

   Nesta sesión terminamos de coñecer ás mulleres protagonistas do libro Galegas na ciencia escrito por Isabel Blanco e ilustrado por María Lapido coas exposicións preparadas polos membros do club.

      Dunia e Julia presentáronnos a Ángeles Alvariño, como oceanógrafa é a primeira muller que realiza unha expedición científica a bordo dun barco británico.

    Lola e Carlota faláronnos de Luisa Marcos, a primeira catedrática de Física, Química e Termotecnia nas Escolas de Peritos Industriais españolas.

  Coa exposición de Javier coñecemos a María Josefa Wonenburger, gran matemática e a primeira muller española en recibir unha bolsa Fullbright.

 Yanira e Clarisse investigaron sobre Luisa Pérez - Soba, a primeira enxeñeira agrónoma galega.

  Lucas e Gissela tiñan que falarnos de María Tarsy Carballas, pioneira na investigación dos efectos dos lumes forestais (edafóloga).

  Susana e Germán déronnos a coñecer a María Pilar Fernández, farmacéutica, fisióloga e gran investigadora sobre o funcionamento dos órganos e tecidos dos seres vivos.

  Mencía e Iria presentaron a María Teresa Miras, esta muller neuroquímica foi a primeira en presidir unha Real Academia en España, concretamente a Real Academia Nacional de Farmacia.

 Para rematar con Flora coñecemos a Ana María Prieto Lopez, a primeira programadora galega.

  Esta foi unha sesión moi didáctica coa que rematamos de falar sobre as mulleres que compoñen o libro que estamos lendo; pero aínda nos queda unha sesión cunha actividade final sorpresa...

 

AGASALLO DE NADAL

  O alumnado de 4º de Primaria na materia de Investigación e Tratamento da Información, estivo aprendendo a facer pequenos deseños para a impresora 3D con Tinkercad

  Como resultado final desta aprendizaxe, decidiron deseñar un agasallo que levarían ao rematar a primeria avaliación.

  Primeiro tiveron que poñerse dacordo no agasallo escollido que finalmente foi unha árbore de Nadal e facer un boceto.

  Despois descompoñer a árbore de nadal en formas que puidesen utilizar en tinkercad e tomar medidas.

 

    A continuación levar o deseño á práctica e ver se quedaba tal como a eles lles parecía que ía quedar.

   E por último engadir a estrela final. Nas seguintes imaxes podedes ver rematado o seu desño.

DÍA INTERNACIONAL DAS PERSOAS CON DISCAPACIDADE

   O 3 de decembro foi proclamado  Día Internacional  das Persoas con Discapacidade   pola Asamblea Xeral das Nacións Unidas en 1992 para concienciar sobre a súa situación e promover os seus dereitos e o seu benestar en todos os ámbitos da sociedade.

   Esta obxectivo recóllese tamén nos obxectivos da Axenda 2030:   Obxectivo 10: Redución das desigualdades.

  

   No centro quixemos conmemorar este día a través do libro Elisa no mundo das marabillas editado por Galaxia e APAMP (Asociación de familias de persoas con parálise celebral)

    Este un libro foi escrito e ilustrado nun obradoiro artístico realizado por APAMP e conta a historia de Elisa, unha muller alegre, soñadora, de mirada intensa e cabelos castaños que se movía en cadeira de rodas e tiña parálise cerebral.

   A través desta historia, quixemos concienciar ao noso alumnado sobre os diferentestes tipos de discapacidades reflexados nos diferentes personaxes que aparecen no libro: un can de 6 patas, un ciclista que xa non pode gañar carreiras, unha árbore que non da froitos...

   O bo destes personaxes é que cada un deles ten unha cualidade que o fai importante para os demáis e que aínda con dificultades e atrancos, poden saír adiante e ser felices. Por iso lle propuxemos ao nenos e nenas do colexio que fixeran debuxos de persoas, animais ou cousas cunha discapacidade indicando un aaspecto positivo ou vantaxe que se poida derivar dela. Podedes ver o resultado desta actividade no mural do corredor.

 

GALERÍA  DE  IMAXES