DÍA DE ROSALÍA: ¡PRÁ Á HABANA! (3º e 4º de Primaria)

     Rematamos a semana dedicada a  Rosalía de Castro  co vídeopoema de  3º e 4º de Primaria: ¡Prá á Habana!  do libro  Follas Novas.

DÍA DE ROSALÍA: 5º e 6º PRIMARIA

 O alumnado de 5º e 6º de Primaria tamén na conmemoración do  Día de Rosalía .

 Os nenos e nenas de 5º de Primaria recitan  Tecín soia a miña tea  e os de 6º recitan  Cando penso que te fuches ; ambos poemas do seu libro  Follas Novas .

 

DÍA DE ROSALÍA: Campanas de Bastabales (1º e 2º de Primaria)

    Seguimos conmemorando o Día de Rosalía de Castro.

   Hoxe é a quenda do alumnado de 1º e 2º de Primaria que recitan o poema Campanas de Bastabales, sobre as ilustracións do libro: Antoloxía da Poesía Galega para nenos

DÍA DE ROSALÍA: A clase é un galiñeiro

   Para a celebración do Día de Rosalía de Castro nos centros de ensino a AELG (Asociación de Escritoras e Escritores en Lingua Galega) propón a creación dun vídeo curto para coñecer, reinterpretar e difundir a obra de Rosalía.

     O lema proposto para as clases de infantil foi A clase é un galiñeiro... sobre unha pequena versión que o grupo The Lelli Kellies fixo dos versos finais do poema Vente rapasa (Cantares Gallegos) de Rosalía: 

  Aquí vos deixamos a nosa versión dos nenos e nenas de Educación Infantil coas súas fermosas cristas para que pasedes un rato divertido, descarguedes adrenalina e botedes unha gran risotada!!

BIBLIOTECA CREATIVA: OBRADOIRO AUDIOVISUAL

  Dentro do programa Biblioteca Creativa, recibimos no centro un obradoiro audiovisual para o alumnado de 3º a 6º de Primaria das mans de GINGKO - COMUNICACIÓN E EDUCACIÓN para aprender a elaborar un booktrailer.

   Antes do obradoiro o alumnado tivo que escoller un libro que lle gustase ou lle parecese interesante, elaborar un pequeno resumo sen chegar a contar o final e decidir que obxectos utilizarían para traelos o día de realización do obradoiro.

 

    

   Durante a actividade o primeiro foi coñecer o formato booktrailer

 

    Despois aprenderon a transformar os seus resumos previos nun storyboard e secuenciar os procesos que ían a levar a cabo

 

 

   A continuación realizaron todo o proceso de gravación e edición coas tablets utilizando diversas técnicas como croma, stop motion, gravación de vídeos...

 

   Para rematar utilizaron un programa de edición para unir as fotografías, os vídeos e as animacións coa súa voz en off e a música de fondo. ... todo o necesario para elaborar uns booktrailers moi divertidos e animados que vos deixamos a continuación:

XINFU na maldición guau chucky (Adrián Morgade)

 

   Xinfu e Wini son dous cans que levan unha vida tranquila na casa do seu dono, mais todo cambia cando Wini atopa un óso enterrado no seu xardín...

 

 

 

El gran libro de los deportes (Marina Invernizzi, Silvia Cavenaghi e Camila Pelizzoli) 

 

Gústache o deporte? Se a túa resposta é si, este marabilloso libro é perfecto para ti.

 

  

  MOITAS  GRAZAS  AO  EQUIPO  DE  GINGKO  E  AO  PROXECTO

BIBLIOTECA  CREATIVA  POR  ESTE  OBRADOIRO!!

Para ver máis imaxes deste obradoiro... GALERÍA  DE  IMAXES

AS FAMILIAS CONTAN: FAMILIA DE SILVIA

   A pesar das medidas de seguridade e dos protocolos que temos que manter pola situación sanitaria derivada do Covid-19, continuamos coa actividade As familias contan aínda que sexa telemáticamente. 

 

 

   Nesta ocasión é a familia da nosa alumna Silvia a que nos conta Corre, Corre Cabaciña de Eva Mejuto e ademais faino cun teatrillo e uns monicreques moi chulos!!

 

MOITAS  GRAZAS  POLA  VOSA  PARTICIPACIÓN!!

 

DÍA MUNDIAL DA RADIO - 2020

 Preséntasnos a radio do teu centro?

 A proposta que recibimos da Asociación Cultural e Pedagóxica  Ponte... nas ondas!   para conmemorar o  Día Mundial da Radio  foi presentar a radio da nosa biblioteca: Como se chama? Onde está? Que fai? Que medios ten? Envíanos a túa saúda para o Día Mundial da Radio!

   E , por suposto, aceptamos participar nesta conmemoración presentando a  Radiouvín  a outras radios escolares galegas. No seguinte enlace podedes escoitar a nosa presentación feita por Diego e Germán de 3º de Primaria:

 

FELIZ  DÍA  MUNDIAL  DA  RADIO!!

 

ENTROIDO CIENTÍFICO

    Para rematar o Entroido queremos compartir un vídeo resumo das comandas do Meco deste estrano entroido científico.

     Moitas grazas a todo o alumnado que participou e ás familias que nos enviaron fotos desde as súas casas!!

 

 

 

 

VENRES DE ENTROIDO: Disfraz Libre

   Este ano non puidemos facer unha comparsa para saír a pasear polas rúas do Concello nin visitar á Residencia Virxe do Carme pero iso non nos impediu disfrutar do venres de Entroido.

   Os nosos nenos e nenas viñeron disfrazados das súas casas de superheroes, princesas, animais domésticos ou salvaxes, indios, científicos, indios, enfermeiras... 

     Podedes ver todos as fotos que lles fixemos co croma facendo click na  seguinte imaxe:

DÍA DA NENA E A MULLER NA CIENCIA

 

COMANDAS DO MECO: XOVES - Día da nena e a Muller na ciencia

 

 

 

 

 

 

 

 

 

 

 

 

 

COMANDAS DO MECO: Mércores

 

 

 

Ademais hoxe tivemos un directivo de Pfizer no colexio, será que nos trae doses da vacina??