DÍA DO MEDIO AMBIENTE

      A Asamblea Xeral das Nacións Unidas proclamou en 1972 o 5 de Xuño como Día Mundial do Medio Ambiente coa finalidade de sensibilizar á poboación mundial sobre a importancia de coidar a natureza, de respectar os ecosistemas e de fomentar o respecto ao medio ambiente; obxectivos que tamén forman parte de Axenda 2030.

    No colexio quixemos sumarnos a conmemoración deste día e para iso nas clases de Plástica o alumnado fixo un mural sobre este día que colgamos no corredor. Despois os biblioaxudantes prepararon a lectura do libro Rescate Planeta de Patrick George.

   Coa lectura deste libro Lara, Nayara e Ada, compartiron pequenas accións que todos podemos levar a cabo para que o noso mundo sexa máis verde.

Que tal se usamos menos os coches particulares e imos en transporte público ou bicicleta?

Non podemos esquecernos de recoller sempre o lixo e non tiralo ao campo nin ao mar.

Non encender as luces se non é necesario, reutilizar obxectos que poidan ter unha segunda vida, separar reseiduos, reciclar o plástico, plantar unha árbore...

ESPERAMOS  QUE  ESTA  LECTURA  NOS  AXUDE  A  CONCIENCIARNOS  UN  POUCO  MÁIS  SOBRE  O  NECESARIO  COIDADO  DO  MEDIO  AMBIENTE!!

DÍA DO LIBRO: APADRIÑAMENTOS LECTORES

    Desde fai varios anos, para conmemorar o Día do Libro, realizamos unha das actividades preferidas do noso alumnado: os apadriñamentos lectores.

      

       Nesta actividade, os biblioaxudantes organízaronse en seis grupos que se repartiron polo colexio con candanseu libro para lerlles ao resto do alumnado que, tamén dividido en 6 grupos, foi percorrendo a senda dos libros:

    Comezaba a ronda á entrada co colexio, onde Pau, Yanira e Gissela contaban o libro  10 dedos nas mans e 10 dedas nos pés  de Mem Fox.

 

     Na biblioteca o grupo de  Pilar, Valeria e Darío, esperaban para contar o libro  Somos amigos?  de  Anabel Fernández Rey.

 

   Continuamos no patio de colexio. Alí estaban  Naím, Gareth e Hugo  que elaboraron uns monicreques para representar no teatriño o conto  Dez gatiñas viaxeiras  de Eva Mejuto.

   Seguimos o percorrido e chegamos ao fondo do corredor para escoitar a historia que tiñan preparada Lucía, Mencía e Libertad:  Un becho estraño  de Mon Daporta.

 

 

   A continuación, no Salón de Actos  Iria, Susana e Lucas Fernández  representaron o libro  Un cuento para ver  de Tesa González.

   A selección rematou con  Lucas Rodríguez, Lola e Cristian  que contaron o libro  A cola do dragón  de Mireia Canals no que a Cristian lle salía unha cola de verdade feita pola nai de Lola, moitas Grazas!

 

 FELIZ  DÍA  DO  LIBRO!!

DÍA INTERNACIONAL DO LIBRO INFANTIL

     O Día Internacional do Libro Infantil e Xuvenil celébrase o 2 de abril coincidindo coa data de nacemento do escritor Hans Christian Andersen coa finalidade de despertar o interese e o amor pola lectura nos nenos e nas nenas.

    Este ano o cartel e o pregón baséanse no lema A música das palabras.

    Como xa sabiamos que este día íamos a estar de vacacións, as biblioaxudantes Paula, Lucía e Zaira deixaron gravado un conto popular titulado Hans e a princesa utilizando o Kamishibai para que o puidésemos ver hoxe. Tamén ao principio do vídeo podedes ler o pregón deste ano, esperamos que vos guste!!

 FELIZ  DÍA  INTERNACIONAL  DO  LIBRO  INFANTIL!!

DÍA MUNDIAL DO TEATRO

    En 1961 o Instituto Internacional do Teatro (ITI) declarou o 27 de marzo como Día Mundial do Teatro co fin de reforzar a importancia deste xénero literario que transmite tantas emocións.

    Para saber algo máis deste xénero comezamos polo seu propio nome "teatro" que procede da palabra grega theatron que significa "lugar para contemplar", un lugar no que os actores e as actrices nos fan rir, chorar, reflexionar...

  Desde a biblioteca queremos celebrar este día, cunha pequena obra de teatro radiofónico baseada no libro "Xa vooooou" de Susana Peix (Ed. Bululú) e interpretada polo alumnado biblioaxudante de 3º e 4º de Primaria.

FELIZ  DÍA  DO  TEATRO!!

DÍA DA ÁRBORE: A ÁRBORE DA ESCOLA

  O 21 de marzo festexamos o Día da árbore coa lectura dun fermoso libro titulado A árbore da escola de Antonio Sandoval (Ed. Kalandraka)

   Os/as biblioaxudantes de 6º son os que lle poñen voz a esta historia na que coñeceremos a unha árbore moi soa e dun neno que se achega para aloumiñar o seu tronco, regalo, darlle apertas e de como o resto dos compañeiros/as se unen a el para coidala... como di o autor: "Ogallá a semente desta árbore viaxe a moitas escolas".

 

 FELIZ  DÍA  DA  ÁRBORE  E  DA  AUGA!!

 

DÍA DOS DEREITOS HUMANOS

      O Día dos Dereitos Humanos conmemórase o 10 de decembro, día no que en 1948, a Asamblea Xeral das Nacións Unidas aprobou a Declaración Universal dos Deritos Humanos.

    Neste documento proclámanse os dereitos que corresponden a cada persoa como ser humano, independentemente da súa raza, relixión, idioma, ideoloxía, orixe, posición económica ou calquera outra condición.

     No seguinte genially feito polo alumnado de 1º e 2º de Primaria, poderedes acceder a máis información sobre que son, cales son e algúns deles.

    E neste documento podedes acceder á edición ilustrada publicada polas Nacións Unidas para coñecer os 30 artigos nos que se recollen estes dereitos:

    Nós quixemos traballar co noso alumnado a figura dos refuxiados como un dos colectivos de persoas que máis vulnerados teñen os seus dereitos. Para iso utilizamos o libro ¿Qué es un refugiado? de Elise Gravel co que entenderemos mellor que é un refuxiado e coñeceremos algúns refuxiados famosos.

DÍA INTERNACIONAL DAS PERSOAS CON DISCAPACIDADE

    O 3 de decembro é o Día Internacional  das Persoas con Discapacidade. Este día foi proclamado pola Asamblea Xeral das Nacións Unidas en 1992 con fin de promover os seus dereitos e o seu benestar en todos os ámbitos da sociedade e concienciar sobre a súa situación.

   Tamén é un dos obxectivos recollidos na Axenda 2030: Obxectivo 10: Redución das desigualdades.

 

  Desde o centro fixemos dúas actividades para concienciar ao noso alumnado sobre a importancia desta conmemoración. 

 

     Primeiro os biblioaxudantes Lucas e Hugo contaron o libro ¡Todos juntos! de Daniela Kulot co que tratamos de "aprender con los demás, desde la tolerancia, la diversidad y la integración".

   

 

  E por outro lado participamos na proposta recibida desde o CEE Infanta Elena que é o centro de Educación Especial da nosa zona. Eles propuxéronnos elaborar un mural representativo do lema “Alguén  fixo  un  círculo  para  deixarme  fóra,  eu  fixen  un  máis  grande  para  incluirnos  a  todos”. Para isto cada nenx debuxouse a si mesmo sobre unha silueta en branco e escribiu unha característica positiva súa, despois con todas as caras fixemos un círculo grande no que cabemos todos os membros da comunidade educativa coas nosas similutes pero tamén coas nosas diferenzas.

DÍA CONTRA A VIOLENCIA DE XÉNERO

    O 25 de novembro é o Día contra a violencia de xénero. 

   Desde o centro queremos sumarnos a esta conemmoración recollida tamén no Obxectivo 5 da Axenda 2030: Igualdade de xénero traballando a prevención deste tipo de violencia intentando concienciar ao noso alumnado de que  homes e mulleres somos iguais e temos os mesmos dereitos e obrigas.

   

     Este ano quixemos darlle unha volta aos contos infantís para analizar os estereotipos que ás veces transmiten partindo do conto Érase dos veces Cenicienta de Belén Gaudes e Pablo Macía que pertence á colección  Érase dos veces... na que se versionan os contos clásicos eliminando os estereotipos sexistas, a violencia e a desigualdade.

    Para comezar os biblioaxudantes leron no radio unha versión reducida e traducida ao galego deste libro no que Cincenta non quere ir ao baile para namorarse do príncipe nin levar zapatos de cristal e tampouco irá nunha carruaxe máxica feita dunha cabaza. Pero o que si que fará é decidir o que quere facer coa súa vida.

 

   A partir do libro reflexionamos e chegamos á conclusión de que a actitude das princesas dos contos non son nada actuais xa que as nenas non necesitan príncipes que as rescaten e as fagan felices e os nenos non teñen que ser valentes nin forzudos nin guerreiros.

   Entón... como serían as princesas e os príncipes de hoxe en día? Terían redes sociais? Facebook? Whatsapp? Comerían perdices??

    Na seguinte presentación podedes ver o traballo que realizaron os diferentes cursos ademais de escoitar as recomendacións lectoras que nos chegan da BPM e as  recomendación musicais dos Servizos Sociais do Concello.

DÍA INTERNACIONAL DA INFANCIA

    O 20 de novembro conmemórase o Día Internacional da Infancia xa que nesta data se firmou a Convención sobre os Dereitos dos nenos. Para saber máis sobre estes dereitos, preme na imaxe correspondente a túa idade e encontrarás unha explicación que entenderás:

DE  6  A  8  ANOS

DE  9 A 11 ANOS

 

   Durante esta semana estivemos a traballar e reflexionar sobre o dereito que nos implica directamente: o dereito á educación, tamén recollido no obxectivo 4 (Educación de calidade) da Axenda 2030.

 

    Como punto de partida deste traballo utilizamos o libro El camino a la escuela de Rosemary McCarney con Plan Internacional, un álbum fotográfico que nos invita a reflexionar sobre a importancia da educación e ás dificultades que nenos e nenas de diferentes partes do mundo se atopan para poder acceder a ela.

   Como se sentiron os nosos alumnos e alumnas cando non puideron vir ao colexio polo confinamento?

Que estrañaron? 

Como ven eles a escola? 

Que lles gusta facer no colexio? 

Como veñen eles ao centro?

Onde están os países que aparecen nas fotografías dos libros?

 

Podedes coñecer as respostas a estas preguntas na seguinte presentación

CHAFARÍS

   Para rematar a Semana do Libro, temos ás biblioaxudantes Verónica e Laura Rodríguez, que esperaban aos seus apadriñados no escenario do Salón de Actos co libro Chafarís de Xoán Neira e Ánxeles Ferrer (Ed. Émbora) para recitar varios dos seus poemas.

    Podes escoitar os poemas recitados no seguinte podcast:

NICOLÁS VA A LA BIBLIOTECA

   Seguimos coa semana do Libro, para hoxe xoves temos a Francesca, Henry e Ángel que escolleron para os apadriñamentos lectores o libro Nicolás va a la biblioteca, que nos recorda todo o que podemos facer nela. Este libro está escrito pola Asociación BATA (Asociación de Tratamento do Autismo) (Ed. Kalandraka)

 

     Se vos tamén queredes saber todo o que se pode facer nunha biblioteca, podedes escoitar a historia de Nicolás no seguinte podcast:

QUIERO UNA MAMÁ ROBOT

    Chegamos ao ecuador da Semana do Libro, nesta ocasión co grupo de padriños formado por Aitana, Laura Melinda e Héctor. O seu libro era Quiero una mamá robot de Davide Cali (Ed. Laberinto). Para esta lectura, eles mesmos fixeron os títeres cos personaxes desta historia.

 

    No seguinte podcast podes escoitar esta narración: