RETO LECTOR VERÁN 2022

 

RECOMENDACIÓNS LECTORAS VERÁN 2022

 

 RECOMENDACIÓNS EN PDF

 

 

FIN DE CURSO 2021 - 2022

    Hoxe finaliza un novo curso escolar que foi moi cambiante xa que comezamos cunha situación aínda complicada na que seguían activos os protocolos Covid (aulas burbullas, distancia interpersoal, uso obrigatorio de máscaras...) e acabamos case con normalidade.

    E no medio de todo isto, encontrábanse os nenos e as nenas que se tiveron que ir adaptando a todos estes cambios demostrándonos de novo que son uns superheroes e unhas superheroínas polo que todos os membros do Equipo Docente estamos moi orgullosxs deles.

   Así que o que toca agora é disfrutar do verán e das vacacións pois chegamos ao final do curso e é hora de que xs nenxs poidan pásalo ben sen preocuparse de estudar (aínda que sería ben que non se olvidaran de todo😉)

    Pola nosa parte, queremos desexarvos unhas BOAS  VACACIÓNS cunha adaptación da canción Vacas de Verán do grupo Uxía Lambona e a Banda Molona, do seu álbum Astronauta Sideral.

BO  VERÁN!! 

 

 

DESPEDIDA ALUMNADO DE 6º

  Inevitablemente, cada ano ao chegar o último día lectivo do curso, toca despedir ao alumnado de 6º de Primaria que remata a súa etapa no colexio.

   A Hugo, Lucas, Lucía e Pilar vímolos medrar desde infantil; eran pequeniñs como botóns! 

 

    Pau incorporouse o curso pasado chegado doutra comunidade; pero non pensedes por iso que o imos a estrañar menos que aos demais; cada membro da comunidade educativa é igual de importante para nós e agora sodes un grupo de cinco ao que botaremos moito de menos como se puido comprobar na despedida de hoxe onde a emoción fixo que case todos acabaramos chorando.

 

 

 

 

 

  No seguinte podcast, podedes escoitar como se despiden eles de nós cunhas pequenas cartas nas que lembran o seu paso polo colexio; e no vídeo de abaixo, acompañamos as voces con algunhas imaxes para que lle poñades cara a quen está falando.

   Desexámosvos que sigades sendo bos rapaces e rapazas, que sexades moi felices tamén en Secundaria e que non teñades ningunha dificultade na nova etapa que empezades no instituto; pero se a tedes, recordade que SEMPRE PODEREDES CONTAR CONNOSCO  E  QUE  ESTE  É  O  VOSO  COLE!!

UNHA  APERTA  MOI  GRANDE  PARA TODXS!!

 

O CLUB DA MAXIA

Ao inicio de curso abriuse a Academia Máxica para acoller aos novos aprendices a mag@s de 3º e 4º de primaria. Ao longo de todas as avaliacións  participaron no proxecto O club da maxia, no que tiveron que ir superando diversas tarefas que lles proporcionaron os contidos e habilidades necesarias para, a final de curso, conseguir converterse en verdadeiros mag@s!!

Comezamos facendo a cerimonia de asignación a cada unha das casas de Hogwarts. Cada grupo tivo que ir resolvendo retos diarios que lles propoñía a Axencia de Magos, relacionados con contidos vistos ao longo do curso. 

Unha vez que superaron estes retos, puideron comezar a prepararse para iniciar a súa carreira de maxia. Moitos foron os traballos realizados durante estos meses. Un deles, foi o Libro da Maxia, incluído xa na Maxiteca e, que pasará a formar parte da biblioteca do centro. 

Nel, o alumnado tivo que investigar a vida dos principais mag@s e ilusionistas da historia. 

O seu traballo e esforzo ao longo de todo o curso deu os seus frutos e, por fin, poden dicir ben alto que: SON MAGOS!!!!

NORABOA!!!!

 

Soamente aquel que cre na maxia é capaz de atopala! 

A MAXIA SODES VÓS!

AGRADECEMENTO BIBLIOAXUDANTES

 Unha das cousas que temos que facer hoxe que remata o curso é DAR  AS  GRAZAS  AOS  BIBLIOAXUDANTES!!

  Como sabedes, o alumnado de 4º, 5º e 6º participa no programa Voluntariado de Lectura - A  integrado dentro de Bibliotecas Escolares Solidarias dedicando algúns recreos a axudar na biblioteca: tarefas de organización, axuda aos compañeiros, lecturas, préstamos...     

  Este ano o programa tivo recoñecemento oficial co premio que lles foi outorgado; pero aínda así, desde o centro tamén queremos facer un pequeno acto de agradecemento entregándolles os diplomas correspondentes, as mochilas enviadas pola Asesoría de Bibliotecas Escolares, uns agasallos de Lectuvín e as fotografías dos collages que fixeron no obradoiro con Mark Ritchie.

 

MOITAS  GRAZAS  POLA  VOSA  LABOR  DURANTE  TODO  O  CURSO!!

 

EL MONSTRUO DE COLORES

 O alumnado de valores de 1º e 2º de Primaria estivo traballando as emocións co libro El monstruo de colores de Anna Llenas Serra.

   Neste libro, o monstro non sabe que lle pasa; fíxose un lío coas emocións e non sabe moi ben como se sente polo que ten que aprender a diferenciar a ledicia, a tristeza, a rabia, o medo e a calma e para iso, clasifícaas en botes de diversas cores.

 

    Se queredes saber máis sobre esta historia e coñecer de primeira man as emocións que sinte o protagonista, podedes ver o seguinte vídeo coa voz en off gravada na radio de Saúl, Xiana, Silvia, Leonor e Carla Martínez.

ESPERAMOS  QUE  VOS  GUSTARA  MOITO!!

PEQUENO AZUL E PEQUENO AMARELO

As alumnas da materia de Valores Sociais e Cívicos de 3º de primaria estiveron a traballar o conto Pequeno Azul e Pequeno Amarelo de Leo Lionni da editorial Kalandraka. 

É un conto clásico da literatura infantil que axuda a traballar valores como a amizade, a identidade, a liberdade e a multiculturalidade, entre moitos outros. 

Logo de pasar uns días traballando con el, Ada e Antía foron á radio a gravar o conto para compartilo con tod@s. Tamén gravaron un vídeo na mesa de luz na que interpretan as escenas máis importantes da historia. 

Botádelle unha ollada ao seu resultado. Esperamos que vos guste moito!!!

COÑECENDO OS NOSOS CONCELLOS: As festas!!

     Aló polo mes de xaneiro, o alumnado do CEIP de A Pobra envionunos un programa de radio no que nos falaban das festas típicas do seu concello e nos animaban a nós a investigar e elaborar un programa sobre as nosas (podedes volver a escoitar o seu programa AQUÍ)

   Pois ben, en canto o recibimos puxémonos mans á obra; pero non queriamos que fose nada máis un programa informativo así que decidimos facelo un pouco máis persoal e, como en Sober tamén somos moi festeiros e conmemoramos moitas cousiñas, non poderiamos abarcar todo así que nos centramos nas festas que se celebran nas parroquias e lugares dos nenos e das nenas que temos agora no colexio.

    Para isto comezamos coñecendo o mapa das parroquias porque se non, non íamos a saber a donde tiñamos que ir a bailar en cada festa!

 

   Despois elaboramos unha ficha con preguntas sobre as festas para mandar ás familias e que nos contaran cousas como onde se celebra, desde cando, o porqué... 

    E que pensades? Credes que as familias colaborarían?

   Pois claro que si! Chegounos tanta información que non a dabamos procesado! Por iso nos levou tanto tempo facer este programa porque queriamos contar todo pero todo non podiamos porque aínda así, resumindo, é un programa bastante longo.

   Así que antes de nada, MOITAS  GRAZAS  ÁS  FAMILIAS  QUE  CUBRIRON  A  FICHA  E  NOLA  ENVIARON  DE  VOLTA!

   E vós, se queredes aprender moitas cousiñas sobre as nosas tradicións desde San Amaro ata a Concepción, escoitade o audio e poñede atención!

 

   Que vos pareceu? A que dan ganas de irse de romería e comer unha desas sobremesas das que nos falaron?

   Pois algunhas festas xa se van a retomar este ano así que se alguén se anima, xa sabedes onde tedes que vir!! 

   Unha aperta moi forte a todxs, BO VERÁN e VÉMONOS Á VOLTA!!

CONTACONTOS IES DAVIÑA REY

     Fai uns días tivemos no cole unha sesión de contacontos organizada polos mestres e o alumnado do Ciclo Superior de Educación Infantil do IES Daviña Rey de Monforte de Lemos. (ver entrada)

   Aos nosos nenos e nenas gustoulles moito a experiencia e parece que eles tamén se foron contentos porque volveron para traernos un agasallo dedicado que recolleron unhas nenas en representación de todo o alumnado de infantil.

MOITAS  GRAZAS  A VÓS  POR  ESTE  RATIÑO  DE  CONTOS

 E POR  ESTA  HISTORIA  TAN  NECESARIA  NOS  TEMPOS  QUE  CORREN!!

 

UNHA  APERTA!!

CLUB DE LECTURA: última sesión do curso 2021 - 2022

      Rematamos hoxe as sesións do club de lectura Viaxando polas letras que se puso en marcha este ano co libro Aventuras y desventuras de los alimentos que cambiaron el mundo de Teresa Benéitez.

     Nesta sesión seguimos coas exposicións temáticas sobre os alimentos: Lucía e Lucas R. faláronnos sobre o millo, Gareth e Hugo sobre o pemento, Iria e Valeria sobre a pataca, a Susana e a Libertad tocoulles o cacao, a Cristian e Julia o tomate, Lola e Yanira foron as encargadas da vainilla e Mencía e Lucas F. finalizaron a exposición coas alubias.

 

       Este libro foi unha sorpresa para eles porque ao principio non lles parecía moi interesante; pero despois, pouco a pouco, foron descubrindo moitas curiosidades sobre os alimentos que fixeron que lles terminara gustando. Así que como ensinanza, tamén podemos concluír que nunca xulgues un libro pola súa portada.

    Para saber a súa opinión nas súas voces, podedes escoitar o seguinte podcast nas que nos contan as súas propias conclusións.

     Respecto ao club, como responsable xunto a Julia e a Dunia, da BPM; teño que dicir que resultou unha experiencia moi positiva xa que xs nenxs coñeceron e leron libros diferentes aos que están acostumados ou aos que esperaban cando se apuntaron ao club como o manga ou o teatro.

  

   Esperamos vervos a todos os de 5º no club de lectura do próximo curso e que os de 6º sigandes lendo moito cando cheguedes a Secundaria.

 

    Unha aperta moi forte para todos!!

 

A biblioteca escolar ten a palabra

    BOs días radiouvintes!

    Como sabedes, o lema escollido para as bibliotecas PLAMBE neste curso 2021 - 2022 era A biblioteca escolar ten a palabra.

    Por iso este ano, compartimos a proposta da Asesoría de Bibliotecas Escolares incluíndo nas mochilas viaxeiras un caderno para que o alumnado e as súas familias axudaran a Lectuvín a recoller elementos da tradición oral da nosa zona (refráns, ditos, cantigas, lendas, contos...) e así achegar aos nosos nenos e nenas ás raíces do lugar onde medran e coñecer parte do gran patrimonio inmaterial que temos en Galicia e, concretamente, en Sober.

  Pois ben, agora que as mochilas viaxeiras chegaron ao final do traxecto, queremos compartir as aportacións que viñan nelas co resto da comunidade educativa.

   Comezamos coas achegas de  Antía, Carlota, Daniela e Candela de 3º e 4º de primaria.

 

 

 

UNHA SESIÓN DE SOCIAIS DIFERENTE

Como estamos chegando ao final de curso, durante as últimas sesións de Sociais o alumnado de 1º de Primaria estivo a repasar diferentes contidos vistos durante o curso dun xeito un pouquiño diferente. O tema elixido foi o sistema solar, o seu favorito!

Estivemos a repasar a orde dos planetas no sistema solar co taboleiro dos escornabots. 

Ademais, estivemos a fedellar co Merge Cube unha ferramenta física que nos permite coa axuda dunha aplicación de uso gratuíto (Merge Object Viewer) ver obxectos en 3D, empregando a cámara dun dispositivo electrónico. Grazas a el, o alumando aprenden ciencia e STEAM dun xeito máis práctico e interactivo. Estivemos a ver, os diferentes planetas, algúns astros como o sol e, incluso, os movementos de rotación e traslación. 

                                     Claro está, que el@s teñen o universo nas súas mans!