RADIO NA BIBLIO: CORTINAS

    Como montamos o estudio de radio nunha zona do corredor onde non había aula, as ventás tampouco tiñan persianas. Esto facía que polas mañás fora difícil traballar alí xa que o sol entraba de pleno e reflexaba demasiado.

  

   Por iso, unha das nosas familias coseu para nós unhas cortinas que xa penduran das paredes do noso estudio e fan que sexa máis doado traballar alí.

MOITAS  GRAZAS!!!

DE CAMIÑO A RADIUVÍN

    Debido á distribución do noso cole e da nosa biblioteca, xa sabedes que o laboratorio de radio de Radiuvín non está físicamente dentro da biblioteca.

    Por iso, os biblioaxudantes estiveron sinalizando o camiño que nos leva desde a biblioteca ata Radiuvín: fixeron as frechas, pegáronnas, sinalizaron o estudo e gravaron un vídeo onde se explica o camiño.

 

 UN  TRABALLO  EXCELENTE!!

NORABOA  BIBLIOAXUDANTES!!

RADIO NA BIBLIO: Primeiros pasos (III)

    Mentres imos gravando novas emisións, seguimos tratando de mellorar aspectos físicos do noso laboratorio de radio.

   Neste caso, o que fixemos foi forrar algunhas caixas de cartón para protexer os micrófonos, os auriculares e a mesa de mezclas.

  Mirade que alegre queda e que protexidos están os equipos!

SINTONÍA DE RADIUVÍN

Non hai radio sen sintonía e a nosa non ía a ser a primeira.

Cremos que Radiuvín ten que ser o máis participativa posible e que o alumnado se sinta protagonista deste proxecto; por iso, as voces pertencen a algúns alumnos e alumnas do centro e a música tamén está interpretada por eles con instrumentos de placa.

No seguinte enlace podedes escoitar a que será a sintonía de Radiuvín.

Esperamos que vos guste!

CÓMO SE CHAMARÁ A NOSA RADIO?

Despois de todas as suxestións que o noso alumnado propuxo para o nome da radio...

 xa temos nome para a nosa radio escolar!

 Un nome que é contracción de Radio e Lectuvín, a mascota da nosa biblioteca.

Que vos parece?

COMO SE CHAMARÁ A NOSA RADIO??

 Xa está á vosa disposición a caixa de suxestións para que nos fagades

chegar as propostas para o nome da nosa radio.

ESTAMOS  DESEXANDO  COÑECER  AS  VOSAS  IDEAS!!

RADIO NA BIBLIO: PRIMEIROS PASOS (II)

Xa temos no centro o material que necesitamos para a radio!!

Estamos desexando poñernos a argallar!!

RADIO NA BIBLIO: Primeiros pasos

    Aínda que estamos en vacacións de Nadal, no colexio non paramos.

   Un grupo de pais voluntarios e persoal do Concello estiveron preparándonos o estudio para a nosa radio escolar.

    A idea era trasladar un armazón de madeira e cristal desde unha parte inutilizada do colexio a un dos corredores principais.

    O traballo comezou a primeira hora da mañá, desmontando este armazón.

Despois trasladouse ao corredor principal onde se ubicará o estudio de radio.

E alí comezou o traballo de volvelo a montar ademais de adaptalo ás medidas do corredor.

Á hora de comer, o traballo xa estaba bastante avanzado.

Pola tarde, os pais remataron esta tarefa.

 Agora só quedan pequenos remates e pintar...iso será na seguinte xornada.

MOITAS  GRAZAS  AOS  PAPÁS  COLABORADORES  E  AO  CONCELLO  POLA

SÚA  AXUDA  NA  POSTA  EN  MARCHA  DA  NOSA  RADIO!!