PROGRAMA CULTURAL DO VERÁN

    Agora que rematamos o curso, varios alumnos do centro en colaboración coa xornalista Anxela Jorge, gravaron este programa contándonos todo o que poderedes facer no verán no Concello de Sober: festas, actividades deportivas ou lúdicas, feiras, festivais... 

    Despois de escoitar este programa seguro que non vos quedan dúbidas de que en Sober, no verán pode pasar de todo menos aburrirse!!

 

 

DESPEDIDA ALUMNADO DE 6º DE PRIMARIA

    Cada etapa ten un principio e un fin e hoxe é o final da etapa de Ada, Pablo, Candela, Antía, Martín, Lara, Itzae, Nayara e Daniela no noso colexio. Eran tan cativos cando chegaron por primeira vez ao cole fai nove anos, alá polo 2016!

   Agora danos moita mágoa que marchen pero non hai remedio porque teñen que medrar e superar etapas. Pero antes de marchar, quixeron gravar unha carta de despedida que podedes escoitar a continuación na que recordan o seu paso polo colexio e teñen palabras agarimosas para os compañeiros e para os profes que formamos parte do seu paso polo centro. 

    Esperamos que non esquezades a importancia do traballo e da constancia e que no instituto sigades xuntos, apoiándovos e axudándovos para ter éxito nos vosos estudos e na vosa vida como adolescentes.

    Desexámosvos moito éxito na nova andaina que empezaredes no instituto e que lembredes sempre que este é o voso cole e que nos teredes aquí para o que precisedes. 

CANTIGAS DE OUTONO

   Unha parte importante da nosa identidade e da nosa cultura está formada pola tradición e a sabedoría popular que este curso se homenaxeará o Día das Letras Galegas xa que estará adicado ás cantigas tradicionais

   Por iso quixemos recoller cantigas da nosa zona relacionadas co outono e para conseguilo pedimos a colaboracion das familias.

  Nos seguintes audios e vídeos podedes escoitar as cantigas recollidas. A maioría son de tradición popular pero hai algunha inventada por algúns alumnos... quen sabe se chegarán a transmitirse de xeración en xeración!

  Na primeira parte desta recompilación poderedes coñecer máis sobre o que son as cantigas e a súa tradición e escoitar a Alassane coa súa familia.

   Na segunda parte, escoitaredes as cantigas de Ana, Alfonso, Ainhoa, Estrela e Noé tamén coas súas familias.

  Rematamos cun vídeo que inclúe as demais cantigas, as de Daniela, Aldán, Carla Martínez, Candela, Alexia, Julieta, Leonor e a súa nai Cristina, Gabriel, Xiana, Valeria, Enzo e Erea.

 Algunhas escoitarédelas varias veces porque varias familias achegaron a mesma cantiga o que quere dicir que son moi populares nesta zona. 

MOITAS  GRAZAS  A  TODAS  AS  FAMILIAS  POR

PARTICIPAR  NESTA  ACTIVIDADE!!

NA RADIO CON MANOLA PORTO

     En 1924 comezaron as emisións legais de radio en España polo que neste ano 2024, a  radio está de aniversario e cumpre 100 anos!!

    Por esta razón, tivemos de visita a Manola Porto, xornalista que leva máis de 20 anos traballando na radio da comarca de Lemos e, actualmente, en Onda Cero Monforte. 

    Ela achegouse ao noso estudo de radio para preguntarnos sobre a nosa visión da radio como xornalistas principiantes.

    Podedes escoitar esta entrevista no seguinte enlace:

    Despois foron Manuel López, Ada, Antía e Saúl os que tomaron a palabra para entrevistala e manter con ela unha conversa moi interesante que podedes escoitar no seguinte podcast:

 

MOITAS GRAZAS  MANOLA  POR  PENSAR  NA  NOSA  RADIO  PARA  ESTE  ANIVERSARIO!!

DESPEDIDA ALUMNADO DE 6º

   Todos os anos cando chega fin de curso chega tamén o momento de despedir ao alumnado de 6º de Primaria que acaba esta etapa educativa. Carlota, Germán e Javier entraron a formar parte do colexio no curso 2015/16 cando eran uns pequerrechiños de 3 anos!!

       Agora son unha clase de tres persoas estupendas ás que botaremos moito de menos!

   Pero antes de marchar gravaron o seguinte podcast no que poderedes escoitar unha carta que escribiron  como despedida agora que xa se van ao instituto.

 

    Esperamos que na nova etapa educativa que comezarán o próximo curso non olviden a importancia do traballo e da constancia. Estamos seguros de que terán éxito nos seus estudos; pero se nalgún momento nos necesitades, aquí estaremos, apoiándovos en todo o que poidamos porque despois de todos estes anos levades con vós un pedaciño do noso corazón. 

APADRIÑAMENTOS E AMADRIÑAMENTOS LECTORES

     Desde fai varios anos, para conmemorar o Día do Libro realizamos unha das actividades preferidas do noso alumnado: os apadriñamentos e amadriñamentos lectores.

      

       Nesta actividade, os biblioaxudantes organízaronse en cinco grupos que se repartiron polo colexio con candanseu libro para lerlles ao resto do alumnado que, tamén dividido en 5 grupos, foi percorrendo a senda dos libros:

    Comezaba a ronda na biblioteca, onde Germán e Candela contaban o libro  A pantasma colorida  de Gema García (Hércules Ediciones) cuns títeres elaborados por eles mesmos.

 

    No corredor principal Carlota e Martín esperaban para contar o libro  Tarde de sapo  de Maite Mutuberria (Ed. Kalandraka).

 

   Continuamos no patio de colexio. Alí estaban  Daniela, Pablo e Lara  que compartiron con nós o libro  Lobo só quería cantar  de Pilar Serrano (Ed. Triqueta).

   Seguimos o percorrido e chegamos á sombra dun castiñeiro do patio onde  Itzae, Ada e Nayara dramatizaron o relato O labrego e o rei do libro  Tres contos para crianzas  de Vicente Risco (Aira Editorial)

   O percorrido remataba con  Antía e Javier  que contaron o libro en verso  A bruxa divertida  de Ricardo Alcántara (Ed. Kalandraka)

 Podedes ver todas as imaxes desta actividade na 

GALERÍA  DE  IMAXES

 

MOITAS  GRAZAS  AOS  BIBLIOAXUDANTES  POR  ESTAS  LECTURAS!!

FELIZ  DÍA  DO  LIBRO!!

PROGRAMA ESPECIAL FEIRA DO VIÑO - ONDA CERO

  

    O alumnado de 5º e 6º de Primaria participou hoxe no programa especial sobre a Feira do Viño que Onda Cero realizou en directo desde a Casa da Cultura do Concello de Sober. 

   Antes do programa puideron conversar coa locutora Manola Porto e co técnico Luis González sobre como se fai un programa en directo. Luis explicoulles como se emitía e que canles utilizaban para evitar que o programa se deixase de escoitar no medio da emisión.

   Despois os nenos e as nenas compartiron entrevista con Luis Fernández Guitián (alcalde de Sober) e puideron dar o seu punto de vista sobre a elaboración de viño nas súas casas, a propia Feira do Viño ou  que visitar en Sober.

 MOITAS  GRAZAS  A  MANOLA  PORTO, A  LUIS  GONZÁLEZ   E  A  ONDA  CERO  MONFORTE  POLA  INVITACIÓN E  POR  DÁRLLE  VOZ  AO  NOSO  ALUMNADO!!

DESPEDIDA ALUMNADO DE 6º

   Cada ano temos que despedir ao alumnado de 6º de Primaria que remata a súa etapa no colexio. A Cristian, Darío, Libertad, Yanira, Lucas, Mencía, Susana, Iria e Gareth, coñecémolos cando chegaron a Educación Infantil.

      Lola, Naím e Gissela foron incorporándose ao grupo en diferentes cursos de primaria; pero aínda que pasaron menos tempo neste colexio, son igual de importantes para nós. Agora todos elxs forman un marabilloso grupo de 12 nenos e nenas!!

   No seguinte podcast, poderedes escoitar a carta que escribiron  como despedida agora que xa se van ao instituto.

    Esperamos que na nova etapa educativa que comezarán en setembro non olviden a importancia do traballo e da constancia. Estamos seguros de que se poñen en práctica todo o aprendido durante estes anos, terán éxito nos seus estudos; pero se nalgún momento nos necesitades, aquí estaremos, apoiándovos en todo o que poidamos porque despois de todos estes anos compartindo vivencias, levades con vós un pedaciño do noso corazón.

 ATA  SEMPRE!!

AS ABELLAS: PROXECTO DE INVESTIGACIÓN

    Para rematar as actividades relacionadas co mel deste ano, o alumnado fixo unha investigación para ampliar e poñer en orde os contidos obtidos que rematou cun programa especial de radio.

   Nas seguintes imaxes, podedes ver diferentes momentos do desenvolvemento da secuencia de aprendizaxe: busca de información en rede, tratamento da información, redacción do guión radiofónico e gravación do programa de radio.

 

 

DESPEDIDA ALUMNADO DE 6º

  Inevitablemente, cada ano ao chegar o último día lectivo do curso, toca despedir ao alumnado de 6º de Primaria que remata a súa etapa no colexio.

   A Hugo, Lucas, Lucía e Pilar vímolos medrar desde infantil; eran pequeniñs como botóns! 

 

    Pau incorporouse o curso pasado chegado doutra comunidade; pero non pensedes por iso que o imos a estrañar menos que aos demais; cada membro da comunidade educativa é igual de importante para nós e agora sodes un grupo de cinco ao que botaremos moito de menos como se puido comprobar na despedida de hoxe onde a emoción fixo que case todos acabaramos chorando.

 

 

 

 

 

  No seguinte podcast, podedes escoitar como se despiden eles de nós cunhas pequenas cartas nas que lembran o seu paso polo colexio; e no vídeo de abaixo, acompañamos as voces con algunhas imaxes para que lle poñades cara a quen está falando.

   Desexámosvos que sigades sendo bos rapaces e rapazas, que sexades moi felices tamén en Secundaria e que non teñades ningunha dificultade na nova etapa que empezades no instituto; pero se a tedes, recordade que SEMPRE PODEREDES CONTAR CONNOSCO  E  QUE  ESTE  É  O  VOSO  COLE!!

UNHA  APERTA  MOI  GRANDE  PARA TODXS!!