viernes, 21 de junio de 2024

DESPEDIDA BIBLIOAXUDANTES 2023/24

    Hoxe remata o curso e polo tanto pechamos tamén as actividades da biblioteca e facémolo DÁNDOLLE  AS  GRAZAS  AOS  BIBLIOAXUDANTES!!

     Aínda que este ano xa recibiron como premio un obradoiro por ser seleccionados no programa de Volunntariado de Lectura - A, tamén desde o centro quixemos facerlle entrega duns pequenos agasallos.


MOITAS  GRAZAS  POLA  VOSA  DEDICACIÓN  Á  BIBLIOTECA!!

A algúns vémosvos o próximo ano pero aos que marchades para o instituto... moita sorte, botarémosvos de menos!!

 

miércoles, 19 de junio de 2024

CLUB DE LECTURA - SAÍDA FINAL 2023/24

     Remata o curso e remata tamén a actividade do club de lectura deste ano e para poñerlle un broche final fixemos unha saída a Monforte de Lemos onde visitamos as instalacións da Policía Municipal xa que un dos libros que máis lle gustou foi Policán, o can policía.

  Xa nas instalacións, os policías encargados da nosa visita ensináronnos as oficinas e a sala de cámaras desde onde se ven as zonas peatonais de Monforte á vez que nos explicaron as funcións principais que desenvolven.


     Despois saímos á praza e alí mostránonnos os vehículos que utilizan e a equipación que levan. Tamén nos fixeron proba de alcolemia e todos demos 0,0.



  Ademais ensináronnos como se fai o atestado dun delito: croquis, fotos, declaracións... e nos explicaron que a policía ten presunción de veracidade que quere dicir que as declaracións dos axentes de policía nos procedementos xudiciais considéranse verdadeiras e non necesitan ser corroboradas por outras probas.

 

   Ao final da visita algúns membros do club remataron esposados pero iso si... ningún no calabozo!!

MOITAS  GRAZAS  Á  POLICÍA  MUNICIPAL  POR  ESTA  VISITA  NA  QUE  APRENDEMOS  MOITÍSIMAS  COUSAS  SOBRE  O  SEU  LABOR!!

   Despois a excursión rematou cunha visita ao Museo do Viño de Monforte de Lemos pois xa que Sober é zona productora de viño da Ribeira Sacra, tiñamos que facer esta visita tan conectada coa nosa realidade que finalizou co alumnado probando un mosto sen alcol





 

GALERÍA  DE  IMAXES

lunes, 17 de junio de 2024

CARTAS DENDE A RÍA - VISITA DO CEIP DE SEARA - MOAÑA

   Hoxe recibimos a visita do CEIP de Seara para rematar o proxecto Cartas dende a ría. Aínda que pensabamos recibilos no  mirador de Cadeiras e merendar alí con eles, a chuvia decidiu acompañarnos e por iso merendamos no pavillón do colexio onde o alcalde de Sober nos acompañou para recibilos.



   Despois desta merenda, o alumnado do CEIP de Seara reapartiuse en grupos, para realizar diferentes visitas:

    O alumnado de Infantil foi de visita á Granxa da Escola onde Diego e Noelia lles ensinaron as súas instalacións e algunhas das actividades que levan a cabo na súa granxa de ovellas que nesta época está chea de cordeiriños.




  O alumnado de 1º e 2º de Primaria estivo na Casa da Fonte, unha granxa onde lles ensinaron as vacas, como as ordeñan e como elaboran produtos artesanais co leite que recollen do seu gando: queixo, manteiga, iogurt... 



   Mentres tanto os nenos e nenas de 3º e 4º de Primaria, visitaron á Rectoral de Gundivós onde Elías lles fixo unha demostración de olería tradicional durante a que elaborou un xarro mostrándolles todos os pasos deste proceso: modelado inicial, secado, cocido, cor e impermeabilizado con resina de pino.


    O alumnado de 5º e 6º coñeceu a Rectoral de Amandi onde descubriron os procesos de cultivo, elaboración e embotellado do viño  finalizando coa degustación de mosto sen alcol. Tamén puideron visitar o mirador desde o que contemplaron a fermosa paisaxe que forman os viñedos.

 
 
   Despois destas visitas volvemos a atoparnos todos no pavillón do colexio onde disfrutamos dun xantar de confraternidade e de divertidos momentos de xogo.



   Antes de que marcharan entregámoslles uns recordos que os nosos alumnos lles fixeron: uns puntos de lectura decorados por eles conmemorativos desta xuntanza e uns fermosos e coloridos chaveiros feitos con corchos de botellas de viño pintados e decorados que tamén levaban unha pequena placa impresa en 3D conmemorativa desta xornada.
 
 


  MOITAS  GRAZAS  POR  ESTA  VISITA!!

 AÍNDA  QUE  FOI  UN  DÍA  PASADO  POR  AUGA, SEGURO  QUE  NON  OLVIDAREMOS  OS  MOMENTO  VIVIDOS!! 

GALERÍA  DE  IMAXES