MONTAXE DUN NOVO ESCORNABOT

   Coa chegada da impresora 3D, a Asesoría de Bibliotecas propúxonos un novo reto: construír un novo escornabot desde cero. Eles déronnos o material tencolóxico necesario e nós tiñamos que imprimir na nosa biblioteca e coa nosa impresora as pezas de soporte.

   Foi un reto que se nos complicou bastante, primeiro porque imprimiamos as pezas e non nos coincidían e tivemos que facer varios intentos; e segundo, porque ningunha das placas estaba montada. A placa da botoneira non foi un problema pois xa o fixeramos o ano pasado pero para a placa do arduino tivemos que pedir axuda a través dunha sesión de formación no noso PFPP.

Aínda con todos os problemas, fomos quenes de montalo e que empezase a funcionar...

RETO SUPERADO!!

ADORNANDO OS ESCORNABOTS

    Aínda que non é propiamente unha parte da montaxe dos escornabots, cremos que así están máis favorecidos.

    Estos modelos que acompañan a Lectubot están feitos por 3 grupos do alumnado de 1º e 2º; pero non parecen moi seguros...a ver canto duran!

MONTANDO UN ESCORNABOT CO ALUMNADO DE 3º E 4º DE PRIMARIA

Faltábanos un escornabot por montar e os nenos e nenas de 3º e 4º foron os encargados de facelo.

Para construílo, fóronse guiando polo vídeo elaborado para o curso de Escornabots.

Nas seguintes imaxes podedes ver como foi o proceso e o concentrados que estaban:

FUNCIONA!!

Pero...hai un problema...o ESCONARBOT  VAI  AO  REVÉS!!

EN VEZ DE IR PARA ADIANTE; VAI PARA ATRÁS!!

   Despois dun rato pensando, chegamos á conclusión de que a placa base estaba ao revés. Así que tras desmontar a botoneira e darlle a volta volvemos a probar e... PROBLEMA  SOLUCIONADO!!

Montaxe do escornabot: VÍDEO EXPLICATIVO

Montaxe do escornabot: REMATANDO

Xa nos queda pouquiño para rematar o escornabot!!

Os dous últimos pasos son suxeitar ás rodas e colocar a bóla de rodamento no seu lugar

O escornabot xa está listo para funcionar!!!

Aínda que para adaptalo un pouco a nosa biblioteca, 

podemos personalizalo para que se pareza Lectuvín

Montaxe dos escornabots: PLACA BASE

    Para montar a placa base coas seguintes pezas necesitarás unha estación de soldadura a 300 º e estaño de 1 mm

    Comezaremos colocando as resistencias de R2 a R6. Unha vez introducidas no seu lugar, soldamos por detrás:

 Cando as teñamos todas listas, cortamos o arame sobrante:

A continuación soldamos os botóns de S1 a S5

e despois J1 con coidado de que quede recto:

 XA  TEMOS  LISTA  A  PLACA  BASE!!

    Para colocala no seu lugar, poñémola na parte superior do escornabot seguida das outras pezas da botoneira e suxeitamos todo cos dous parafusos máis longos tendo coidado de respectar o burato para as conexións que faltan:

Montaxe dos escornabots: CONEXIÓNS

    Para que non haxa problemas no referido ás conexións do escornabot, faille caso aos seguintes consellos:

1) Fíxate nas cores dos cables que veñen do soporte das pilas: o vermello é o que vai na parte superior

2) Antes de continuar, acende o robot no interruptor. Se a conexión está ben, ten que iluminarse a luz dianteira:

3) Antes de chegar ao seu destino, enrola os cables dos motores de xeito que non queden frouxos:

 4) A conexión que marcamos antes coa letra R irá na parte superior e, polo tanto, a letra L na inferior.

Agora o teu escornabot debería parecerse a este:

Montaxe do escornabot: INTERRUPTOR

   Para acender e apagar o escornabot, necesitaremos un interruptor. Este interruptor está unido ao soporte das pilas:

    Empezaremos por colocalo na peza correspondente desprazándoo pola ranura da mesma:

Agora só nos queda colocalo no seu lugar na parte de abaixo do escornabot:

Montaxe dos escornabots: MOTORES

Temos que colocar un motor a cada lado do Escornabot

Suxeitaremos cada un deles cun par de parafusos

 Unha boa idea, para despois é marcar cun L (esquerda) ou R (dereita) os extremos dos motores; 

así saberemos perfectamente a cal corresponde cada un.

Montaxe dos escornabots: PLACA ARDUINO

    Hoxe colocaremos a placa do Arduino; para isto necesitamos o soporte, a placa e o Arduino:

    Para montar estas pezas, só necesitamos desprazar a placa pola ranura do seu soporte e encaixar ben o Arduino:

Debería quedar así:

Agora só nos queda unir cun parafuso o que acabamos de montar 

coa estrutura do soporte das pilas feito anteriormente: