DÍA INTERNACIONAL DAS PERSOAS CON DISCAPACIDADE

    O 3 de decembro é o Día Internacional  das Persoas con Discapacidade; un día que ten como finalidade concienciar sobre a súa situación e promover os seus dereitos e o seu benestar en todos os ámbitos da sociedade.

   Esta obxectivo recóllese tamén nos obxectivos da Axenda 2030: Obxectivo 10: Redución das desigualdades.

  

   No centro quixemos conmemorar este día realizando diferentes actividades ao longo da semana que axudaran ao noso alumnado a comprender as dificultades ás que estas persoas teñen que enfrontarse na súa vida cotiá.

 

  Comezamos vendo un vídeo que explica que é a discapacidade:

 

 

   Despois fixemos un traballo de reflexión sobre os tipos de discapacidade,os inconvintes que conlevan, os comportamentos adecuados ante persoas con algunha discapacidade...

  Para rematar realizaron un circuíto no que tiñan que enfrontarse a probas que se relacionaban con diferentes discapacidades: 

 

Realizar un percorrido cun antiface guiados por un compañeiro

 

Debuxar ou escribir coa boca ou cos pés,

 

Un partido de voley sentados sen poder moverse nin levantarse

 

Poñer e quitar unha chaqueta cun brazo inmobilizado

 

 

Levar un globo dun lado ao outro do pavillón en parellas sen utilizar as mans

  

   Esperamos que estas actividades fagan que o noso alumnado reflexione sobre a situación destas persoas e as dificultades que teñen que superar.

 

 

 GALERÍA  DE  IMAXES

DÍA INTERNACIONAL DAS PERSOAS CON DISCAPACIDADE

     O 3 de decembro conmemórase o  Día Internacional  das Persoas con Discapacidade   desde que a Asamblea Xeral das Nacións Unidas en 1992 aprobou este día para concienciar sobre a situación destas persoas e para promover os seus dereitos e o seu benestar en todos os ámbitos da sociedade.

 

   Esta obxectivo recóllese tamén nos obxectivos da Axenda 2030:   Obxectivo 10: Redución das desigualdades.

  

 

    No centro quixemos conmemorar este día lendo o libro  A Marela ou amarela?  escrito por Manu Sobral e ilustrado por Manu Martínez.

    Os biblioaxudantes contáronnos esta historia na que a protagonista ten daltonismo, un problema de visión que fai que confunda algunhas cores.

    Despois reflexionamos sobre as consecuencias que este problema de visión pode ter para a vida diaria e puxemos en común outros problemas de visión que poden limitar a nosa vida: poden conducir os daltónicos? como combinan a súa roupa? e como farán para colorear un debuxo?

   A continuación deixámosvos unhas probas para que comprobedes se vedes ben os números e as formas agochadas; para facelas, teredes que seguir o enlace.

https://www.es.colorlitelens.com/images/tesztek/kids-test/colorblind-test-for-kids.html

https://www.es.colorlitelens.com/Ishihara-test-de-daltonismo

    Se vedes distinguístedes todo perfectamente, tedes unha visión estupenda; se non... teredes que ir ao oculista pero non vos preocupedes porque como di o conto...

FELICITACIÓN DE NADAL - 2022

    Cos nosos mellores desexos para estas festas, o Equipo de Biblioteca e toda a Comunidade Educativa do CEIP Plurilingüe Virxe do Carme; elaboramos unha felicitación coa panxoliña  O MEU AGASALLO  ES TI   de Plan Siberia.

   Nesta panxoliña seguimos traballando por unha biblioteca e unha sociedade inclusiva; por iso, ademais das imaxes dos/das participantes engadimos a letra e pictogramas.

 

   Esperamos que vos guste tanto vela como a nós gravala porque a verdade é que o pasamos xenial!!

 

FELIZ  2023  E  BO NADAL!!! 

 

 

 

DÍA INTERNACIONAL DAS PERSOAS CON DISCAPACIDADE

   O 3 de decembro foi proclamado  Día Internacional  das Persoas con Discapacidade   pola Asamblea Xeral das Nacións Unidas en 1992 para concienciar sobre a súa situación e promover os seus dereitos e o seu benestar en todos os ámbitos da sociedade.

   Esta obxectivo recóllese tamén nos obxectivos da Axenda 2030:   Obxectivo 10: Redución das desigualdades.

  

   No centro quixemos conmemorar este día a través do libro Elisa no mundo das marabillas editado por Galaxia e APAMP (Asociación de familias de persoas con parálise celebral)

    Este un libro foi escrito e ilustrado nun obradoiro artístico realizado por APAMP e conta a historia de Elisa, unha muller alegre, soñadora, de mirada intensa e cabelos castaños que se movía en cadeira de rodas e tiña parálise cerebral.

   A través desta historia, quixemos concienciar ao noso alumnado sobre os diferentestes tipos de discapacidades reflexados nos diferentes personaxes que aparecen no libro: un can de 6 patas, un ciclista que xa non pode gañar carreiras, unha árbore que non da froitos...

   O bo destes personaxes é que cada un deles ten unha cualidade que o fai importante para os demáis e que aínda con dificultades e atrancos, poden saír adiante e ser felices. Por iso lle propuxemos ao nenos e nenas do colexio que fixeran debuxos de persoas, animais ou cousas cunha discapacidade indicando un aaspecto positivo ou vantaxe que se poida derivar dela. Podedes ver o resultado desta actividade no mural do corredor.

 

GALERÍA  DE  IMAXES

BIBLIOTECA INCLUSIVA: Doazón de fondos

      Como sabedes, intentamos que a nosa biblioteca sexa o máis inclusiva posible.

    Unha parte do traballo refirese ao fomento dunha actitude correcta tal como se recolle no plan de Biblioteca Inclusiva: ACTITUDE  NORMALIZADORA, VISIBILIZADORA, SENSIBILIZADORA, COÑECEDORA  DAS  DIFERENTES  NECESIDADES,  REPETUOSA  E  DE  TRATO IGUALITARIO.

   Este ano estivemos traballando coa discapacidade visual e o sistema Braille e agora acabamos de recibir unha dozaón dunha familia de 2º de Primaria que nos doou catro libros do Servizo Bibliográfico da ONCE escritos con sistema Braille.

  Moitas grazas pola vosa doazón que

xa forma parte dos fondos da nosa biblio!

 

FELICITACIÓN DE NADAL 2021

   Hoxe remata a primeira avalición e chega o Nadal, pero antes de irnos de vacacións queremos felicitar a toda a comunidade educativa e para iso, desde o Equipo de Biblioteca, elaboramos este video felicitación coa panxoliña Un bo Nadal do gurpo King Kids.

  Acompañamos a panxoliña coa letra e pictogramas porque nos parece moi importante continuar co traballo en prol dunha biblioteca e dunha sociedade inclusiva.

QUE  PASEDES  UN  BO  NADAL!!

DÍA INTERNACIONAL DAS PERSOAS CON DISCAPACIDADE

   A Asamblea Xeral das Nacións Unidas en 1992 proclamou o 3 de decembro como o  Día Internacional  das Persoas con Discapacidade  co fin de promover os seus dereitos e o seu benestar en todos os ámbitos da sociedade e concienciar sobre a súa situación.

  

   Esta finalidade recóllese tamén nos obxectivos da Axenda 2030:   Obxectivo 10: Redución das desigualdades.

 

   Desde o centro quixemos sensibilizar ao noso alumnado sobre a  discapacidade visual  e para iso fixemos varias actividades.

    Os nenos e nenas de Educación Infantil viron o corto Pip, perro guía e colorearon un cos ollos pechados para decatarse do difícil que é facer as cousas sen ver.

 

 

   En primaria quixemos achegarnos ao  alfabeto Braille  coñecéndoo e coloreando diferentes letras coas que formar palabras e conceptos que debemos ter moi presentes: respecto, tolerancia, inclusión, diversidade...

      Despois utilizamos caixas de menciñas e os biblioaxudantes leron o libro El libro negro de los colores escrito por Menena Cottin e publicado en español e Braille; para intentar recoñecer algunhas das letras do alfabeto Braille.

 

    Esperamos que con estas actividades o noso alumnado tome conciencia das dificultadas ás que se enfrontan as persoas con algún tipo de discapacidade.