MARUJA MALLO. POLO CORREO DO VENTO

  Ata agora a rúa do colexio non tiña nome, pero en febreiro o Concello decidiu poñerlle o nome da pintora Maruja Mallo xa que o seu avó era de Sober, concretamente de Naz.

   Por este motivo estamos investigando a súa vida e a súa obra e por iso no club de lectura lemos o libro Meiga nova, metade anxo, metade marisco. Pequena biografía de Maruja Mallo escrito por Enrique Mauricio e Carlos Taboada.

    Pareceunos tan interesante que nos puxemos en contacto cos autores e hoxe estiveron no centro Carlos Taboada e Marcelo para facer unha actividade con todo o alumnado do colexio. Na primeira parte da actividade, achegámonos aos principais datos da súa biografía e mentres Carlos facía unha ilustración da pintora e Marcelo poñíalle música.

    Na segunda parte fixemos de forma individual unha caricatura da pintora guiándonos polas directrices que nos ía dando Carlos.

   Estas caricaturas expuxéronse no Salón de Actos ao lado da ilustración de Carlos formando unha pequena homenaxe a Maruja Mallo.

   Para rematar, Carlos e Marcelo estiveron en Radiuvín onde Nayara e Ada lles fixeron unha pequena entrevista sobre o seu libro e sobre a propia Maruja Mallo.

 

 GALERÍA  DE  IMAXES

 

ATÉ O VINDEIRO NADAL

   O xoves día 19 tivemos na biblioteca a presentación do libro  Até o vindeiro Nadal  coa intervención da súa autora Inés Silva.

 

     A autora contoulles aos nenos e ás nenas a motivación para escribilo e leulles o principio da historia para despois invitar a algúns deles a compartir a lectura.

 

 

 

 

 

 

  Ademais o libro está editado por Peruchela Edicións e durante a presentación tamén nos acompañou a súa editora para falarnos sobre o proceso que vai desde a escritura ata que o libro está dispoñible nunha libraría e como se lles ocorreu a idea de publicar o libro en formato reversible por un lado en galego e outro en castelán.

    Moitas grazas a Peruchela Edicións por esta actividade tan interesante que rematou cunha rolda de preguntas á autora que nos animou a compartir e vivir a maxia do Nadal durante todo o ano.

A AVENTURA DE ILUSTRAR

   Esta semana recibimos no centro a exposición "A aventura de ilustrar", unha exposición sobre cómic do debuxante Primitivo Marcos.

   Esta proposta da Deputación de Lugo inclúe a exposición dos cadros orixinais do último traballo deste autor que é unha adaptación a cómic da novela "O paso do Noroeste", de Xavier Queipo. 

   A través destes cadros e de varios carteis explicativos, aprendemos cales son as etapas creativas do proceso de ilustración desde os primeiros bosquexos que recollen a idea inicial ata o final co debuxo xa rematado.

   Esta exposición completouse coa visita ao centro de Primitivo quen lle explicou ao noso alumnado de 5º e 6º de Primaria este procedemento paso a paso .

  A actividade completouse cunha charla sobre a figura de Castelao como autor referente da ilustración en Galicia e sobre a súa obra coa que foi capaz de reflectir os problema da sociedade da súa época con imaxes sinxelas pero cargadas de significado.

   Para rematar, o autor dedicounos o exemplar do seu libro que temos na biblioteca.

  Esperamos que con esta actividade o noso alumnado aprendera a valorar todo o traballo que implica a creación dun cómic e a partir de agora teña unha visión máis crítica das ilustracións que acompañan aos textos que len.

GALERÍA  DE  IMAXES

CLUB DE LECTURA (5 / 2023 - 2024)

   Na última reunión do club de lectura desta avaliación, rematamos as sesións dedicadas ao libro Mitos e Lendas da Ribeira Sacra coa visita dos seus autores: Dani Viéitez e Iria Iglesias.

  Nesta reunión os membros do club de lectura puideron falar con eles de todo o relacionado co proceso de creación dun libro desde a idea inicial ata que chega aos lectores.

    Algo que lles resultou moi interesante e sorprendente deste proceso foi o traballo de ilustración dixital, xa que Iria e Dani mostráronlles como se debuxa e como evolucionan as ideas desde o boceto inicial ata o resultado final.

  Outros temas que tratamos foron o traballo de investigación e documentación que tiveron que facer para escribir este libro e a importancia das lendas e da cultura popular dun pobo.

       Tamén pudiemos falar sobre os gustos persoais dos nenos e das nenas e compartir o seu punto de vista cos autores: que lendas lles gustaron máis, cales menos, cales non entenderon ben, por que case todas tiñan que ver con namorados...

      Ademais aproveitamos para falar con eles sobre outros dos seus libros, dos seus comezos como autores e ilustradores, de próximos proxectos...

     E antes de marchar, os autores aínda tiveron un tempiño para dedicarlle unhas palabras e unhas ilustracións ao membros do club.

  MOITAS  GRAZAS,  IRIA  E  DANI,  POR  ESTA  VISITA

E   POR  COMPATIR  CON  NÓS  O  VOSO  TEMPO!!

XA  ESTAMOS  DESEXANDO  LER  O  VOSO  PRÓXIMO  LIBRO!!

 

VIAXANDO POLAS LETRAS (8/ 2022 - 2023)

   Hoxe temos unha sesión diferente do club de lectura xa que para rematar as sesión dedicadas ao libro  Un mundo para Maruxa temos na biblioteca a súa autora: Estefanía Padullés.

   Ela comezou falándonos da creación do libro que se basa en feitos reais de cando ela mesma traballou nun Centro de Recuperación de Fauna Silvestre e nunha Reserva de Fauna; e contounos que Susana e Eloy non eran personaxes imaxinarios senón que foran compañeiros seus.

    Despois falounos máis polo miúdo da temática do libro á vez que nos facía unha ilustración: os perigos dos animais mariños, o consumo abusivo de plástico, a importancia de reducir o seu uso, os microplásticos, a contaminación da auga...

    A continuación ensinounos as ilustracións orixinais do libro e explicounos o proceso que seguía ela para facelas.

 

 

 

    A continuación fixemos un obradoiro que consistía na elaboración dunha roda coas ilustracións de Maruxa mentres Estefanía ía respostando ás preguntas dos membros do club.

    Ao rematala e montala, puidemos comprobar que para cada problema medioambiental plantexado, asociáselle unha solución que podemos levar a cabo nós mesmos.

   Por último, Estefanía pasou polos estudos de Radiuvín para respostar ás preguntas dos nosos locutores de radio.

MOITAS  GRAZAS  POR  CONTARNOS  TANTAS  COUSAS

SOBRE  MARUXA  E  A NATUREZA, 

ESTIVEMOS ENCANTADOS  DE  COMPARTIR  ESTE  RATIÑO  CONTIGO!!