"Comezo a ver nenos e nenas fartos de televisión e aburridos cos xogos informáticos que se illan cun libro e se deixan levar pola historia narrada... porque non hai un espectáculo máis fermoso que a mirada dun neno que le".
G. Grass
Desde 1997, o día24 de outubro, conmemórase oDía das Bibliotecasco "obxectivo de concienciar á sociedade da importancia da lectura e como homenaxe e recoñecemento ao traballo dos bibliotecarios/as".
Nós aproveitamos esta conmemoración para inaugurar o curso na biblioteca do cole facendo diferentes actividades. O primeiro que estivemos facendo foi formación de usuarios para lembrar as normas da biblioteca, a CDU, as etiquetas dos libros...
Pero, sobre todo, estivemos facendo fincapé na organización da biblioteca xa que, coa axuda dos biblioaxudantes, estivemos facendo cambios na distribución dos andeis.
Ademais da formación de usuarios tamén entregamos os premios aos participantes no reto lector do verán do curso 2024:
Para rematar esta conmemoración todo o alumnado recibiu o marcapáxinas conmemorativo deste día escrito polo colectivo Erre que Erre como texto agasallo para o Colectivo Lemos Le que este ano dedicará o traballo do curso á proposta para o Día das Letras Galegas: á tradición oral; concretándoa nos brindos de A Pobra do Brollón.
Como outros anos, aproveitamos o Día da Biblioteca para comezar coa formación de usuarios.
Este ano ademais de publicar os trípticos que cada usuari@ leva para a súa casa, elaboramos tamén un genially que poderedes consultar durante todo o ano.
O día 24 de outubro conmemórase o Día das Bibliotecas, como este ano coincide a domingo, quixemos adiantar esta conmemoración que nesta ocasión destaca o papel das bibliotecas como espazos para LER, APRENDER e DESCUBRIR.
Nesta data abrimos oficialmente a biblioteca e comezamos levando a cabo unha formación de usuarios inicial na que recordamos aspectos básicos da organización da biblioteca como o protocolo Covid-19 e a CDU.
Para os máis cativos do cole contamos coa axuda de Caillou:
Como este ano seguimos sen poder facer a Hora de Ler na biblioteca, despois da formación de usuarios cada grupo puido escoller varios libros para encher a caixa de lectura da súa biblioteca de aula que xa contaba con algúns libros escollidos polo Equipo de Biblioteca e cos cadernos de lectura.
Outra das cousas que nos gusta moito desta data é a colaboración co Colectivo Lemos Le, xa que nos permite facer actividades conxuntas coas outras bibliotecas escolares da comarca e tamén coas Bibliotecas Públicas Municipais. Este ano editamos un punto de lectura cun texto agasallo para o colectivo da escritora Noa Moreira de A Pobra do Brollón e participamos nunha entrevista na que ela respondeu ás preguntas que lle formularon usuarios de diferentes bibliotecas.
"Cando ía facer seis anos chegou ao Cole da Pobra un director novo. Paco Castro abriunos a biblioteca do centro a tódolos nenos e nenas coma unha fiestra a outro mundo.
Recordo perfectamente que o primeiro libro que lin falaba de bonecas matrioskas que querían unha familia. E na miña memoria quedou prendido que a última boneca se chamaba Noa, a máis pequeniña, pero non era así. Seguramente soñaba con ser tamén eu unha boneca de madeira rusa.
Máis tarde, viaxei á lúa con Sabela, da man do libro A fantástica viaxe de Sabela, de Euloxio R. Ruibal, un agasallo do colexio por un conto que escribín. Fascinada é pouco con tódalos seres que habitaban un lugar que me parecía tan lonxano e tan cercano á vez e que me gustou e me deu medo ao mesmo tempo dende que era pouco máis ca un bebé.
Recordo estes dous libros como algo especial: ensináronme que os libros conteñen tódolos lugares nos que quero estar, tódalas cousas que quero saber e tódolas palabras que aínda non coñezo".
Para rematar as actividades, presentamos o club de lectura que este ano estrenamos para o alumnado de 5º e 6º de Primaria en colaboración con Julia e con Dunia da BPM de Sober. Nesta primeira sesión fixemos unhas enquisas iniciais para saber máis sobre os hábitos lectores do alumnado e presentamos a primeira lectura: Vampira de biblioteca de Ledicia Costas.
Como a maioría das cousas este curso, a inauguración da biblioteca que facemos sempre por este día tamén tivo que ser diferente.
Comezamos coñecendo o novo protocolo de acceso á biblioteca co vídeo elaborado polos biblioaxudantes de 4º de Primaria que cursan a materia de Investigación e Tratamento da Información de 4º de Primaria.
Un resumo deste protocolo permanece exposto na porta da biblioteca para que a ninguén se lle esquezan as novas normas que temos que cumprir.
Respectando os grupos burbulla e as medidas de seguirade establecidas, tamén levamos a cabo unha formación de usuarios inicial na que recordamos aspectos básicos da organización da biblioteca como a CDU e os máis cativos do cole puideron achegarse a ela e coñecer materiais da biblioteca creativa como as tablillas KAPPA coas que fixeron un montón de torres e mesmo as iniciais do seus nomes.
Despois da formación de usuarios, cada grupo puido escoller varios libros para encher a caixa da súa biblioteca de aula xa que este ano a Hora de Ler non se poderá facer na biblioteca e cada grupo farao na correspondente titoría.
Esta caixa xa contaba con varios libros escollidos polos mestres pero que eles poidan engadir parte das lecturas é unha motivación extra.
Polo Día da Biblioteca tamén facíamos todos os anos unha visita á Bibliteca Pública Municipal. Nesta ocasión íamos a presentar o libro infantil Troitiña ilustrado por varios nenos e nenas do colexio na actividade Merendas con Contos da BPM xa que en xuño non se puido facer unha presentación á que asistiran xs ilustradorxs; pero debido ás novas restriccións esta presentación tivo que ser virtual a través dun vídeo.
Neste vídeo interveñen Ada de Agrasar Editores; o autor, Antón Valcárcel,
e os alumnos/as de 3º de Primaria que fan unha lectura das primeiras
páxinas do libro. Ademais ao final podemos ver un resumo en imaxes do
proceso de ilustración.
Para rematar fixémoslle entrega aos biblioaxudantes do ano pasado dunha mochila - agasallo que envían desde o programa de Voluntariado e do correspondente diploma oficial. Como esta entrega non se puido facer a final do curso pasado queda pendente a entrega aos biblioaxudantes que o ano pasado estaban en 6º de Primaria e este ano xa están no instituto. Esperemos que a situación sanitaria mellore e poidamos facerllos chegar.
Como xa dixemos, este ano lembramos os principais aspectos da formación de usuarios da biblioteca a través de vídeos elaborados polo propio alumnado (Ver vídeos).
Unha vez que tiñamos estes conceptos claros comezamos un xogo de pistas para reforzalos: o alumnado tiña que superar diferentes probas na biblioteca para atopar letras agochadas coas que formar unha palabra que abrise o crytex no que se atopaba a chave que abriría o candado que pechaba o gran tesouro.
As probas foron realizándose durante diferentes días ata que atoparon todas as letras e chegou o momento de descubrir o que agochaba Lectuvín:
Coas letras tiveron que formar a palabra adecuada para abrir o crytex, cousa que non foi tan doada xa que había letras trampa e varias combinacións posibles ata que coa palabra BIBLIOaccederon á chave coa que abrir o candado.
Ademais dentro do tesouro había uns agasallos especiais para os nenos que cumpriron o reto lector do verán e nos enviaron as fotos que probaban que leran na praia, debaixo dunha árbore, coa familia e na cama!!
.jpg)
.jpg)
.jpg)
.jpg)
.jpg)
.jpg)
.jpg)
