DÍA MUNDIAL DA SAÚDE: DANO CEREBRAL ADQUIRIDO

     En 1948 a OMS (Organización Mundial da Saúde) proclamou o 7 de abril como Día Mundial da Saúde co obxectivo de crear conciencia sobre as enfermidades mortais mundiais e crear hábitos sans nas persoas. Tamén a Axenda 2030 propón Saúde e Benestar como un dos seus obxectivos.

  A través dos Servicios Sociais do Concello de Sober, tivemos unha actividade da FEGADACE (Federación Galega de Dano Cerebral Adquirido) enmarcada dentro da campaña de sensibilización e información sobre esta discapacidade que afecta a unhas 35.000 persoas en Galicia.

  Para isto achegáronse á nosa biblioteca Elisa López (Neuropsicóloga) e Nerea Darriba (Terapeuta Ocupacional) de ADACE (Asociación de dano cerebral sobrevido/adquirido de Lugo) e Carla Miranda (Traballadora Social) de FEGADACE.

   Nesta actividade, o alumnado de Primaria aprendeu que o dano cerebral adquirido é a discapacidade que resulta dunha lesión no cerebro causada por ictus, traumatismos, tumores, enfermidades como a meninxite, enfermidades neurodexenerativas... é algo que se produce de repente e que afecta a persoas que tiñan unha vida normal e a partir dese momento pasan a ter unha vida con limitacións.

     As consecuencias deste dano cerebral adquirido poden afectar a actividades básicas como asearse, vestirse, controlar esfínteres ou desprazamentos, comer... ou a actividades instrumentais como facer a compra, usar o transporte público, traballar... 

    Para que xs nenxs tomasen conciencia sobre estes aspectos tamén realizaron actividades prácticas que lles axudaron a comprender o alcance destas limitacións:

intentar atar os cordóns ou desvestirse cunha soa man

  

 

utilizar diferentes aparatos de apoio para a limitación física de desprazamento

 

camiñar sen ver, guiados por un compañeiro/a

   Despois desta charla quedounos moi ben aprendida a importancia de coidar do noso cerebro así que xa sabedes: ALIMENTACIÓN  EQUILIBRADA, DEPORTE  E  DESCANSO  SUFICIENTE!!

 Podedes ver máis imaxes desta actividade na

GALERÍA  DE  IMAXES