Seguimos cos experimentos e experiencias científicas realizadas no colexio dentro de Novembro, mes da ciencia en galego na biblioteca.
Hoxe compartimos o traballo de 3º de Primaria que fixeron dous experimentos.
DEPURADORA DE AUGA: comprobaron como se realiza a depuración das augas e ao mesmo tempo puideron ver o proceso de filtración que consiste en pasar a auga por grandes filtros que van retendo os diferentes residuos. Se o facedes na casa, recordade que aínda que a auga filtrada sexa cristalina, NON É POTABLE.
LÁMPADA DE LAVA: nesta experiencia viron como a auga e o aceite NON se mesturan debido a que o aceite é menos denso que a auga. Tamén se coñece como o fenómenos de "polaridade intermolecular".
Ao botar
unhas pastillas efervescentes, estas soltan unhas burbullas
dun gas (CO2) que é máis lixeiro que a auga e flotan transportando á superficie parte da auga de cores.
Cando o gas sae da auga, esta volve a
ser pesada e afunde. O proceso repítese unha e outra vez ata que a pastilla se disolve por completo.
No hay comentarios:
Publicar un comentario