Unha das actividades preferidas do noso alumnado, é a dos apadriñamentos lectores que realizamos para conmemorar o Día do Libro.
Nesta actividade, os biblioaxudantes organízanse en cinco grupos que se reparten polo colexio con candanseu libro para lerlles ao resto do alumnado que tamén dividido en 5 grupos, vai percorrendo a senda dos libros:
Na biblioteca estaban Héctor, Laura Melinda e Aitana contando Quiero una mamá robot de Davide Cali (Ed. Laberinto) para o que elaboraron os seus propios títeres.
No escenario do Salón de Actos Verónica e Laura Rodríguez, esperábannos co libro Chafarís de Xoán Neira e Ánxeles Ferrer (Ed. Émbora) para recitar varios dos seus poemas.
Ao chegar ao comedor Uxía, Gisela e Manuel estaban dispostos a engaiolarnos coa intelixencia dos Chibos, chibóns narrada por Olalla González (Ed. Kalandraka).
A seguinte parada era no exterior do colexio, onde Francesca, Henry e Ángel recordáronnos a través do libro Nicolás va a la biblioteca, todo o que podemos facer nela. Este libro está escrito pola Asociación de Tratamento do Autismo (Ed. Kalandraka)
No parque infantil Mara, Mateo e Laura Gómez (substituíndo a Loïc que non puido asistir), representaron O emociante día de Piti o Caracol de Sandrine Lhomme (Baía Edicións).
Na biblioteca estaban Héctor, Laura Melinda e Aitana contando Quiero una mamá robot de Davide Cali (Ed. Laberinto) para o que elaboraron os seus propios títeres.
Pablo, Brais, Adrián, Xoán e Valentina, foron os encargados de rematar a actividade explicando a orixe do día do libro e lendo o texto de Fran Alonso.
Ao rematar as actividades, o alumnado do colexio levou como agasallo un marcapáxinas conmemorativo deste día coa nosa mascota Lectuvín.
No hay comentarios:
Publicar un comentario