Todos os anos cando chega fin de curso chega tamén o momento de despedir ao alumnado de 6º de Primaria que acaba esta etapa educativa. Carlota, Germán e Javier entraron a formar parte do colexio no curso 2015/16 cando eran uns pequerrechiños de 3 anos!!
Agora son unha clase de tres persoas estupendas ás que botaremos moito de menos!
Pero antes de marchar gravaron o seguinte podcast no que poderedes escoitar unha carta que escribiron como despedida agora que xa se van ao instituto.
Esperamos que na nova etapa educativa que comezarán o próximo curso non olviden a importancia do traballo e da constancia. Estamos seguros de que terán éxito nos seus estudos; pero se nalgún momento nos necesitades, aquí estaremos, apoiándovos en todo o que poidamos porque despois de todos estes anos levades con vós un pedaciño do noso corazón.
No hay comentarios:
Publicar un comentario