MOCHILAS VIAXEIRAS MOI DOCES

   De novo as mochilas viaxeiras chegan das súas casas con sorpresas incluídas.

   Na mochila viaxeira de 1º e 2º de Primaria Ada trouxo...unha tarta!! feita por ela e a súa familia seguindo unha receita do libro O raposo Rufo en receitas cativas de Dani Viéitez e Iria Iglesias.

   Tamén a mochila de 5º e 6º viña cun doce feito pola familia de Laura Gómez e máis ela... un flan!! do libro ¿Qué comemos hoy? de Ángeles Navarro.

MOITAS  GRAZAS  POLOS  VOSOS  DOCES!!

ENTREGA DE PREMIOS "UN JUGUETE, UNA ILUSIÓN" (Reseñas Prensa)

La Voz de Galicia, 11/01/2020

El Progreso, 11/01/2020

ENTREGA DE PREMIOS XVI CONCURSO CUENTOS SOLIDARIOS UN JUGUETE, UNA ILUSIÓN

    Hoxe Lucas, Lucía, Pilar e Hugo; os nenos e nenas de 4º de Primaria do noso colexio que gañaron o XVI Concurso de Contos Solidarios "Un juguete, una ilusión", desprazáronse a Ourense coa súa titora para recoller os premios correspondentes da man de Rafael Cid, Delegado Territorial de RTVE Galicia, e Marta Pastor, Directora da Fundación Crecer Jugando.

 

 

    Alí fixéronlles unha entrevista  e puideron visitar as instalacións de RNE Ourense.

  

 

 

 

 

   Podedes ver a entrevista na Primeira Edición do Informativo Territorial de TVE 1 no seguinte enlace a partir do minuto 20:20

   A noticia emitiuse tamén noutros programas e a través doutros medios:

- Crónica de Galicia (R1) a patir do minuto 13:20; neste programa a noticia e as entrevistas aos protagonistas intercálanse con fragmentos do conto.

- RNE Galicia informativos. Informativo Lugo  (Minuto 11:50)

- RTVEGalicia en Twitter

- Un juguete, una ilusión (Facebook)

- Concello de Sober (Facebook)

    Para rematar, deixámosvos o enlace ao conto por si queredes volver a escoitalo.

GALERÍA  DE  IMAXES

ENTREGA PREMIOS DO CERTAME DE NADAL

    Cada ano o alumnado do noso colexio participa no Certame de Postais e Poesía que convoca a Biblioteca Pública Municipal polo Nadal. 

    Por iso, as nosas postais poden verse durante todas as vacacións de Nadal na BPM, unhas postais que este ano, estaban feitas con material 3D.

  A entrega de premios deste Nadal comezou coa actuación do grupo local O Trícole que nos agasallou con diferentes panxoliñas e Cantos de Reis.

 

   Despois o alcalde fixo a entrega de premios na que o colexio recibiu un premio á participación, consistente nun diploma e varios libros para a nosa biblioteca. Recolleron o premio algúns alumnos do centro que estaban presentes neste acto.

 

   Tamén obtiveron premios individuais varios alumnos tanto en postais como en poesía. No seguinte documento podedes ver a lista de premiados.

   Podedes ampliar a información sobre esta noticia na publicación do Diario de Lemos seguindo o enlace.

 

RECOMENDACIÓNS LECTORAS - NADAL 2019

 

DESCARGAR  RECOMENDACIÓNS  PDF

FELICITACIÓN DE NADAL

   Cos nosos mellores desexos para estas festas e para o próximo ano, o Equipo de Biblioteca e toda a Comunidade Educativa do CEIP Plurilingüe Virxe do Carme; elaboramos unha felicitación coa panxoliña O meu Nadal perfecto de Iván Vale.

   Nesta panxoliña continuamos co traballo en prol dunha biblioteca e dunha sociedade inclusiva; por iso, ademais de engadir a letra, tentamos reproducir a mensaxe da panxoliña en lingua de signos.

BO  NADAL!!

FELICES  FESTAS!!

OS BIBLIOAXUDANTES CONTAN: Tento e mailo Nadal

    Hoxe é o último día de clases desta avaliación e tamén é o día que da paso as vacacións de Nadal; por iso, os biblioaxudantes Adrián e Senén prepararon a lectura do libro Tento e mailo Nadal de Ricardo Alcántara (Ed. Tambre)

   Neste conto, Tento olvídase de pedirlle a Papá Noel o seu agasallo de Nadal máis desexado....que pasará?

  Para saber o final deste conto non tedes máis que escoitar a seguinte emisión de Lecturradio nas voces dos nosos biblioaxudantes.

BO  NADAL!!