EXCURSIÓN A SANTIAGO

     Este ano retomáronse os concertos didácticos que organiza o Concello de Santiago de Compostela en colaboración co Auditorio de Galicia para estudantes de Primaria. 

   Nós fomos a ver o espectáculo "Mini Mozart" no que Mozart e a súa irmá Maria Anna nos foron presentando os diferentes instrumentos da orquestra mentres escoitabamos varias obras do autor como a abertura de As vodas de Fígaro, A pequena serenata nocturna, algunha aria de Don Giovanni con acompañemento de clavicémbalo ou a Marcha Turca (tercer movimiento Alla Turca de la Sonata para piano n.º 11)

   

   Un concerto moi didáctico e divertido que a máis de algún/algunha se lle fixo curto.

    Despois de xantar no parque do auditorio, fixemos unha visita guiada polas cubertas da Catedral de Santiago de Compostela. Aínda que tivemos que subir máis de 100 escalóns, as vistas mereceron a pena xa que desde arriba puidemos observar a Torre das campás e a Torre da carraca desde unha perpectiva totalmente diferente.

 

   Tamén puidemos ver de preto outros elementos da catedral como a Torre do reloxo ou Berenguela e a fachada orixinal da Praza de Praterías.

 

   Despois de percorrer o resto das cubertas, o alumnado de 4º, 5º e 6º de Primaria fixo tamén unha visita ao Pórtico da Gloria onde puideron ver todo aquilo que estiveran traballando cos seus titores.

  Mentres o alumnado de 1º, 2º e 3º recibiron como agasallo varios exemplares do libro Os Bolechas van á Catedral de Santiago que fai un repaso pola arte e a historia da construción da catedral, contada aos bolechas polo peregrino Xacobe.

 

   Estes libros xa están á vosa disposición na biblioteca do colexio para que poidades levalos en préstamo.

 

     A continuación deixámosvos tamén o enlace á publicación que fixo o alumnado de 6º na que recolle os datos máis importantes da investigación previa á visita que fixeron sobre a Catedral de Santiago.

INVESTIGACIÓN SOBRE A CATEDRAL DO ALUMNADO DE 6º

Podemos dicir que esta excursión foi unha saída didáctica moi enriquecedora e divertida da que o noso alumnado volveu moi contento aínda que canso.

GALERÍA  DE  IMAXES