CIENCIA NA BIBLIOTECA - ED. INFANTIL - 2023

 

Novembro é o Mes da Ciencia en Galego nas Bibliotecas tamén para educación infantil. 

Compartimos os experimentos que realizou o alumnado máis pequeno do colexio

 

 

25N - Día Internacional da eliminación da violencia contra a muller

      Como centro educativo cremos que para loitar contra a violencia de xénero a nosa mellor ferramenta é a COEDUCACIÓN, un elemento fundamental para avanzar na igualdade real entre mulleres e homes e que ademais é un dos obxectivos da Axenda 2030:

       En busca deste obxectivo, quixemos facer fincapé na ruptura de estereotipos comezando cunha choiva de ideas: que se lle atribúe ás nenas? e aos nenos? cal sería a opción correcta?

O rosa é de nenas e o azul de nenos?

Os homes conducen mellor que as mulleres?

As nenas levan o pelo longo e os nenos curto?

Os nenos teñen máis forza que as nenas?

...

      Despois o alumnado de 5º e 6º de Primaira ilustrou as ideas principais desta choiva e con eses debuxos fixemos un mural no que literalmente rompemos os estereotipos.

 

 

 

   Ademais para afianzar este concepto tamén traballamos co libro Que hacen las niñas? Que hacen los niños? escrito por Irene Biemmi, un libro que visibiliza perfectamente que as nenas e os nenos poden facer as mesmas cousas como podedes comprobar no seguinte vídeo que fixemos entre toda a comunidade educativa:

    Aínda así, sabemos que a coeducación non é labor dun día polo que no colexio seguiremos traballando para que tanto os nenos como as nenas entendan a importacia de loitar para acadar unha ruptura real dos estereotipos de xénero e unha igualdade efectiva entre eles.  

  GALERÍA  DE  IMAXES

CLUB DE LECTURA (3 / 2023 - 2024)

    Hoxe tivemos a segunda sesión do club de lectura dedicada ao libro Mitos e Lendas da Ribeira Sacra, escrito por Dani Viéitez e Iria Iglesias.

     Nesta sesión cada membro do club fixo a exposición correspondente a lenda que tiña asignada para hoxe.

  Unha posta en común moi interesante na que dos demos conta de que as lendas non son tan doadas de entender así que aproveitaremos a próxima sesión cos autores do libro para solucionar todas as dúbidas que nos quedan.

AS FAMILIAS CONTAN: FAMILIA DE EREA

Hoxe estreamos a actividade As familias contan deste curso 2023 - 2024 coa Familia de Erea.

  

Erea e a súa nai Silvia escolleron o libro titulado Stelaluna escrito e ilustrado por Janell Cannon.

 

  Stelaluna é unha pequena morcego que se perde da súa nai cando un bufo a ataca.

 

Como está perdida e soa unha familia de paxaros decide adoptala pero os paxaros son moi diferentes dos morcegos

Stelaluna intenta adaptarse á súa nova familia e, aínda que se leva moi ben cos pequenos paxariños, non é doado para ela; eles non dormen colgados polos pés, comen insectos, voan polo día...

Un día cando saen a voar, Stelaluna volve a perderse e fáiselle de noite no bosque así que decide pousarse nunha rama a esperar a que se faga de día.

Estando colgada daquela rama a Stelaluna pasoulle algo sorprendente: atopou a súa nai!

Desde ese momento comezou a vivir con ela e aprendeu como viven os morcegos de verdade.

    De alí a uns días, Stelaluna foi  buscar aos seus amigos paxariños para ensinarlles como é realmente a vida dos morcegos e con ese intercambio, todos aprenderon que é posible ser amigos a pesar das diferenzas.

- Ojalá vosotros también pudierais ver en la oscuridad- dijo Stetaluna.

—Ojalá tú pudieras posarte de pie —respondió Flitter, Pip y Flap asintieron con la cabeza.

Se quedaron allí arriba en silencio un buen rato.

—¿Cómo podemos ser tan distintos y sentirnos tan iguales? —meditó Flitter.

—¿Y cómo podemos sentirnos tan distintos y ser tan iguales? —se preguntó Pip.

—Creo que eso es todo un misterio —pió Flap.

—Estoy de acuerdo —dijo Stelaluna—. Pero somos amigos. Y eso sí que está claro.

   Se vos quedastes con ganas de saber máis sobre a historia de Stelaluna, podedes escoitar todo o libro no seguinte podcast xa que Silvia e Erea estiveron en Radiuvín para gravalo.

MOITAS  GRAZAS  AS  DÚAS  POR  VIR  A  LERNOS  ESTA  HISTORIA  COA  QUE  APRENDEMOS  TANTO  SOBRE  INTEGRACIÓN, DIVERSIDADE  E  RESPECTO!!

GALERÍA  DE  IMAXES

XI SEMANA DA MÚSICA 2023

     Esta é a décimo primeira Semana da Música que celebramos no colexio con motivo de Santa Icía, patroa da música.

     Durante toda a semana, o alumnado tivo que dar resposta aos retos e ás probas que foron aparecendo na entrada da biblioteca investigando e averiguando moitos datos sobre a familia de instrumentos á que se lle adicou este ano a semana musical: A  PERCUSIÓN.

   A actividade completouse cun concerto didáctico na biblioteca a cargo de Alba Varela Losada, ex-alumna do noso colexio e, na actualidade, alumna en prácticas. Ela, como percusionista, puido explicarlle a todo o alumnado os aspectos máis importantes dos instrumentos que forman esta familia: clasificación, tipos de sons que poden producir, técnica instrumental, tipos de baquetas, instrumentos de pequena percusión...

    

Podedes ver algúns anacos deste concerto no seguinte vídeo:

  Despois Alba foi a encargada de facer entrega dos agasallos aos participantes no certame de investigación e os premios aos que mellor o fixeron.

    Para rematar Alba estivo nos nosos estudos radiofónicos onde foi entrevistada por Javier, Germán e Carlota como podedes escoitar no seguinte programa de Radiuvín.

 

 

Moitas grazas Alba, por este concerto e por todas as túas explicacións tan didácticas!

 

Moitas grazas á banda de música por prestarnos os instrumentos para esta sesión!

 

PARA  VER  MÁIS  MOMENTOS  DESTA  ACTIVIDADE,

PODEDES  FACELO  PREMENDO  NA GALERÍA  DE  IMAXES

FELIZ  DÍA  DE  SANTA  ICÍA!!!

 

DÍA INTERNACIONAL DA INFANCIA - DÍA DOS DEREITOS D@S NEN@S

    O 20 de novembro conmemórase o Día Internacional da Infancia porque nesta data, en 1989,  se firmou a Convención sobre os Dereitos dos nenos e das nenas; un texto no que se recollen os dereitos da infancia, as medidas de protección e os coidados que necesitan xs menores de 18 anos.

  Para conmemoralo e dar a coñecer este día, decidimos centrarnos no decálogo que resume o texto da convención porque abarcala toda é moi difícil. Así que o que fixemos foi repartir estes dez dereitos principais a 10 grupos de nenos e nenas de xeito que cada grupo tiña que ilustrar nun vagón o dereito que lle correspondía.

   Despois o alumnado de Infantil foi o encargado de decorar a locomotora que tirara por todos eses vagóns.

  Cando xa tivemos todas as partes preparadas, unímolas formando o noso gran TREN  DOS  DEREITOS!

Podedes ver todas as imaxes e cada un dos vagóns, seguindo o enlace:

GALERÍA  DE  IMAXES

Mesturas homoxéneas e heteroxéneas

Materiais

3 vasos transparentes

Auga

Leite

Sal

Lentells

Xabón de mans

Cacao

Arroz

Aceite

Preparación

Mesturas homoxéneas:

Enche dous vasos de auga até a metade e outro de leite.

Nun dos vasos de auga, botamos un pouco de sal e no outro unha pequena cantidade de

 xabón de mans.

Botamos unha cullerada de cacao sobre o vaso de leite e revolvemos ben os tres vasos. 

Pódese diferencia a substancia engadida nos tres vasos?

Mesturas heteroxéneas:

Poñemos sobre a mesa os dous vasos.

Nun dos vasos botamos auga e no outro botamos un pouco de arroz.

No vaso con auga, botamos unhas culleradiñas de aceite e sobre o vaso de arroz, botamos lentellas. 

Removemos ben ambas mesturas.

Observa se desta vez es capaz de diferenciar o introducido en cada vaso.

Que é o que observamos?

Nas mesturas homoxéneas, o que observamos é que ao remover ben ambas substancias, estas mestúranse de forma que non poidamos diferencialas dentro do propio vaso.

Nas mesturas heteroxéneas observamos que, por moito que revolvamos ambas substancias, 

estas nunca se disolverán entre elas, senón que sempre permanecerán separadas, de forma que 

poderemos diferencialas dentro do propio vaso despois de revolvelas.

Explicación

Unha mestura é a combinación de dúas ou máis substancias puras, que poden atoparse en cantidades variables, pero mantendo as súas propiedades.

Estas mesturas poden ser homoxéneas ou heteroxéneas.

Mesturas homoxéneas son aquelas cuxos compoñenetes están distribuídos de maneira uniforme, é dicir, non se poden visualizar a simple vista.

Mesturas heteroxéneas son aquelas que están compostas por elementos que se poden diferenciar os uns dos outros a simple vista.