Presentación dos escornabots ao alumnado de Ed. Infantil

Hoxe Lectubot presentouse aos alumnos de Infantil

E por primeira vez puideron manipulalo. Mirade as súas caras!!

Despois facemos algúns xogos sinxelos co taboleiro de números.

VOLTAMOS ÁS CLASES

    A Consellería de Cultura, Educación e Ordenación Universitaria reparou durante a fin de semana os danos que o temporal de chuvia e vento provocou no noso centro co fin de retomar hoxe as clases con normalidade.

 

    Ao longo do día de hoxe a empresa encargada das obras revisará a zona afectada e medirá os remates perimetrais e canlóns para proceder á súa instalación tan pronto como estea seca.

 

EL PROGRESO

CONCELLO  DE  SOBER

PRENSA E INFORMATIVOS FIXÉRONSE ECO DOS DETROZOS DO TEMPORAL

Para acceder ás noticias e aos vídeos, só tedes que facer click na imaxe correspondente

CONCELLO  DE  SOBER

 

LA  VOZ  DE  GALICIA (Prensa escrita e vídeo informativo)

EL  PROGRESO

 

TVE: INFORMATIVO TERRIRORIAL(3/2/2017)

 

 

TELECINCO. INFORMATIVOS MEDIODÍA (02/02/2017) - Minuto 26

TVG. INFORMATIVOS

DÁNDOLLE VOLTAS ÁS LETRAS 3D

    Do curso de formación en impresión 3D que fixemos os profesores, quedáronnos as letras que forman o nome do noso colexio.

   Agora os nenos e nenas de Educación Infantil aproveitánnas para darlle voltas as cabeciñas e formar novas palabras.

   Cun pouco de concentración xa empezan a sair palabras e como somos un centro plurilingüe tanto saen en castelán como en galego ou inglés.

RISCOS NO USO DAS NOVAS TECNOLOXÍAS

    Dentro do PLAN  DIRECTOR  PARA  A  CONVIVENCIA  E  A MELLORA  DE  SEGURIDADE  NOS  CENTROS  EDUCATIVOS  E  NOS  SEUS  CONTORNOS, contamos no centro coa presenza dun membro da Garda civil experto nos riscos de seguridade asociados ás novas tecnoloxías e ao uso de redes sociais.

 Os temas abordados nesta sesión foron moi interesantes, actuais e axeitados ás inquedanzas do noso alumnado; algúns deles foron:

- CIBERBULLYNG: acoso escolar a través das redes sociais agravados con aspectos racistas ou xenófobos.

- SEXTING e SEXTORSIÓN: os perigos da difusión de contidos de carácter sexual; tanto propios (imaxes, vídeos...) como alleos.

-VIOLENCIA DE XÉNERO: en canto ao acoso e control que un membro de parella pode exercer sobre as actividades na rede ou o móbil do outro membro.

- GROOMING: cando un adulto se fai pasar por menor mediante un falso perfil para establecer relacións con un menor.

- XOGOS EN REDE: xogos para adultos moi violentos ou de contidos sexuais extendidos entre adolescentes e preadolescentes.

- CONTRASINAIS: métodos para a construción de contrasinais seguros, dobres contrasinais... para evitar os roubos de datos nas contas de internet así como para evitar que algún pirata informático poida acceder ao noso historial de busca, ás fotos, a cámara do portátil, tablet ou móbil...

   Unha charla moi produtiva que esperamos que o noso alumnado teña en conta cando vaia a facer uso de internet e das redes sociais

CURSO: Alfabetización en linguaxes de programación

    Seguindo co curso do PFPP (Plan de Formación Permanente do Profesorado) que estamos a desenvolver no centro; esta xornada de formación está adicada á impresión 3D: programación, funcionamento e uso didáctico.

     Nesta última sesión, coñecemos de primeira man o traballo cunha impresora en 3D. Unha ferramenta moi interesente para o futuro.

    Clickando na seguinte imaxe podes ver un vídeo resumo da impresión dunha peza para os carritos do supermercado.

  Ademáis, desta sesión de traballo quedáronnos de recordo as letras que forman o nome do noso centro.

DE QUE CHE VALE?

    A  música non pode faltar na nosa Biblioteca escolar: territorio das artes. Por iso, acabamos de ter nela un encontro con Jesús Pareja, mestre de música do CEIP San Xoán de Filgueira de Ferrol, Musicólogo, compositor e Director do Coro da Universidade Sénior de Ferrol onde tamén é mestre de Linguaxe Musical. 

   Neste encontro, o compositor explicoulle ao noso alumnado moitos aspectos relacionados coa música e a composición de obras tanto para nenos como pop ou máis clásicas, e eles puideron preguntarlle as súas dúbidas ao respecto.

   A continuación, puidemos gravar con él a súa canción De que che vale? coa que queremos conmemorar o Día da Paz; porque tamén se pode traballar pola paz dende a música; así que como di o retrouso:

Cantemos unidos pola paz,

tiremos do mundo pola paz,

coidemos da vida pola paz,

fagámolo xuntos pola paz.

    Ademais neste retrouso, poñemos en práctica as ensinanzas de Lingua de Signos; nel pódese ver como o alumnado de Primaria signa a primeira parte de cada verso; e o de infantil a parte final "pola paz"

   Queremos agradecerlle ao autor a súa presenza desinteresada no centro e as súas verbas tan agarimosas.

Na   GALERÍA  DE  FOTOS podedes ver imaxes da preparación do mural,
dos ensaios, do encontro e da gravación do vídeo