CLUB DE LECTURA (2/2024-2025)

    Hoxe comezamos o libro O misterio dos bailaríns. Penca de prata escrito por Arthur Conan Doyle comentando o primeiro relato.

   Neste relato o famoso detective Sherlock Holmes ten que resolver un intrigante misterio que comeza cando o Sr. Hilton Cubitt lle envía uns debuxos duns pequenos bailaríns que aparecen en mensaxes para a súa muller e que parecen ser a razón pola que a súa esposa Elsie está atemorizada.

   Cada vez aparecían máis mensaxes de bailaríns en sitios diferentes: nun trozo de papel, pintados nunha parede ou nunha porta, no peitoril da ventá... e cada vez Elsie estaba máis aterrada.

  Esta primeira parte da lectura deixa moitas dúbidas entre os membros do club que intentan tamén descubrir o que significan os bailaríns pero de momento non puidemos averiguar nada. O que si que fixemos foi falar do que é un criptograma e resolvemos algúns xeroglíficos.

  Engancháronnos tanto os xeroglíficos que para o próximo día propuxemos facer uns xeroglíficos cos nosos nomes para que os demais traten de adiviñalos.

   Outra tarefa para a próxima sesión será averiguar como se chaman as aclaracións que aparecen no fondo da páxina cun número e para que serven exactamente.

ATA  A  PRÓXIMA  SESIÓN!!