Chegou o outono e os nenos e nenas de Educación Infantil comezaron a descubrir os cambios que se producen nesta estación a partir da lectura do conto O Ladrón de follas de Alice Hemming e Nicola Slater.
O protagonista desta historia é Esquío, que está que bota chispas porque onte había unha morea de follas na súa árbore, pero hoxe.... Onde están? Hai un ladrón?... Ao final do conto descúbrese que o único ladrón do bosque é o vento do outono, que leva as follas dun lado para o outro.
A partir desta lectura as crianzas fixeron unha actividade moi orixinal: pintar cos ourizos das castañas! Para isto o primeiro paso foi recoller os ourizos do patio da escola, eso si, empregando unas pinzas para non pincharse.
Despois veu a parte máis divertida: botamos pintura das cores do outono nun papel metido nunha gabeta, metemos tamén o ourizo e movémola moito para que os ourizos foran pintando por todo o papel.
Ademáis de pintar cos ourizos, aprendemos que eles son a "casiña" das castañas mentres están medrando na árbore, e que unha das festas máis importante desta estación está precisamente relacionada con estes froitos, o magosto!
Para esta celebración decidimos facer un portacastañas empregando materiais de refugallo. Tivemos que estar durante un tempo gardando os envases de leite baleiros do comedor, lavalos e cortalos á metade.
Logo estampamos con esponxas uns papeis continuos de cores relacionados con esta estación.
E AGORA...
No hay comentarios:
Publicar un comentario