COMANDAS DO MECO - XOVES

   Hoxe xoves rematan as comandas do Meco con todos os nenos e nenas en pixama. 

 

 

Pero... por que viñemos todos así vestidos, ou mellor dito, sen vestir?

Porque como din as comandas do Meco:

E de que tartaruga pensades que estamos falando?

  De A tartaruga que quería durmir que é a protagonista da historia escrita por Roberto Aliaga. 

 

   Carlota, Germán, Diego e Javier foron os que nos contaron o que lle pasa a esta tartaruga que ten moito sono e que o único que quere é durmir o inverno todo. 

 

    Pero cando xa está na cama, despois de cumprir con todo o ritual necesario (cepillar os dentes, poñer o camisón, acomodar as sabas), alguén chama á porta. 

 

     Parece que todos os seus amigos se puxeron dacordo para petar na porta traendo agasallos para acompañala antes do longo período de sono que lle agarda!

 

      Será capaz a tartaruga de conseguir durmir o inverno todo?

Se queredes coñecer o final do libro, podedes escoitalo no seguinte podcast!

 

DÍA INTERNACIONAL DA NENA E A MULLER NA CIENCIA - 2023

     O 11 de febreiro conmemórase o Día Internacional da Nena e a Muller na Ciencia. Un día co que a Asamblea Xeral das Nacións Unidas pretende visibilizar "o labor das científicas, promover a realización de actividades e fomentar vocacións científicas que axuden a pechar a brecha de xénero na ciencia".

   Desde o colexio xa fai varios anos que nos sumarnos a esta iniciativa invitando a mulleres de Ciencia do noso Concello. Nesta ocasión tivemos con nós a Tamara Quiroga e Betty Pérez, que ademais de ser de Sober; son nais dos nosos compañeiros Aldán e Noa.

    

     Elas son técnicas de Raios e traballan no Servizo de Radioloxía do Hospital de Monforte de Lemos polo que puidemos aprender moitísimas cousas sobre este traballo que pertence á rama sanitaria que se encarga do radiodiagnóstico con probas como radiografías ou ecografías.

    Durante a súa intervención, faláronos dos diferentes tipos de probas que se fan e das diferentes máquinas que se utilizan para facelas: radiografías, TAC, resonancias, mamografías... e para que o entenderamos ben, explicáronos que cando nos fan unha resonancia as imaxes que vemos son como se nos cortasen en rebanadas.

 

   Ademais de explicarnos en que consiste o seu traballo, ensináronos un vídeo co que coñecemos un pouco da orixe e o descubremento destas probas desde a 1ª radiografía que se fixo en 1895.

   Tamén nos mostraron radiografías antigas na mesa de luz para que puidésemos ver exemplos de como se ven as diferentes partes do noso corpo:

Craneo

Vexiga, riles e uréteres

Pulmóns

Columna vertebral

E ata unha prótese de cadeira!!

      Ademais aprendemos que para protexerse das radiacións a sala onde se fan está aislada con chumbo e que se teñen que quedarse co paciente que ten que facer a proba deben protexerse con delantais plomados.

      Para rematar a visita, acudiron as instalacións de Radiuvín onde falaron con Lola e Darío sobre todo o que nos contaran na biblioteca.

ESPERAMOS  QUE  O  VOSO  EXEMPLO  DE  MULLERES  DE  CIENCIA, AXUDE  ÁS  NOSAS  ALUMNAS  A  COMPRENDER  QUE  DE  MAIORES  PODEN  SER  O  QUE  ELAS  QUEIRAN  SER.   

 

   MOITAS  GRAZAS  POR  VIR  A  COMPARTIR
CON  NÓS  ESTE  DÍA!!

GALERÍA  DE  IMAXES 

 

COMANDAS DO MECO - MÉRCORES 2023

 

GALERÍA DE IMAXES

COMANDAS DO MECO - MARTES 2023

GALERÍA  DE  IMAXES

PORQUE TE QUERO MOITO

O 14 de febreiro celébrase tradicionalmente San Valentín, un festexo que según algunhas fontes históricas xa se celebraba na época romana. 

Hoxe é un día para demostrarlles as persoas que queremos o noso amor e admiración por elas: as nosas familias, amigxs, mestrxs... Aínda que é un sentimento que deberíamos demostrar a diario, ás veces cóstanos un pouco. Por iso, dende a materia de Valores Sociais e Cívicos o alumnado de 3º e 4º de primaria estivo a traballar o conto Porque te quero moito de Milja Praagman da Editorial Hércules Edicións. 

Quixemos homenaxear a unhas das persoas máis importantes das nosas vidas: as nosas avoas e o seu amor infintivo que sempre nos demostran. Por iso, eliximos este albúm ilustrado que mostra o vencello entre unha avoa e a súa neta, Ibi. 

Fixemos un audio conto aplicando as técnicas que aprendimos no último obradoiro de radio que fixemos fai uns días. Esperamos que vos guste moito!

PROXECTO AS ABELLAS

   Este entroido quixemos realizar un proxecto sobre as  abellas  para coñecer mellor o seu mundo. Por iso programamos varias actividades entre as que se atopa a actividade de hoxe: unha sesión didáctica sobre estes insectos que nos ofrecen un montón de produtos naturais.

  Con esta finalidade estiveron na biblioteca os apicultores  Enrique Rojo  e  Joel Salgado  (ex-alumno do colexio e tío da nosa compañeira Gissela) que viñeron a falarnos sobre o mundo das abellas. 

 

    Explicáronos os tipos de abellas que existen e de que se encarga cada unha: a raíña, as obreiras e os zánganos.

     Despois faláronos das colemnas actuais, as súa partes e o seu funcionamento; pero tamén nos trouxeron colmenas naturais feitas polas abellas nos propios troncos das árbores chamadas TROBOS.

 

 

   Outra cousa que nos explicaron foi o traballo do apicultor e como debe protexerse, o proceso de extracción do mel desde a colmea ata o envasado, o porqué das diferentes cores do mel...

   A continuación contáronos os perigos aos que están expostos as abellas hoxe en día e ensináronos como facer unha trampa para as velutinas cunha botella, levadura, auga e azucre.

    Para rematar ensináronos diferentes tipos de abellas e como diferenciar unha velutina dunha abella crabro que é unha especie autóctona galega: a velutina ten a maior parte do abdome negro e a crabro ten a maior parte do abdome amarelo.

  

 

   Se vós tamén queredes saber todas estas cousas e máis sobre estes insectos, podedes escoitar a entrevista que Gissela, Libertad e Mencía lles fixeron nos nosos estudos de radio.

 

   E para coñecer mellor ás abellas e a súa vida na colmea podedes ler os libros que se atopan na biblioteca.

MOITAS  GRAZAS  AOS  NOSOS  INVITADOS  POR  ESTE  TEMPO  QUE  NOS  DEDICARON!!

 

ESTAREMOS  ENCANTADOS  DE  RECIBIRVOS  SE  DESEXADES  VOLVER  A  CONTARNOS  MÁIS  COUSAS!!

GALERÍA  DE  IMAXES