SELO BIBLIOTECAS ESCOLARES SOLIDARIAS

A prensa fíxose eco hoxe da concesión do Selo Bibliotecas Escolares Solidarias:

Xornal dixital Diario de Lemos

Xornal Dixital: Xornal de Lemos

SOBERICIAS: Bibliotecas Escolares Solidarias

  Sobericias, o programa que che conta as mellores noticias, informa nesta edición sobre a Concesión do Selo Bibliotecas Escolares Solidarias en voz dos reporteiros de 3º e 4º de Primaria.

CORES: Proxecto de Infantil

   O alumnado de Infantil A estivo levando a cabo un proxecto sobre cores primarias, cores secundarias e as combinacións entre elas. Fixeron actividades e experimentos e recolleron a información no Libro das cores.

 

     Hoxe complementaron o proxecto experimentando coa mesa de luz, unha actividade que lles encantou!

 

BIBLIOTECAS ESCOLARES SOLIDARIAS

     SOMOS UNHA
    BIBLIOTECA    ESCOLAR    SOLIDARIA!! 

    No portal Educativo publicouse a Resolución de 29 de maio de 2018, da Dirección Xeral de Centros e Recursos Humanos pola que se resolven dúas das accións integradas no programa "Bibliotecas Escolares Solidarias" deste curso 2017/2018: Voluntariado de lectura-A (primaria) e o Selo "Biblitoeca Escolar Solidaria".

    Na resolución concédesenos este selo a cinco bibliotecas galegas: tres por renovación e dúas que o recibimos por primeira vez. Este selo ten un valor de recoñecemento que se acompaña dun diploma acreditativo e dunha asignación económica para organizar actividades na biblioteca que faciliten a atención á diversidade e avances na configuración dunha biblioteca inclusiva.

 

     Para optar a este Selo que é un distintivo de calidade que se outorga ás bibliotecas nas que se traballa de forma salientable a compensación de desigualdades entre os distintios integrantes da comunidade educativa e se fomenta o voluntariado cultural entre os integrantes da comunidade escolar; a convocatoria establece tres requisitos:

- Propiciar valores de xustiza e solidariedade procurando de forma destacada a compensación de desigualdades e favorecer o uso dos seus recursos e oportunidades.

- Contar cun equipo de colaboradores formado por alumnado do centro: alumnado voluntario.

- Contar con familias que colaboran na xestión e dinamización da biblioteca escolar: actividades concretas de apoio á biblioteca e de lectura compartida.

    Por iso, todo o Equipo de Biblioteca e eu, persoalmente como responsable do mesmo, QUEREMOS  COMPARTIR  ESTE  RECOÑECEMENTO  COS  NOSOS  ALUMNOS  E  ALUMNAS  E  CON TODAS  AS  FAMILIAS  QUE  NOS  APOIADES E  NOS  AXUDADES.

    ESTE  SELO  É  POSIBLE  GRAZAS  AO  TRABALLO SOLIDARIO  DE  TODOS

NORABOA!!

NAVEGA CON RUMBO

    Chega de novo aos nosos alumnos de 3º, 4º, 5º e 6º de Primaria o Plan Navega con Rumbo polo Ciberespazo presentado polo Colexio Profesional de Enxeñaría en Informática de Galicia (CPEIG) en colaboración coa Xunta de Galicia coa finalidade de ensinar a navegar pola rede.

    José Manuel Enríquez recordounos que aínda que internet é divertido e útil: podes buscar información, xogar, comunicarte... hai que navegar con seguridade evitando todos os posibles riscos da rede.

     Ademais lles deu pautas á hora de escoller o nick, alcume ou nome do usuario (NON incluír o nome real nin a data de nacemento ou idade) e recomendacións referidas á creación dunha contrasinal segura: 

- Mínimo de 8 caracteres

- Incluir algún número que non sexan datas, números de teléfono, DNI...

- Combinar maiúsculas e minúsculas

- Se é posible engadir algún caracter especial (guión, barra baixa...)

- Que tal unha canción ou frase?

       Para rematar, podemos resumir as ensinanzas de hoxe en dous consellos:

- NON  FAGAS  NADA  POR  INTERNET  QUE  NON  FAGAS  NA  VIDA  REAL

- PIDE  AXUDA  A  UN  ADULTO ANTE  CALQUERA  COUSA  QUE  TE  INCOMODE

MÁIS  INFORMACIÓN  NA  WEB: www.navegaconrumbo.es

EXCURSIÓN A GUNDIVÓS E CEIP A GÁNDARA

   Organizamos esta excursión grazas á colaboración de dúas familias do colexio: Noelia e Diego, pais de Héctor e Darío, convidáronnos á súa granxa e Elías, pai de Germán e Martín, invitounos ao seu centro oleiro.

   A visita comezou na Pena de Gundivós onde Noelia e Diego faláronlle ao noso alumnado da súa gandería Casa da Escola na que teñen gando porcino e ovino. Unha gandería semiextensiva xa que o gando está en liberdade pero eles proporciónanlles o alimento necesario.

  Faláronlle de moitos aspectos relacionados coa cría e mantemento dos animais, da importancia do medio ambiente, do respecto aos animais e a natureza, dos problemas aos que se enfrontan e da importancia de esforzarse para acadar o que nos propoñemos.

  Tamén houbo tempo para achegarse a algúns dos animais; desde as cerdas máis grandes ata os máis tenros cordeiriños.

 

MOITAS  GRAZAS  POLAS  VOSAS  ENSINANZAS  E  POLO  VOSO  TEMPO!!

   Desde a granxa dirixímonos ao Centro Oleiro de Gundivós onde nos esperaba Elías. Este centro encóntrase na Casa Rectoral desta parroquia, un edificio do século XVIII que él transformou nun centro de interpretación da cerámica.

    A visita comezou no espazo destinado ao museo onde puidemos ver pezas pensadas para a cociña, a bodega, as matanzas... e outras de máis de 300 anos. Tamén visitamos unha cociña tradicional co seu pote, as alacenas, os bancos...

    Despois pasamos á parte práctica no patio da casa. Alí, co barro típico da zona e nun torno baixo e manual, Elías fixo para nós un xarro de Gundivós coa súa barriga, as súas orellas, os seus bigotes  e ata un par de ollos.

  Co xarro feito, explicounos as seguintes fases: secado, cocido, cor e impermeabilizado con resina de pino que se aplica unha vez que a peza está cocida e afumada pero aínda quente para que a calor a poida derretir.

GRAZAS  POR  COMPARTIR  CON  NÓS  ESTA  RIQUEZA  PATRIMONIAL!!

   A excursión rematou cunha convivencia co alumnado do CEIP A Gándara de Monforte, onde houbo tempo para encontrarnos con ex-alumnos do noso colexio e para coñecer a súa biblioteca.

CONTOS RECICLADOS

   Anxo Moure estivo hoxe na biblioteca para realizar o taller Contos reciclados.  Unha actividade na que utilizamos as novas negativas que o alumnado buscara nos xornais para obter corazóns de papel seguindo a receita proposta.

INGREDIENTES:

Auga, novas negativas dos xornais e respecto pola natureza.

MODO  DE  PREPARACIÓN:

1) Metemos auga nun recipiente, rompemos as novas negativas en pequenos trozos de papel que poñemos en remollo coa auga e pasamos a mestura resultante pola batedora para obter pasta de papel.

2) Vertemos a pasta de papel nun molde con forma de corazón e quitamos a auga sobrante. Esta auga poderemos aproveitala para peitear a un compañeiro.

  3)  Á pasta escurrida, dámoslle a volta nunha camiseta como a unha tortilla e esperamos que endureza.

 4) Cando o corazón está seco, podemos aproveitalo para facer unha declaración de amor.

    Ademais desta receita puidemos escoitar máis historias para aprender a amar a natureza e os bosques da man do seu autor.

   E coñecemos a maior arma de repoboación masiva: o _______________________

  Antes de marchar o escritor, contacontos e ecopacifista chantadino tivo tempo de dedicarnos algún dos seus libros que temos na biblioteca e pasar por Radiuvín.

Para ver todas as imaxes da actividade podes ir á GALERÍA  DE  IMAXES