FAMILIA DE EDHAI

    Para rematar a actividade As familias contan deste curso, contamos cunha familia que era a primeira vez que viña a contar: Loli e Paula, nai e irmá de Edhai. Foi unha actividade con sorpresa xa que recibimos a Paula con moita ledicia xa que non fai moito aínda que era alumna do noso centro.

   Elas viñeron a lernos o libro Palabras con corazón escrito por Kate Jane Neal da Editorial Cubilete.

   Con este libro aprendemos que hai palabras que fan chorar e outras que fan rir; palabras para cousas grandes ou para cousas moi pequenas; tamén hai palabras silenciosas e outras que fan ruído...

 

 Palabras para nomear cousas marabillosas pero tamén palabras que nos poden ferir.

 As palabras teñen moito poder! E as palabras que lle dedicamos a outras persoas poden axudalas ou servirlles de ánimo así que o mundo pode ser un lugar mellor grazas as palabras que decidimos dicir.

A partir de agora, pensade ben as palabras que dicides  para facer ver se entre todos podemos chegar a facer do mundo ese lugar mellor.

Podedes escoitar este libro no seguinte podcast que nos deixaron gravado en Radiuvín.

 

MOITÍSIMAS  GRAZAS  ÁS  DÚAS  POR  VIR  A  COMPARTIR  ESTE  LIBRO  CON  NÓS!!

GALERÍA  DE  IMAXES