O alumnado de Educación Primaria asistiu hoxe no Salón de Actos do colexio, á representación da obra "A teteira de Kabul" que é unha adaptación para monicreques do conto de Carolina Pujadas feita pola Compañía Xarope Tulú en colaboración coa ONGD Asemblea de Cooperación pola Paz
A súa protagonista é Mina, unha nena afgá que ten que abandonar o seu fogar como consecuencia da guerra. Xunto á súa familia emprende unha longa viaxe na que, a pesar das duras condicións, irá descubrindo a bondade grazas ás historias que lle conta súa nai e que ela garda nunha teteira para poder volver a elas cando precise que os contos a arroupen.
A personaxe de Mina está inspirada na vida da escritora afgá Nadia Ghulam quen sufriu os horrores da guerra de Afganistán cando era nena e agora é unha activista pola paz.
MOITAS GRAZAS AO CONCELLO POR ACHEGARNOS ESTA PROPOSTA QUE NOS FIXO REFLEXIONAR SOBRE A REALIDADE DAS PERSOAS REFUXIADAS, A IMPORTANCIA DA SOLIDARIEDADE E O VALOR DE VIVIR EN PAZ.
No hay comentarios:
Publicar un comentario