NAVEGA, CARACOL

    O alumnado de Educación Infantil A estivo traballando na biblioteca co libro Navega, caracol! de Armando Quintero e André Letria. 

 

 

     Neste libro coñecemos a caracol que decide saír a pasear un día no que o sol se escondía tras unha nube gris.

    Paseando, paseando chegou a un regato e decidiu subirse a unha folla para botarse á auga a navegar. Durante o paseo nesa barca improvisada, caracol coñeceu a cinco rás que estaban cantando no medio do río: croá, croá, croá!

    Caracol púxose a cantar con elas e entre todos fixeron un coro moi divertido. Ao final, caracol tivo que volver á beira do regato pero coa felicidade de ter feito cinco novas e verdes amigas.

 

    Ás crianzas lles gustou tanto este conto que estivemos coloreando uns caracois e facendo outros con platilina.

   Tamén fixeron uns caracois móbiles para navegar nunha folla. Primeiro picaron as follas e pintaron os caracois.

Despois picaron os caracois e envolvéronos para darlle a súa forma particular.

    Por último pegamos unha cana á folla e un pauciño ao caracol, e así conseguimos uns caracois móbiles moi divertidos preparados para navegar en calquera regato.